السلام عليكم ورحمة الله وبركاته
احب اهني ادارة واعضاء منتديات عرب هاردوير بحلول شهر رمضان المبارك
واسال الله ان يتقبل صيامنا وقيامنا وان يعتق رقابنا من النار >> امين
اول شي راح اشرح لكم معاناتي انا متخرج من الثانوية العامة
وقدمت ع الجامعه وناوي اتخصص حاسب الي وعندنا بالسعودية
ياكثر اللي متخرجين من الحاسب الالي واغلبهم بدون وظايف
قلت مالها الا اني اتميز عنهم واحصل ع شهادات عالمية
في المجال اللي ناوي اتخصص فيها ( شبكات )
وبصراحة استفدت من هالمنتدى ومن اخواني الاعضاء
وصلت الى هالخطة اللي راح تجعلني مميز في هالمجال
وراح اخذها بالترتيب :
CompTIA A+
CompTIA Network+
- مايكروسوفت MCSA
- مايكروسوفت MCSE
- مايكروسوفت MCITP
- سيسكو CCNA
- سيسكو CCNP
توجهت بعدها الى معهد الخليج وهو المعهد الوحيد المعتمد عندنا
واستفسرت عن هالكورسات واجهتني مشكلتين
الاولى انه بعضها لازم اجيب معي مجموعه 7 طلاب
قلت هذي بسيطة اكلم الشباب واجيب معي 7 طلاب
جيت للمصيبة الثانية وهي الاسعار اسعار خياليه
مثلا الكومبيتيا A+ الدورة بـ 3000 ريال اما الاختبار بـ 1800 ريال
و الـ CCNA بـ 6000 ريال
توجهت بعدها الى الدراسة الذاتية او ما يعرف بـ Self-Study
وبصراحة اشوف ان الدراسة الذاتية افضل لكنها تحتاج الى مدة زمينة اطول
يعني مثلا لو في درس ما فهمته اقدر ابحث عنه في النت الين افهمه
وابشركم شريت كتاب الدليل الدراسي الكامل لشهادة A+
من مكتبة جرير والكتاب باللغة العربية
كما احب ان اشكر الاستاذ احمد جوده على شروحه للكورس بطريقة مسهله و تمنيت لو انه كمل الكورس
https://arabhardware.net/forum/showthread.php?t=137325
لكن!! الاستاذ الكبير تامر محمد والاخ القدير ملك الحلول اكملا الكورس
الله يعطيهم العافية .
https://arabhardware.net/forum/showthread.php?t=200266
ومن باب رد الجميل لهذا المنتدى حبيت اخدم اخواني وانزل
اسئلة لكورس A+ باللغه العربية وهي حدود الـ 200 سوال
ومن رفعي على موقعنا الحبيب ميديا فاير
https://www.mediafire.com/?ida9mhlsp4s3l8b
وانا الان جالس احضر لهذا الكورس a+ وان شاء الله خلال اشهر قريبه
راح اتقدم لاختبار واوافيكم بالاخبار وعقبال الجميع ان شاء الله
واتمنى من اخواني اللي اختبروا انهم يعطونا نصايحهم وتحاربهم
وبالله التوفيق
اسف على الاطاله !!
اخوكم الصغير
عبدالرحمن الجابري
المفضلات