(مصر) كارت شاشة بميزانية 1000 جنيه (عنوان معدل)

[Biko357]

السلام عليكم

دي اول مشاركة ليا في منتديات عرب هاردوير ، و الحقيقة انا مبهور جدا بالموقع من فترة ، و متابع اخباره و مراجعاته سواء على الفيسبوك او البوابة الرئيسية او مشاركات الاخوة الاعضاء ، و من تقدم الى تقدم باذن الله ......

انا بجمع جهاز كمبيوتر و حاطط ميزانية 1000 جنيه لكارت الشاشة ، و كنت محتار بين
SAPPHIRE AMD Radeon HD 6790 1GB GDDR5 = 950 L.E

و

كارت GTX 550 ti من Nvidia
و اللي هو اصلا محتار بين النسخ الكتيرة بتاعته سواء الــ

EVGA GeForce GTX 550 Ti Superclocked 1024MB GDDR5=950 L.E

(( في ناس قالولي ان تبريدها قياسي ))

او Gainward GeForce GTX 550 Ti 1024MB Golden Sample


و للاسف مش لاقي نسخة Asus في اي مكان(( يا ريت لو حد يعرف هي موجودة في مصر ولا لأ ، و سعرها كام يبلغني ))
و لو حد عنده اقتراح لكروت تانية يا ريت يتفضل بيها ، مع العلم اني بلعب على دقة 1280*1024 و ممكن يحصل تحديث للشاشة بعد كام شهر لكن غالبا دقة اللعب مش هتزيد عن كدا و هستفيد من الشاشة في الافلام بس ، و برضه يهمني الفيزكس في الالعاب علشان كدا ممكن اميل لكروت انفيديا ..

معلش لو طولت عليكوا ، و شكرا مقدما

[yassermsire]

اخي الافضل هو كرت SAPPHIRE AMD Radeon HD 6790 1GB GDDR5 و هو ممتاز بنسبة للدقة التي تلعب عليها لكنه يحتاج الي مزود طاقة يخرج 450 وات فعلي

[matador10]

ممكن تستنى شوية وتجيب 6850 علشان amd حتنزل الفئه 7xxx وبالتالى 6850 سعره حينزل وفعلا سعره اتخفض فى اوروبا ووصل 110 يورو أى 936 جنيه و ضيف عليهم شوية جمارك وكده حيوصل 1080 والمراجعة بتاعته فى توقيع الاخ yassermsire

[Biko357]

اخي الافضل هو كرت SAPPHIRE AMD Radeon HD 6790 1GB GDDR5 و هو ممتاز بنسبة للدقة التي تلعب عليها لكنه يحتاج الي مزود طاقة يخرج 450 وات فعلي

شكرا على الرد اخي الكريم ، انا قريت مراجعة عرب هاردوير الاحترافية للكارت ، و انا اتفق معاك في انه كارت ممتاز ، لكن المسألة ان انا عايز استفيد من خاصية الفيزيكس ، خصوصا ان الفرق بينه و بين الـ gtx 550 ti مش كبير ، و انا اتفرجت على فيديوهات كتير على اليوتيوب لاداء الـ gtx 550 ti في لعبة crysis 2 dx11 و metro 2033 مع معالج C2D و كان اداءه اكتر من رائع بدقة 1440*900 و كله كان very high حتى الفيزكس ( الكارت كان asus مكسور السرعة مصنعيا لـ 1Ghz ) ، لكن المشكلة اني مش عارف اختار النسخة الافضل لكارت الـ gtx 550ti ، و اتمنى تكون فيه نسخة كويسة منه مكسورة السرعة مصنعيا و بتبريد احترافي زي نسخة asus اللي للاسف مش لاقيها في مصر ، و شكرا مرة تانية على ردك

[Biko357]

ممكن تستنى شوية وتجيب 6850 علشان amd حتنزل الفئه 7xxx وبالتالى 6850 سعره حينزل وفعلا سعره اتخفض فى اوروبا ووصل 110 يورو أى 936 جنيه و ضيف عليهم شوية جمارك وكده حيوصل 1080 والمراجعة بتاعته فى توقيع الاخ yassermsire

اكيد طبعا hd 6850 اقوى بكتير من الاتنين ، لكن صعب الواحد يستنى الفئة 7xxx من AMD لاني باذن الله هجمع الجهاز بعد العيد مباشرة ، و انا قريت مراجعة الاخ ياسر ، و فعلا كارت اكتر من رائع و ربنا يباركلوا فيه

