اخي الكريم
جرب ببرامج استرجاع المحدوفات تجدها بكثرة في المنتدى هنا ,, او غيره
بالتوفيق يارب اخي
حسبى الله ونعم الوكيل فى الجهاز بتاعى
مسحلى الهارد الواحد تيرا عليه بيانات وملفات مهمة تقدر ب 750 جيجا ولاتقدر بملايين الدولارات
الى حصل ان الويندوز الغبى ماكنش قادر يقوم ويرستر كل شوية قولت انزل ويندوز جديدة كدة ولا كدة النسخة دية على الجهاز من فترة كبيرة وفى اخر ايامها كانت بتعمل حركات عجيبة
عندى على الجهاز هاردين ويسترن واحد مساحته 160 جيجا ودة الى عليه الويندوز
والتانى واحد تيرا ودة الى كان علية كل البيانات والملفات الى ضاعت
لما نزلت نسخة جديدة فى بداية التسطيب كان بيدينى رسالة خطأ
انا ماحطتش فى دماغى وكنسلت التسطيب وبدأته من جديد
وانشغلت عن الجهاز لمدة نصف ساعة ولما خلص اكتشفت الصاعقة الكبرى وان ملفاتى كلها ضاعت
دلوقتى الهارد الواحد تيرا عليه نسخة ويندوز يترى فى امل اقدر ارجع كل حاجة راحت ؟
والله حاسس هايحصلى انهيار عصبى
اخي الكريم
جرب ببرامج استرجاع المحدوفات تجدها بكثرة في المنتدى هنا ,, او غيره
بالتوفيق يارب اخي
شكرا لردك ياأستاذ اشرف اعذرنى والله تفكيرى شبه متوقف من حزنى على الحاجات الى ضاعت
هشوف وربنا يسهل
اهلا يا اخي الكريم
اخي انا وقعت بنفس المشكلة عدة مرات , وراح من عندي ملفات كتيرة وملفات ادفع ثمنها لحد الان كتير بس استرجعها
ولكن انا للاسف الهاردات اللي عندي تعطلت ولم تعد تعمل ففقدت الملفات نهائيا
فعلا امر جدا مزعج
بالتوفيق اخي في استرجاع الملفات
وشكرا
انتبه اخي ان تشطب او تنزل اي اشي على الهارد او البارتشين الي راحت منو المعلومات لان العمليه هاي تعني خسارة بعض المعلومات و جرب برامج الارجاع و رح تستفيد
الحمدلله لقيت برنامج يقال انه يرجع الملفات المحذوفة حتى وان اتعمل عليها فورمات ونزل عليه ويندوز
انشاء الله بعد ماخلص هاخد كوبى Image وانسخها على ديفيدى للطوراىء
ماكنتش عامل حساب لليوم ده
نرجو معرفة النتيجة
وان نجحت العملية باذن الله
نرجو اسم البرنامج لتعم الفائدة على الجميع
استخدمت برنامج Recover My Files اخر اصدار تقريبا هيرجعلى 50% او اكتر من المفقودات بصراحة مش متأكد لأنى ماشفتش الملفات ع الواقع
لكن المشكلة فى ان كل ماجى اعمل تخزين للملفات المسترجعه Save Files تيجى رسالة تقول ماينفعش اخزن الملفات المسترجعه على نفس الهارد ؟
هل حد عندة اى فكرة او حل؟ إما هضطر لشراء هارد جديد
وعلى فكرة بشكر السادة المشرفين على قسم وسائط التخزين
والى بيقدموا حلول او افكار تفيد الناس الى واقعين فى مشكلة زى مشكلتى
حتى وان كانت تافهه بالنسبة لهم... كفاية عليهم بس انهم حذفوا كلمة من عنوان الموضوع
يارب الرسالة تكون وصلت
مع أنّ هذا دخولي الأول على موضوعك وتعليقي هذا بمناسبة ردّك الأخير فأنا أتمنى أن تكون على علمٍ يأنّ مشرفي القسم غير ملزمين بالرد عليك، فنحن هنا في منتدى عام خدماته مجانيّة ومشرفوه ليسوا بموظفين حتّى تقول ماقلته، مشكلتك مكرّرة كثيراً ولو بحثت قليلاً في المنتدى لوجدت مئات الحلول .
إن كانت الملفات تعنيك إلى هذه الدرجة ولا تقدر بملايين الدولارات بالنسبة إليك فلما لم تكلّف نفسك عناء عمل نسخة احتياطيّة عنها قبل أن تندم في لحظةٍ لا ينفع فيها الندم !!!.
على كل حال مشكلتك مبهمة صراحة وليست مشروحة بشكل مفهوم، النظام كان على القرص ذو المساحة 160GB فكيف أصبح عند تركيبه على القرص واحد تيرا !!، ماهي رسالة الخطأ التي صادفتك وبماذا تكاسلت بالضبط!!!، إن كان القرص الذي كان حاوي لملفاتك التي بملايين الدولارات سليم ولم تتم الكتابة عليه ففرص استعادة بياناتك ببرامج الاستعادة وهي كثيرة وتؤدي ذات العمل قويّة وماعليك هنا إلّا المحاولة معها، أكثر من ذلك مشرف القسم أو أي عضو مهما كان جهبذاً لا يستطيع إفادتك أكثر من ذلك، يارب تكون وصلت الرسالة.
