مراجعه شامله للاب توب الجديد HP ProBook 4530s + التعريفات

[A Beautiful Mind]

اليوم باذن الله سوف اقوم بعمل مراجعه متواضعه للابتوب HP ProBook 4530s التكنولوجيا الجديده من HP
قامت شركة HP بطرح حاسبات Pavilion dv وسلسلة G للمستهلكين تاركين محبي الاعمال في ظلام بتصاميم HP القديمه ومعالجات القديمه ولكن لاتقلقوا فاليوم هو يوم سعدكم فلقد أعلنت عن أفراد جدد من حاسبات EliteBook وProBooks لفئة الأعمال أو أي شخص يبحث عن مواصفات قويه . كل الحاسبات العشره بتصميم معدني ومعالجات الساندي بريدج وخاصية التعرّف على الوجه والمزيد من الأقراص الصلبه والذاكرات العشوائيه . أعلنت الشركة عن 14 أنش EliteBook 8460p و ProBooks بـ 15.6 أنش والذي يويحيان لنا بأن مكانهما المناسب في مكتب وتصميم من الألمنيوم والمغناسيوم كما أنها ضد البصمات كما أنها متوافقه مع معايير MIL-STD 810G والتي تعني أنه يصمد أمام أصعب الظروف البيئيه .

يمكنك أختيار المواصفات التي تريدها من معالجات Sandy Bridge سواء كانت معالجات Core i3 و Core i5 و Core i7 والذاكرة العشوائيه يمكنك رفعها إلى 8 جيجابايت وهنالك منافذ USB 3.0 ومعالج الرسوميات AMD Radeon HD 6470M والبطارية أما 3 أو 6 أو 9 خلايا وتقول HP أن مع استخدام الوسائط التخزينيه SSD والبطارية 9 خلايا يمكنه أن يستمر الحاسب المحمول إلى 32 ساعه
بالنسبة لحاسبات ProBook من فئة B فهي نعم من فئة الاعمال ولكن بسعر رخيص الثمن نعم أنه مزود بمادتي الألمنيوم والمغانيسيوم ألا أن التصميم عادي وهنالك 3 أنواع من الحاسبات المحموله هنا وهم 4430s بشاشه 14 أنش و 4530s بشاشه 15.6 أنش وهنالك الحاسب المحمول 4730s بشاشه 17 أنش من معالجات Sandy Bridge سواء كانت معالجات Core i3 و Core i5 و Core i7 وهنالك خيار معالج السيلرون وهنالك حاسبات 13 و 12 أنش وعدد من معالجات الرسوميات


معلش انا حاسس انى اتكلمت كتيير قوى بس بالفعل تكنولوجيا ال ProBooks تستحق بعد تجربه دامت لاسبوعين على هذا الجهاز اثبت بالفعل كفائته العاليه معى
اولا ناتى الى الامكانيات وبعدها نتحدث عن المميزات والعيوب
2nd-generation Intel Core i3 2310M ( 2.1 GHz/3MB / 1066MHZ)
RAM 4 GB 1333 MHz ( 1 x 4 GB )
HDD 320 GB 7200 rpm
DVD±RW
Intel® HD Graphics 3000
Monitor 15.6 diagonal LED-backlit HD anti-glare (1366 x 76
Gigabit Ethernet
WLAN : 802.11b/g/n
Webcam
Bluetooth 2.1 EDR
Bluetooth 3.0 HS
fingerprint

reader

Windows 7 Home Premium
Battery 6 CELL

1-year warranty
Weight (2.36 kg)


فى هذه الصوره تقريبا تعرض لنا معظم مميزات هذا الجهاز الجديد



طبعا نظرا لردأة الصوره لدى والكاميره بتاعت الموبايل لذلك جميع الصور التى ساعرضها اخترتها بعنايه كى تتناسق مع اللابتوب وايضا تكون صحيحه ومماثله

هذه الصوره من اسفل البطاريه وهذه تحتوى على البدج الخاص بشركه مايكروسوفت وبه السيريال الخاص بالنسخه ال 7 Home Premium
i
هكذا هو الشكل الخارجى من الخلف بصراحه وبدون مجامله اشعر ان هذا الشكل هو شكل رجال الاعمال بالفعل وايضا المتانه ويتحمل الصدمات هذه هى التكنولوجيا الجديده
والالومنيوم والماغنسيوم وايضا البساطه فى التصميم تعطى رونق خاص للجهاز
ملف مرفق 10292

كارت النتورك الخاص به هو 1GB
وسرعه النقل الخاص به عن طريق كابل اللان كانت 55 ميجا بايت فى الثانيه بجد كان نفسى اخد صوره للنقل لكن ملحوقه ان شاء الله

هذه الصوره تقريبا تبين لكم المظهر العام من الامام وايضا شكل الازرار بتاعت الكبيورد بجد جامده جدا وشيق وثلثه بطريقه غير عاديه

هذه هى بطاريه اللاب توب جميله صح :D

هذه صوره مقربه جدا للوحه المفاتيح تبين مدى جمالها ونظامها الانيق جدا
ازرار هذا اللاب بالفعل ثلثه جدا وبشعر وانا شغال عليها وبكتب وبضغط على الزر بشعر ان الزر هيتقلع من مكانه لذلد باضغط عليها بكل ليونه ويسر :D