[yassermsire]

شكرا على الرد اخي الكريم ، انا قريت مراجعة عرب هاردوير الاحترافية للكارت ، و انا اتفق معاك في انه كارت ممتاز ، لكن المسألة ان انا عايز استفيد من خاصية الفيزيكس ، و انا اتفرجت على فيديوهات كتير على اليوتيوب لاداء الـ gtx 550 ti في لعبة crysis 2 dx11 و metro 2033 و كان اداءه اكتر من رائع بدقة 1440*900 و كله كان ماكسيمم حتى الفيزكس ، لكن المشكلة اني مش عارف اختار النسخة الافضل لكارت الـ gtx 550ti ، و اتمنى تكون فيه نسخة كويسة منه مكسورة السرعة مصنعيا و بتبريد احترافي زي نسخة asus لكن للاسف مش لاقيها في مصر ، و شكرا مرة تانية على ردك

انا لست معك قي نقطة الفيزيكس الالعاب الداعمة له قليل و شئ اخر لن تستطيع لعب العاب مثل crysis 2 dx11 او metro 2033 علي اعلي الاعدادات مع تفعيل الفيزيكس حتي علي دقة 1280*1024

انا في رائي ان تشتري كرت SAPPHIRE AMD Radeon HD 6790 1GB GDDR5 لكن القرار يعود لك في النهاية

[matador10]

اه .. نسيت اقولك ان الكارت 6850 اساسا تمنه1110 ج اعتقد ان الفرق بسيط بالنسبة للاداء وحكاية الفيزكس ممكن تجيب اى كارت قديم جدا من نيفيديا وكمان مستعمل بس فيه الفيزكس ويبقى ال amd الاساسى و النفيديا للفيزكس بس والطريقة اهيه :
https://arabhardware.net/forum/showthread.php?t=151693

[yassermsire]

اه .. نسيت اقولك ان الكارت 6850 اساسا تمنه1110 ج اعتقد ان الفرق بسيط بالنسبة للاداء وحكاية الفيزكس ممكن تجيب اى كارت قديم جدا من نيفيديا وكمان مستعمل بس فيه الفيزكس ويبقى ال amd الاساسى و النفيديا للفيزكس بس والطريقة اهيه :
https://arabhardware.net/forum/showthread.php?t=151693

+11111

[Biko357]

اه .. نسيت اقولك ان الكارت 6850 اساسا تمنه1110 ج اعتقد ان الفرق بسيط بالنسبة للاداء وحكاية الفيزكس ممكن تجيب اى كارت قديم جدا من نيفيديا وكمان مستعمل بس فيه الفيزكس ويبقى ال amd الاساسى و النفيديا للفيزكس بس والطريقة اهيه :
https://arabhardware.net/forum/showthread.php?t=151693

متفق معاك في ان الطريقة اكتر من رائعة لكن للاسف البوردة اللي ناوي اجيبها ان شاء الله ASUS P7H55-M PRO ما بتعدمش SLI او CROSSFIRE ، انا شفت ناس مشغلة الفيزكس في لعبة mafia 2 على كرت ATI لكن تقريبا ده كان بيعتمد على CPU مش الكارت ، و اعتقد ان ده هيبقى صعب مع Intel i3 540 اللي ناوي اجيبه ان شاء الله ،

[Biko357]

انا لست معك قي نقطة الفيزيكس الالعاب الداعمة له قليل و شئ اخر لن تستطيع لعب العاب مثل crysis 2 dx11 او metro 2033 علي اعلي الاعدادات مع تفعيل الفيزيكس حتي علي دقة 1280*1024

انا في رائي ان تشتري كرت SAPPHIRE AMD Radeon HD 6790 1GB GDDR5 لكن القرار يعود لك في النهاية

انا كدا بدأت اتوغوش :D
ممكن اتفق معاك في اول نقطة لكن انا بجد شفت اكتر من فيديو على اليوتيوب ، و الحقيقة انا مش عايز اطلع من الموضوع لكن ممكن حضرتك تشوف الفيديو ده
https://www.youtube.com/watch?v=Ys4b0HP2_Do
بالنسبة لــ metro 2033
https://www.youtube.com/watch?v=Josg...el_video_title
بالنسبة لـ crysis 2
و بجد شكرا لتعبك معايا ، انا بس عايز اعرف انهي نسخة من gtx 550ti هي الافضل خصوصا و ان الاداء بينها و بين HD 6790 متقارب لكن اعتقد ان gtx 550ti افضل قليلا بخاصية الفيزيكس و لو ان كتير من الالعاب لا تدعمه ، لكن يظل نقطة ايجابية لـ Nvidia .... شكرا

