ارجو المساعدة mcse

[tomas_elmasry]

السلام عليكم ورحمة الله وبركاته

يا جماعة انا بدات ازاكر فيديوهات الاستاذ احمد سرحان
كنت عايز اعرف الفيديوهات دى شامله كام امتحان و هما ايه ولو مش كامله اعمل ايه
ارجو الساعدة

شكرا

[kingo_2003]

الكورس المشروح ان شاء الله شامل الكورس كله معدا حاجتين isa + security
الأمتحانات المشروحه فى الكورس ( 270 + 290 + 291 + 293 + 294 ) كورس ال السيكيورتى 298 تقدر تذاكره من الموك الخاص بيه

بالنسبة لل isa فهو اتلغى خلاص ولكن تقدر تبدله ب exchange مثلا وده برده ليه فيديوهات للمهندس احمد سرحان

ربنا معاك

[smartsoft]

اخى يعنى الى بيمتحن ال mcse هيمتحن فيها exchange بدل ال isa ???

[kingo_2003]

بص الشهاده متقسمه ل كذا جزء

الجزء الأول : امتحانات لابد منها وهى 290 + 291 + 293 + 294
الجزء الثانى : وده بيبقى خاص بالسيستم اللى عايز تمتحنه وتقدر تاخد فيه xp 270 أو 620 vista أوى 680 seven وطبعا الأحسن انك تفهم اكس بى وتمتحن سيفين عشان ينفعك بعد كده قدام لو حبيت تعمل ابجريد
الجزء الثالث : design exam واللى هو السيكيورتى الخاص ب 298
الجزء الرابع : حاجة اسمها Elective exam وده اللى كان ممكن تاخد فى الأيزا زمان ولكن حاليا اتلغى خلاص

خلاصه الكلام
تقدر تمتحن بدل ال isa اى حاجة تانيه زى ال exchange او ال sharepoint وفى امتحانات تانيه تقدر تختار منها وكل حاجة واضحه فى اللينك ده

https://www.microsoft.com/learning/e...mcse.aspx#tab2

[online2010]

ممكن مساعدة عايز اعرف امتحن ازاى على الامتحانات الدولى وطرقة الحل وكام سؤال ارجو الافادة

[tomas_elmasry]

شكرا على الافادة فعلا الموقع عرب هارد وير دا ممتاز والناس الى فيه كمان ممتازين يارب دايما فى تقدم
جزاكم الله خيرا

[tomas_elmasry]

اخى يعنى هما 7 امتحانات ممكن اعرف سعر الامتحان الواحد او الامتحانات كلها فى مصر

شكرا

[kingo_2003]

ايوة هما فعلا 7 امتحانات سعر الأمتحان الواحد 50 دولار

عشان كده انا فى فكره تانيه لحضرتك

حضرتك ممكن تذاكر MCSE وتتعلم الفروق بينها وبين ال MCITP وتمتحن على طول MCITP يدوبك 5 امتحانات

لأنك لو خدتى MCSE هتضطر تيجى بعد شوية وتعمل ابجريد ( 2 امتحان ) عشان تبقى MCITP

فانا من رأيى انك تذاكر ال MCSE كويس جدا وبعدين تتعرف على الفروق الجديده فى ال MCITP وتمتحن ال MCITP على طول

وبكده تبقى وفرت على نفسك 4 امتحانات

[tomas_elmasry]

ممكن أعرف ايه الفروق الى بينهم وهل MCITP اعلى من MCSE ومكن شوية تفاصل عن MCITP

شكرا

[kingo_2003]

الفرق ان MCSE بتتعلم على ويندوز سيرفر 2003

ولكن MCITP على ويندوز سيرفر 2008

الأساسيات طبعا واحده ولكن يزيد فى 2008 بعض الخصائص الجديده عن 2003 كعاده اى ويندوز جديد عن ويندوز قديم

وطبعا MCITP اعلى لأنها فيها ميزات جديده ولكن كأساسيات وشغل الأتنين واحد

لكن الفكره انك هتتعلم حاجات جديده ، وهتوفر على نفسك امتحانات زى ما قولتلك ، وهتساعدك لما ان شاء الله تيجى تعمل ابجريد للويندوز سيرفر الجديد اللى هينزل بعد كده

بالنسبة للميزات الجديده فتقدر تعرفها من هنا

https://www.microsoft.com/learning/e...ale=en-us#tab2

[tomas_elmasry]

معلش بس كنت عايز اعرف بس ايه الشغل الى ممكن اشتغلو بعد ما اخلص عارف انو سؤال رخم بس انا قبل ما اعمل اى حاجه لازم اتاكد من كل حاجه هل هى زى ccna فى شغلها ولا مختلف معلش اصل انا جديد فى الشبكات اخر حاجه ازاى اجمع الفروق بين MCSE و MCITP

[kingo_2003]

بالنسبة للشغل اللى حضرتك هتشتغله فحضرتك بتتعلم الكورس عشان تتأهل انك تبقى مهندس نظم فى الأول وبعد كده بتبقى Administrator فى اى شركه مسئول عن السيرفرات الخاصه بيها والشبكه المتوصله داخل الشركه وخارجها بفروعها فى كل مكان من خلال سيستم الويندوز
ممكن الشركه تكون بتستخدم لجانب الويندوز سيستم اخر زى لينوكس ممكن حضرتك تتعلمه فيما بعد او بيبقى فيه مهندس خاص بيه
بالنسبة لشغل السيسكو فانا معنديش فكره ومش هقدر افتيلك اوى فيه لأنى مدرستهوش
وبالنسبة للفروق بين MCSE و MCITP
فهى عبارة عن خصائص جديده موجود فى ويندوز سيرفر 2008 هتلاقيها مشروحه فى الموضوع ده
https://arabhardware.net/forum/showthread.php?t=207562

[tomas_elmasry]

شكرا على مجهوداتك الرائعة

الرابط مش موجودة عليه الملفات لوتعرف رابط تانى غير دا

[kingo_2003]

الرابط موجود عليه الموضوع اللى فى لينكات الحلقات وعامه ادى لينك التحميل على طول

https://www.outbox-eg.com/mcitp4trainee.html

متقسم ل 20 جزء حملهم كلهم

[tomas_elmasry]

معلش حضرتك متاكد من الكلام دا انى ازاكر واعرف الفروق
يعنى بعد ما ازاكر واعمل الى نصحتنى بيه اقدر ادخل الامتحانات
انا بثق عرب هردوير واعضاء عرب هاردوير
ارجو الافادة