كيف أغيير IP ببرنامج Mask Surf Pro

**Goku** · 15-08-2011, 09:27

للأسف الراوتر مش عندي
لذلك أحيانا أريد أن أسجل بأكثر من أكونت بس مشكلة الأي بي واقفة أمامي
ياريت الرد بسرعة من حضراتكم
وقصدي طبعا تغيير الـ ip علي نفس الدولة والمكان
يعني كأني طفيت الراوتر وشغلته تاني فقط

**TaHeR.NaBiL** · 15-08-2011, 13:17

تمام حبيبى البرنامج دا ممكن يحولك لبلد تانيه خالص لو عاوز تغير الاى بى اعمل كليك يمين على اختصار البرنامج فى التاسك بار واختار change ip هاتلاقيه تقريبا 3 اختيار .

**Goku** · 15-08-2011, 18:50

أنا فعلت ذلك ولم يعطي خيارات وغير البلد خالص
ودي مشكلة
لأني فقط أريد أن أنتقل بين الأكونت والأخر مثلا بدون تغيير البلد
أو أعطي الأكونت لأحد وطبعا يدخل عليه بدون البروكسي
وفي نفس الوقت أني بحمل شوية تورنتات من تورنت ليش ومواقع أخري
وسمعت أنه لو غيرت ip لبلد أخري كدة ممكن أضرب الأكونتات اللي بحمل منها
انت فاهم قصدي؟
يعني بمعني أصح أريد اطفاء الراوتر وتشغيله مرة أخري لكن ببرنامج من البيت
حتي لا أحتاج كل مرة للذهاب الي صاحب الراوتر

.

**TaHeR.NaBiL** · 15-08-2011, 21:52

أنا فعلت ذلك ولم يعطي خيارات وغير البلد خالص

حبيبى هو بيغير المدينه فقط ودا عادى لان رينج الايبيهات معروف لكل دوله فلما المدينه تتغير مش هاتفرق لانه هايغيرلك الاى بى فى نفس رينج الايبيهات الخاصه بالدوله .

وسمعت أنه لو غيرت ip لبلد أخري كدة ممكن أضرب الأكونتات اللي بحمل منها

مش كل المواقع راجع الفاك والرولز انا عن نفسى كنت مشترك فى سيد بوكس كنت بحمل على السيد بوكس وعلى جهازى ايضا فى نفس الوقت بالرغم ان الايبيهات مختلفه تماما .
عموما ما تستخدمش البرنامج دا الا لو موقع محتاج بروكسى .
وبالنسبه للمواقع الى مشترك فيها باكتر من اكونت هاقولك تعمل فيها ايه انا عن نفسى بستخدم الطريقه دى بستخدم كل اكونت شهر واحذف الكوكيز واطفى الراوتر واحذف الملفات الى بتتحمل فى برنامج التورنت واستخدم الاكونت الاخر عادى جدا انا بقالى شهور بعمل كده فى التورنت دامج والبيت مى تى فى ..... الخ .
ونصيحه منى ما تستخدمش اكتر من اكونت لانها بتوه صراحه وبتلخبط وممكن تنسى وتدخل على اكون بنفس الاى بى وهاتتبند .
فيه جيف هانعمله فى العيد ان شاء الله اشترك فيه بالفائض الى عندك ودا رابط الموضوع
https://arabhardware.net/forum/showthread.php?t=243841

**Goku** · 16-08-2011, 03:11

المشكلة أني ليس لدي فائض :D
أنا بسئل علشان أسجل
وقت افتتاح أي موقع
وبعد كدة أعطي الأكونتات دي للذين يحتاجونها.
يعني دلوقتي
أنا لو طفيت الراوتر وشغلته تاني طبعا مفيش مشكلة مع التورنت الذي يحمل ..صحيح؟
اذا فهل البرنامج كذلك؟؟
سؤال أخر معلش
أنا مش عايز أعمل الأكونتات دي لي
أنا فقط كما أسلفت أصنعا لإفادة من لم يلحق التسجيل

فهل ان استخدمت البرنامج وسجلت
هل سيستطيع من أعطيه الأكونت أن يستخدمه عادي بدون مشاكل وبدون تشغيل هذا البرنامج مرة أخري ؟؟

**TaHeR.NaBiL** · 16-08-2011, 03:20

أنا لو طفيت الراوتر وشغلته تاني طبعا مفيش مشكلة مع التورنت الذي يحمل ..صحيح؟

لا عادى جدا .

هل سيستطيع من أعطيه الأكونت أن يستخدمه عادي بدون مشاكل وبدون تشغيل هذا البرنامج مرة أخري ؟؟

عادى بس اهم شئ الموقع ما يكنش محجوب لانه لو محجوب هايحتاج يستخدم البرنامج .

فيه موضوع انا عملته هاتلاقيه فى المواضيع المثبته
شرح التسجيل فى مواقع التورنت عن طريق البروكسى .

**Goku** · 16-08-2011, 19:17

المشاركة الأصلية كتبت بواسطة Goku

أنا لو طفيت الراوتر وشغلته تاني طبعا مفيش مشكلة مع التورنت الذي يحمل ..صحيح؟

المشاركة الأصلية كتبت بواسطة tahernabil

لا عادى جدا .

المشاركة الأصلية كتبت بواسطة Goku

اذا فهل البرنامج كذلك؟؟

يعني تغير ip للبرنامج مش هيأثر علي التراكر اللي بحمل منه؟
معلش أنا عارف اني تعبتك في كتر الأسئلة وربما انت ممكن تكون جاوبتها بس بشكل غير مباشر
لكن معلش أصل أكونت اليش اللي بحمل منه بدعوة وعلشان كدة خايف.

**TaHeR.NaBiL** · 17-08-2011, 06:00

لا عادى انا بطفى الراوتر كل يوم والابى بيتغير ولو الاكونت راح ولا يهمك الدعوات كتير مع الاعضاء .

**Goku** · 17-08-2011, 19:08

طبعا للأسف مش هقدر أقيمك :o

**Goku** · 18-08-2011, 00:29

استاذ طاهر أنا ضغط علي change ip وبص طلعت النتيجة

ضغط عليها مرة أخري
غيرت البلد أيضا
ايه رأيك في الكلام ده
أنا كنت امل انها تغير الـ IP فقط بنفس البلد

**TaHeR.NaBiL** · 18-08-2011, 02:57

مش هاتفرق هى بتغير المدينه بس يعنى انت عاملها المانيه هاتلاقى المانيا دايما ثابته والمدينه بس الى بتتغير ودى عادى جدا مش هاتفرق لان رينج الايبيهات لالمانيا واحد المهم تخليك على المانيا على طول .

**Goku** · 18-08-2011, 06:10

بس أنا لما بكررها بيغر البلد أيضا
ولا يثبت علي ألمانيا
والصراحة أنا شايف اني طولت في الأسئلة والمفروض كان الموضوع ينتهي من زمان
لذلك أنا ممكن أنسي الحوار ده خالص علشان محدش يدايق مني.

**TaHeR.NaBiL** · 18-08-2011, 07:52

لا عادى اسال زى ما انت عاوز احنا كلنا كنا بنسال كتير فى اقل حاجه بالرغم انها سهله وماحدش كان بيبخل علينا بحاجه .
لما تعمل تغير الاى بى عن طريق كليك يمين على الاختصار الموجود فى التاسك بار بتغير الاى بى والمدينه فقط لاغير مستحيل الدوله تتغير لانك محددها فى الاوبشن الخاصه بالبرنامج الدوله بتتغير فقط من اوبشن البرنامج .