[yassermsire]

انا افضل نسخة Gainward GeForce GTX 550 Ti 1024MB Golden Sample تبريد افضل من EVGA

[o0R3D0o]

وعليكم السلام ....
كما وضح كل من ياسر وماتدور البطاقة 6790 أقوى من البطاقة GTX550Ti في معظم نتائج الاختبارات ويمكنك القاء نظرة على هذه المراجعة :

https://www.guru3d.com/article/radeon-hd-6790-review/1

وايضا لا تنسى ان البطاقة HD 6790 بواجهة نقل بيانات 256Bit بينما البطاقة GTX550Tiبواجهة نقل بيانات 192Bit ( واجهة نقل البيانات يمكن تشبيهها ببساطة بطريق تمر في السيارات التي تمثل البيانات فلكما زاد اتساع الطريق زادت كمية السيارات التي ستمر منه )

وما دمت تنوي ان تبدأ في التجميع بعد العيد مباشرة فلو استطعت ان تزيد ميزانية البطاقة الرسومية بمقدار 260 جنيه تستطيع ان تحصل على البطاقة MSI GTX 460 HAWK وهو بالتبريد الاحترافي الشهير Twin Frozr II ومكسور السرعة مصنعيا وهذه روابط للمراجعات عن البطاقة :

https://www.guru3d.com/article/msi-g...0-hawk-review/

https://www.techpowerup.com/reviews/MSI/GTX_460_HAWK/

https://www.hardwarecanucks.com/revi...b-hawk-review/

https://www.tweaktown.com/reviews/34...ard/index.html

وستجد ان ادائها اعلى من البطاقتين اللتان تقارن بينهما...

أو ان تزيد 225 جنيه وتحصل على البطاقة Gigabyte AMD Radeon HD 6850 وهو بتبريد احترافي ايضا ً WindForceX2 ومكسور السرعة مصنعيا
https://www.tweaktown.com/reviews/36...ed/index1.html

https://benchmarkreviews.com/index.p...1&limitstart=1


وهي ايضا افضل من البطاقتين اللتان تقارن بينهما... وتقترب في الاداء مع البطاقة GTX 460 وهذه روابط مراجعات قارنت بين اداء البطاقتين وظلت المفاضلة بينهما من حيث الاداء و الاصدارات الاحترافية لكل منهما لفترة طويلة وقريبة موضوع محير عند اتخاذ قرار الشراء .

https://www.hardwareheaven.com/revie...roduction.html

https://www.hardwarecanucks.com/foru...ing-study.html

https://www.hwcompare.com/8241/geforce-gtx-460-1gb-vs-radeon-hd-6850/

[DoCToR.TaHeR]

في حدود ال 1000 جنية ,, الأفضل ال HD 6790 .. ممتاز عن تجربة شحصية ,, وقمت شخصيا بعمل مراجعه عنه في قسم المراجعات ,,

وكانت الدقة 1600X900 .. واداء الكارت كان جبار ,,

لو مصمم علي ال GTX 550 .. أشتري النسخه ال EVGA ..

[yassermsire]

اخي بطاقة Gainward GeForce GTX 550 Ti 1024MB Golden Sample مكسوره سرعة الي 1000 MHZ بينما

EVGA GeForce GTX 550 Ti Superclocked 1024MB GDDR5 مكسوره السرعة الي 981 MHZ

انا افضل نسخة Gainward علي نسخة EVGA

[Biko357]

اولا احب اشكر جميع الاعضاء الكرام على التفاعل الايجابي ده ، و حقيقي انا مقدر كل كلمة و كل معلومة حضراتكم اتفضلتوا بيها ، و بالنسبة لكروت hd 6850 و gtx 460 او gtx560 فلو كنت اقدر ازود الميزانية اكيد كنت هفضلهم على gtx 550 ti و hd 6790 ، لكن الميزانية من الصعب ان تزيد عن 1000 جنيه للكارت

هل ممكن قبل العيد كروت MSI GTX 550 Ti Cyclone II OC و نسخة Asus ينزلوا مصر ؟ و هل هم افضل من نسخة EVGA و Gainward في التبريد و الاداء ، و شكرا مرة تانية على تفاعلكم و تعبكم معايا