هذه الصوره من احدى جوانبه تظهر ال DVD وفتحه المودم ولكنها مغلقه نظرا لعدم الاحتياج الليها وايضا فتحتى ال USB

هذه الصوره من الجانب الاخر توضح فتحتى ال USB 3.0 , HDMI , VGA Port وفتحتة التبريد وايضا مكان الشاحن


هذه الصوره توضح الامكانيات وهى مأخوذه من الجهاز
وواضح من الصوره والامكانيات ان نوع البروسيسور من نوع الساندى بريدج او الجيل الثانى من بروسيسورات ال Core i3


الان بعد ان عرضنا الصور ووضحنا الجهاز نأتى للتحدث عن المميزات والعيوب

هذه المميزات والعيوب هى من وجهة نظرى المتواضعه التى لا قيمه لها

اولا المميزات
1- شكل انسيابى جديد وجميل جدا من وجهة نظرى
2- مقاوم للصدمات (ليست الصدمات الكبيره او الجامده يعنى ):D بمعنى عام يتحمل
3- الوايرليس الخاص بالجهاز بجد يا جماعه روعه وعن تجربه بعد تجربه ثلاث اجهزه فى نفس المكان (هذا الجهاز التقط اكبر عدد من الشبكات وربط عليهم )
4- السخونه سخونه عاديه جدا بعد عمل دام لاكثر من 16 ساعه متواصله (ولكن كان على الشاحن)
5- زمن تحمل البطاريه (دامت البطاريه معى لمده 4:23 متواصله ولكن كان كل الشغل تصفح فقط للنت ومشاهده الافلام والاستماع الى ملفات الاوديو )
6- الكاميره بجد صورتها روعه جدا ونقيه معرفش هى كل الكاميرات كده ولا ايه :D
7-خاصيه ال FingerPrint اعتقد حمايه عاليه للنظام تتيح لك فقط الدخول على الجهاز
8-كارت اللان الخاص بالجهاز 1GB وسريع جدا فى حاله قل البيانات عبر جهازين وصلت السرعه معى الى 55 ميجا بايت
9-الصوت عالى جدا ونقى Stereeo ومريج جدا ليس حاد
10- ياتى مع الجهاز السيريال الخاص بالنسخه الاصليه Home Premium
11-الوزن والحجم مناسبين جدا
12-لوحة مفاتيح كامله يوجد بها الأرقام اللتى فى اليسار
13-الاطار المحيط بالمفاتيح مصنوع من الالومونيوم والماغنسيوم ويسهل تنظيفه ويتحمل الصدمات
14-أربع منافذ USB
15-منفذ لوصلة HDMI
16-تاتش باد جمبله جداا وسهله وتتميز بخاصية MultiTouch


هذه هى المميزات من وجهة نظرى هناك مميزات اخره ولكنى لا اتذكرها

ناتى الان الى العيوب
1- لم ياتى معه اسطوانه التعريفات الخاصه به

اما بالنسبه للتعريفات فيمكنكم تحميلها من هنا
هنااااااااااااااا

2- لم ياتى معه نسخه الويندوز الخاصه به ولكن آتى معه السيريال فقط
3- للاسف لم ياتى معه الشنطه الخاصه به مع العلم هناك لابات تاتى بالشنطه الخاصه بها
4- كارت الشاشه من نوع انتل وهو لا يتحمل الالعاب العاليه (ولكنى لا اهوى الالعاب اطلاقا لذبك فهذا الكارت مناسب بالنسبه لى )

ناتى الان الى سعر الجهاز سعره فى وقت ما اشتريته كان 3333 جنيه فى مول البستان

هذه كانت مراجعه سريعه جدا لهذا اللاب الجديد اتمنى ان تنول على اعجابكم ورضاكم
واى استفسار ان حاضر باذن الله
واعذرونى لو قصرت لانى دى اول مراجعه لى
تحياتى لكم اخوانى الاعزاء مع مراجعات قادمه باذن الله

[anistoona]

ألف مبروك أخي

[A Beautiful Mind]

ألف مبروك أخي

الله يبارك فيك اخى العزيز
اشكرك على مرورك الكريم

[بوليكا]

أخي العزيز أنا اشتريت الجهاز بس الحقيقة عرفت ان الجهاز عشان شاشته Anti - glare بتبقي الألوان ضعيفة ومش واضحة زي الشاشة الكريستال .. فمش عارف الحقيقة ده صحيح ولا لأ .. ممكن تفيدني لو سمحت

[tikatika]

مبرووك ليكوا انتم الاثنين
ممكن تقولو لينا يذا كان في عيوب و مميزات تانية ؟؟

[A Beautiful Mind]

أخي العزيز أنا اشتريت الجهاز بس الحقيقة عرفت ان الجهاز عشان شاشته Anti - glare بتبقي الألوان ضعيفة ومش واضحة زي الشاشة الكريستال .. فمش عارف الحقيقة ده صحيح ولا لأ .. ممكن تفيدني لو سمحت

