عاوز أعرف طريقة تشبيك الأجهزة ؟؟؟

**tymy82** · 17-08-2011, 00:30

السلام عليكم ورحمة الله وبركاته

أخواني الكرام / أنا لسة ببتدي في تعلم الشبكات ,فكنت بسأل : -

دلوقتي أنا ركبت الكابينة وفيها السويتش والباتش بانل والكابلات ووصلنا كل حاجة في الشبكة زي الفل والكابلات متصلة بالأجهزة وعدد الاجهزة المفروض 15 جهاز بأمر الله تعالى وطبعا فيه برودباند عشان ادخال النت وطابعة هيتم مشاركتها ؟؟

عاوز منكم بس توضحولي ازاي اعمل الامور دي بشكل سليم بدون لخبطة

أولا ربط الاجهزة بعضها ببعض في حالة عدم وجود سيرفر وفي حالة وجود سيرفر ؟؟؟ وهل الطريقة مشابهة في جميع انظمة الويندوز ام تختلف وكيف تكون في انظمة لينوكس ؟؟؟

ثانيا : طريقة توزيع النت على جميع الاجهزة بعد تشبيكها ببعض ومشاركة الطابعة او ملفات او مجلدات وغير ذلك ؟؟

ثالثا : كيف يتم ربط أجهزة في محافظات بعيدة عن محافظتي مع الشبكة عندنا في المكتب ؟؟ وما هي فوائد واستخدامات الراوتر ؟؟؟

وجزاكم الله خيراً

**black007** · 17-08-2011, 03:33

بالنسبه للاجابه على السوال الاول فهو كلاتى
اذا ارت ربض الاجهزه مع بعضها بدون سيرفر فهيبقه هتوصل الاجهزه كلها على سوتش والموضوع خلص
انما لو على سيرفر هيبقه هتسطب ويندوز 2003 سيرفر وهتعمل عليه الاكتف وموضوع كبير ليه شرحه
هى متاشبه مع جميع انظمه ويندوز انما مع الليونكس معنديش فكره الصراحه

بالنسبه لسوالك الثانى
هيبقه لو من غير سيرفر تقدر تعملها من خلال الروتر من صفحت الاعدادات بتعته ودى محتاجه خبره شويه
لو بسرر فالموضوع سهل شويه هو ممكن تسطب حاجه زى سيرفر كده اسمه ميكروتيك وده شغلته فى الحياه انه بينظم السرعه والدونلود والابلود وكذا حاجه بس ملحوظه صغيره سرفر المايكروتيك ده مخصص للاجهزه المنزليه بمعنى لو هتعمل شبكه فى البيت انما لو شبكه فى العمل دى هيبقه شغل اى تى وستسطب برامج مخصوص للعمل ده وبرضه موضوع يطول شرحه او بمعنى اصح دى ليها كورس بيدرس ليها

بالنسبه للسوال الثالث بتربطهم عن طريق vpn وبرضه لها كورس مخصوص لها بدرس
ملحوظه صغيره اى حاجه من الى انت بتستفسر عليها عايز تعملها لشركه دى ليها كورس اسمه MCSE ده كورس كامل 7 دركات كل تراك بتكلم عن حاجه معينه من الى انت بتسئل عليه
اتمنى اكون افدتك وتقبل مرورى

**tymy82** · 17-08-2011, 09:34

جزاك الله خير يا أخ بلاك على مرورك الطيب وردك السريع

هحاول أدور عالقرص MCSE هنا في المنتدى واستفيد منه أكتر عشان لما أدخل أدرسه بأمر الله يكون عندي خلفية أكتر عنه

بارك الله فيك

**sh3poz** · 18-08-2011, 12:09

دور علي شرح المهندس احمد سرحان هتستفيد جداااااااااااااااااااااااااااااااااااااااااااا

**ابوعليان** · 20-08-2011, 02:08

الموضوع سهل جدا بس الافضل انك تركب سيرفر احسن على شان اداء الشبكة ماتقل يعني انت عندك 15 جهاز كمبيوتر فالافضل انك تركب سيرفر والموضوع سهل بس يبيله تركيز من عندك

اما انا من ناحيتي عندي خبره بس مااعرف اشرح الموضوع لك لازم اسويها عملي اما شرح مااعرف

والعذره والسموحه

**tymy82** · 20-08-2011, 22:13

تسلم يا شعبوز والله يكرمك أنا فعلا لقيته ونزلته بس مكتوب انه ناقص جزئين الايسا - والأكس تشينج ربنا ييسرلنا ونقدر ننجز فيها
تسلم يا بو عليان والله يبارك لك يا غالي

**MohammedsF** · 01-09-2011, 17:48

و الله أخي لو حابب تعمل سيرفر انسى ويندوز نهائي !

اعملك سيرفر لينوكس و نزل عليه سكويد و كييش و لمت عن طريقه و بالتالي يفرق معك البرودباند كثير و يخف الضغط على الشبكة...

ممكن تسطب لينوكس بواجهة جميلة و سهلة مثل Ubuntu و تركيب Squid عليه سهل و عمل بروكسي و تحديد للأجهزة اللي عليها انترنت سهل تقريباً و كذلك تستطيع تحديد سرعة التنزيل لكل جهاز..

و ربطه بالشبكة سهل أيضاً ، السيرفر يحتاج لكرتين اثرنت ، الأول يدخل عبره خط البرودباند و الثاني يتصل بالسويتش و يتم وضع الآيبيهات و البروكسي بناء على مدخلاتك في السيرفر نفسه..