اولا شكرا لرد حضرتك على تعليقى الاخير ... ياأخى الكريم والله انا بعزكم جدا انت وباقى المشرفين الكرام كلكم على راسى من فوق
ولا أقصد انى اقول انكم موظفين لاسمح الله...فى الموقف السىء الى انا فيه ربنا مايكتبه على حد
الواحد بيبقى حاطط امل على ناس زيكم يكونوا خبرتهم اكتر منى فى المجال ده
والى هيقدموه لي او لغيرى مجرد مساعدة فضلا منكم وانا اسف ان كنت اخطأت
وان شاء الله لما الاقى حل هعمل عنه موضوع كامل ليستفيد الجميع
وارجو من الادارة اغلاق الموضوع لعدم افادته لاحد ولتكراره بدون قصد ... شكرا
نزل البرنامج ده easeus data recovery
و هو برنامج سهل وبسيط جدا
اعمل بيه سكان على الهارد هيجيبلك كل ملفاتك بالكيلو
عند الاسترجاع لازم يكو على هارد اخر تماما او بارتشن ميكونش عليه حاجتاك اللى اتفرمتت.
بس كده
لا بأس أخي الكريم اعتذارك هذا لوحده يكفي، بارك الله فيك .
لديك برامج كثيرة تستطيع مساعدتك إضافة لما ذكره المشرف العزيز قبلي وهي...
Recover My Files
Get Data Back
iCare Data Recovery
بالنسبة لطلب البرنامج الحفظ على وسيط تخزيني آخر فهذا بسبب أنّ الملف المراد استعادته ضخمٌ بعض الشيء أو واقع ضمن قسمٍ مشغول قد يكون الحاوي لنظام التشغيل الذي تتم الاستعادة من خلاله.
بالتوفيق عزيزي.
برامج الاستعادة ما تفيد بشي من تجربتي جرب وأعطينا خبر إن استفدت مناه بشىء وهل هي برامج أصلية او من الانترنت
لو شغلت مخك شوي باما أن البيانات المهمة على هارد منفصل ليش ما تفصله وقت تنزيل الويندوز
ان كانت مهمة كما تقووول
شوف اخى الكريم ححاول قدر الامكان اقولك للاسف مش الكل حيرجع ديه حاجه انت ونصيبك يعنى ممكن تكون طار منك ملف تكست نصى يعنى صغيرtxt وميرجعش
وملف مثلا فيديو مساحته كبيره جدا ومع ذلك يرجع ديه انت ونصيبك تماما فاستعوض ربنا انا بردك كانت بتجلى حاجات تطيرلى ملفاتى المهمه جدا بس مش فرمته الحمد لله ولكن فيرس
يجيلى فيرس من اللى بيضرب البرامج والالعاب يطيرلى كل البرامج الهامه اللى عنده واضطر بقه اعقد افتكر كانت عندى ايه واحاول انزله تانى
شوف بالنسبه لموضوعك حتعمل الخطوات ديه وهى مشروحه بالكامل فى موقع Hiren's bootcd بالانجليزى
https://www.hiren.info/downloads/dat...y/hard-drive/1
هو ملخص الكلام انك اولا بمجرد ميطير الملفات اللى عندك سواء بسبب عطب فى الهارد او فرمته او حذف يدوى متعملش اى حاجه سواء اضافه او زاله اى ملف جديد نهائيا متعملش اى شئ
لان الملف لما بيطير او حتى لو درايف كامل بيطير يعنى بيتمسح قصدى هو مش بيكون اتمسح فعليا ده بيكون اتعلم عليه ومبيظهرش قصادك لكن بيظل موجود ده الكلام اللى هو كتبه
عموما سيبك من النقطه الاخرنيه ديه انا بس للايضاح
ثانيا تعمل ايه تحاول ترجع الملفات باحد البرامج بس حسب لو بارتيشن كامل طار بترجع ببرنامج غير لو طار بالحذف او الفرمته وكده
عموما انا ارشحلك برنامج recuva برنامج حفيف وسريع جدا ومجانى كمان
https://www.piriform.com/recuva
بس لاحظ انك لازم تزبط اعدادته على الاعدادت القصوى لان هو بيعمل اعدادت فحص سريع كده عشان ميخدش وقت لا انت ازبطه وخليه يعمل فحص على كل شئ
ده بجانب البرنامج اللى انت ذكرته
بالنسبه لموضوع مشراضى يحفظ الحاجه المسترجعه على نفس الهارد ده طبيعى واى برنامج استعاده المحذوفه حيقولك كده لان زى مقولتلك الملفات متعتبرش اتحذفت فلو رجعتها على ماكنه القديم مش حترجع
وحتى لو اصريت حترجع تالفه فلازم ترجعها ف اى هارد تانى انت ممكن تعمل الفحص كذا مره لان بتقول فيه ملفات بمساحه 750 جيجا فانت اعمل فحص مره ولو رجعوا احفظ منهم على اد هاردك 160 جيجا وبعدين انقلهم وهكذا
اخر شئ عاوز اقولك عليه انها مساله قدر يعنى انت ونصيبك جايز الملفات ترجع وجايز لا وجايز ترجع اسم بس لكن تبقى معطوبه مش شغاله يعنى
وابقى خلى باللك من النقطه ديه انا عارف ممكن يكون انت متعود تسطب الويندوز اكيد على C وهو كل مره بيخليك السى هى الهارد 160 لكن قدرك المره ديه ان الويندوز مثلا خلى السى هى الهارد التيرا فانت مخدتش باللك معلش ابقى شوف كمان المساحه مش اسم الدرايف بس
عشان متغلطش نفس غلتك تانى ديه ومحدش بيتعلم ببلاش للاسف
المفضلات