ممكن علشان انت على نظام ال Power Saver
جرب تخلى نظامك على ال Balanced
عن طريق تعالى عند البطاريه واضغط عليها ثم بعدها More Power Option
هتلاقى مؤشر تحت من اسفل الشاشة زود هذا المؤشر هتزداد معك الاضاءة

[بوليكا]

ليس هذا ما أقصده يا أخي ولكن أقصد أنني قارنت بين الشاشة الخاصة بهذا الجهاز وشاشة الديل فوجدت أن شاشة الديل كريستال والألوان فيها أوضح ولامعة بشكل واضح فلا أعرف هل هذا عيب في جهاز الإتش بي بروبوك .. والحقيقة أخي انا كنت ناوي أرجعه واجيب HP DV6 6155 أو ديل .. فماذا تنصحني .. أرجو الرد سريعا من فضلك لأنني لابد أن أخذ قرار اليوم . وشكرا

[A Beautiful Mind]

ليس هذا ما أقصده يا أخي ولكن أقصد أنني قارنت بين الشاشة الخاصة بهذا الجهاز وشاشة الديل فوجدت أن شاشة الديل كريستال والألوان فيها أوضح ولامعة بشكل واضح فلا أعرف هل هذا عيب في جهاز الإتش بي بروبوك .. والحقيقة أخي انا كنت ناوي أرجعه واجيب HP DV6 6155 أو ديل .. فماذا تنصحني .. أرجو الرد سريعا من فضلك لأنني لابد أن أخذ قرار اليوم . وشكرا

باشا شوف انت محتاج ايه واعمله انا مقدرش اقولك تعمل ايه
لو انت مش مستريح غير الجهاز لو مستريح معاه خلاص
لكن عن نفسى انا مستريح جدا مع هذا الجهاز

[tikatika]

ليس هذا ما أقصده يا أخي ولكن أقصد أنني قارنت بين الشاشة الخاصة بهذا الجهاز وشاشة الديل فوجدت أن شاشة الديل كريستال والألوان فيها أوضح ولامعة بشكل واضح فلا أعرف هل هذا عيب في جهاز الإتش بي بروبوك .. والحقيقة أخي انا كنت ناوي أرجعه واجيب HP DV6 6155 أو ديل .. فماذا تنصحني .. أرجو الرد سريعا من فضلك لأنني لابد أن أخذ قرار اليوم . وشكرا

هو مش عيب هو حسب رغبتك انت في شاشات Anti - glare زي ما قولت و في شاشات بتلمع اسمها Glossy انا مش عرفة 4530s ده اني نوع ....لو الشاشة مش مريحاج غيره بواحد جلوسي

[ismail200089]

بسم الله الرحمن الرحيم

جزاكم الله خيرا على هذا التقرير
انا كنت بصدد شراء هذا الجهاز إنشاء الله وقد أعجبنى الصراحة , مع شراء إصدار أعلى فى الأمكانيات عن هذا الموديل
لكنى فى الحقيقة اريد ان اعرف ما هى ال anti-glare LED وما هى عيوبها
وكنت أريد ان آخذ رأيكم هل هذا الجهاز أفضل ام dell N5110 corei5
مع العلم انى احتاج جهاز سريع وبه كارت جرافيك قوى .. حيث اننى من هواه الألعاب وبرامج الجرافيك
وجزاكم الله خيرا

[ahmed*1]

مراجعه جميله
فيه حاجه مش فاهمها
يعنى ايه الجهاز مش معاه نسخه ويندوز ومعاه سيريال بس
يعنى اجيب اى نسخه واكتفها بالسريال ده

[Sari.HW]

السلام عليكم
الله يوفقك في احتيارك أخي
لدي سؤال وهو الفرق بين فئة probook من hp ومحمولاتها الأخرى مثل dv و G ؟؟
ما المميز في فئة Probook ؟؟

[nashwa ahmed]

انا محتاجة منك مساعدة ضرورى بعد اذنك.. طبعاا موضوعك هايل..انا عندى نفس اللاب ومش عارفة اشغل البلوتوث و التعريفات اللى حتطيت اللينك بتاعها مش فهماها خالص..انزل انهى تعريف منهم ؟؟ واعرف البلوتوث ازاى؟؟

[A Beautiful Mind]

انا محتاجة منك مساعدة ضرورى بعد اذنك.. طبعاا موضوعك هايل..انا عندى نفس اللاب ومش عارفة اشغل البلوتوث و التعريفات اللى حتطيت اللينك بتاعها مش فهماها خالص..انزل انهى تعريف منهم ؟؟ واعرف البلوتوث ازاى؟؟

بصى حضرتك اولاً انتى لو نزلتى ويندوز 7 هو هيعرف البلوتوث لوحده
اما لو معرفش البلوتوث فحضرتك هتحملى التعريف من السايت الخاص بالجهاز وتصطبيه عادى خالص
علشان تنزلى التعريف الصح ممكن حضرتك تقوليلى انتى منزله ويندوز ايه على الجهاز ولو سفن هل هو 32بت ولا 64 يت

[™The Uploader™]

مبروك و شكرا على المراجعة الجميلة