بسم الله الرحمن الرحيم- الاسم : جمال محمد
السلام عليكم ورحمة الله وبركاته
ابدأ بنفسى
- العمر : 21
- الوظيفة الحالية : طالب
- التوزيعة الحالية التى استخدمها : RedHat 6 فقط استخدمها الآن لانى اتدرب عليها من اجل دخول الامتحان
- التوزيعة المفضله : CentOS , Mandriva
- اول توزيعة استخدمتها : CentOS
- بدايتى فى عالم لينوكس ( كيف تعرفت على انظمة لينوكس ) : بدايتى فى عالم لينوكس منذ حوالى ثلاث سنوات على يد احد اصحابى المقربين الى قلبى جدا والذين لن انساهم طياة حياتى كلها
- قصتى مع عالم لينوكس من البداية وحتى الان : هى للآسف كبيره شويه لكن بداميت احنا فتحنا الموضوع فنتكلم براحتنا والموضوع مفتوح للجميع حتى يستفيد الاعضاء من بعضهم البعض .
النقطه الفارقه فى حياتى هو صديقى العزيز والمقرب الى قلبى والذى اكن له كل التقدير والاحترام هو ( محمد شادى ) احد الشخصيات التى غيرت مسار حياتى تماما بعد ان كان كل توجهى الى الويندوز وتحمله لانه ما فيش غيره بديل ( كنت لسه معرفش انى فى انظمه تشغيل اخرى افضل واقوى ):D
طبعا كان السبب الرئيسى فى البحث عن بديل هو كثره الفيروسات والتروجانات وملفات التجسس الخبيثه التى عانيت منها كثيرا فكان بحثى عن شىء يحمينى ويحمى خصوصياتى فبدأت اسأل الى ان كرمنى الله بهذا الصديق جلست معه وحكيت له قصتى ومدى تعبى الشديد من الفيروسات وقلت له اريدك ان تعطينى حل نهائى لهذه الفيروسات فحكى لى عن ان هناك نظام تشغيل آخر محاكى للويندوز ولكنه اقوى وافضل ومحمى حمايه تامه وبدون برامج Anti-Virus فقلت له فين ده يا معلم دلنى عليه فى البدايه قبل ان يقول لى استخدمه معلى طول لا حكى لى عن قصه اللينوكس ونشأته وبدأيته وكيف وصل الى هذا المستوى طبعا الكل عارف الحكايه دى مش مستاهله انى احكيها الكل بحمد الله عارفها بس يا اخوانى بعد ان حكى لى قصة اللينوكس المشوقه هذه اللى المفروض يعملوها فيلم سينمائى :D
قالى انا برشحلك توزيعه تشتغل عليها دلنى على CentOS اعطانى ال CD الخاص بها وجاء معى الى البيت ونزلها لى لانى مكنتش اعرف انزلها خالص بس فى البدايه نصحنى انى اشترى هارد تانى علشان اشتغل عليه واخلى هاردى الاساسى عليه البيانات الخاصه بى لحين ان اتعود على هذا النظام وكيفيه العمل عليه بصراحه يا اخوانى لا اخفى عليكم فى البدايه كانت صعبه شىء جديد الى ان تعودت عليه وبشعر بصراحه انى اللينوكس ده للناس الفاهمه صح والمحترفه فعلا طول ما هو قاعد على الجهاز شغال على Keyboard بس مش ال Mouse وخلاص وطول ما هو شغال شغال كليكات وخلاص
لا الامر مختلف تمام فى اللينوكس تشعر انك محترف اونت شغال عليه زى الجماعه بتوع الافلام
بس يا خاونى تعودت بقى على النظام وكنت كل فتره والتانيه بروح اقعد مع هذا الصديق العزيز يحكى لى اشياء اكثر واكثر الى ان جاء وقت وقال لى خلاص كده يا جمال جه الوقت اللى تعرف بقى مميزات اكتر عن النظام وان هو مش مجرد نظام تشغيلى مثل الويندوز لا ده نظام عالمى شغال فى السيرفرات ومجال الامن والحمايه وفى افضل الاماكن العالميه يستخدمون هذا النظام فجاء الوقت لتتعرف على ما يقدمه هذا النظام وعرفنى ان له شهادات معتمده وعرفنى على شهاداته واعطانى الكتب الخاصه بها والفيديوهات بس كانت كلها اجنبيه :D
لانى كان لسه ما فيش الانفتاح ده اللى احنا فيه بدات اشاهد الفيديوهات واقرأ فى الكتب كل ده على قدر استطاعتى :D
وهو كان بيتابعنى اول باول فكان دائما مشجعنى ومحفز لى الى ان جاء وقت وسافر هو خارج مصر ولم اعد ارأه وبدأ الجلسات والنصائح تقل الى ان انعدمت لكنه ما زال فى القلب :ah8:
ربنا يكرمه ويزيده من فضله اللهم آمين
بقالى سنه لم اسمع صوته لكنه لم ينزل البلد من اكثر من سنه ربنا يعينه يا رب
فى بدأيات سفره كانت لقاءتنا عن طريق النت ونصحنى ان ابحث فى النت واتابع الجديد وهو هيكون معايا اول باول وبالفعل بدأت ابحث الى عثرت على اول شرح عربى حصرى على النت
للمهندس المتألق الباشمهندس مصطفى طنطاوى
الذى اكن له كل الحب والتقدير والاحترام وربنا يكرمه يا رب ويزيده من فضله
بس بدأت اشاهد كل دروسه وفيديوهاته واستفدت كثيرا كثيرا عرفنى على اشياء كنت اول مره بعرفها وبسمعها ومنذ تلك اللحظه كل يوم اتعرف على جديد فى هذا العالم المفنوح واتعرف على الجديد هذا ملخص سريع جدا لمشوارى فى عالم اللينوكس اتمنى ان الكل يحكى تجربته علشان الكل يستفيد والموضوع هيكون متجدد وطبعا فى تفاصيل تانيه كتير لكنى اختصرتها ولكنى هضيفها اول باول واتمنى من الجميع يشاركونى ويحكو تجاربهم :comp19:
- مميزات ومشاكل لينوكس التى تستمتع بها الان : منذ ان تعرفت الى هذا النظام لم اعرف له اى مشاكل بل كله ملئ بالمميزات فقط المشاكل التى واجهتنى فى البدايه صعوبه العمل عليه حتى تعودت عليه وفهمته واحببته
المفضلات