السلام عليكم ورحمة الله وبركاته
انا يا شباب جهازى امبارح لقيته بيعمل Turn Off لوحده كده من غير اي حاجة فشكيت فى درجة حرارة البروسيسور فدخلت على الـ Bios و لقيت درجة الحرارة بتوصل 85 درجة !! و بيشتغل 10 دقايق و يطفى لوحده
[صور لبيانات البروسيسور و المازر]
المهم انا لما لقيته كده خفت على البروسيسور جدا ففتحت الجهاز و حطيت عليه مروحة كبيرة برضه مفيش فايدة فشيلت المروحة لقيت تراب بالهبل على البروسيسور فنضفت الجهاز كله .. عملت حملة نضافة شاملة على الجهاز و شيلت منه القطع الى انا مش بستخدمها و فتحت الباور سبلاي و نضفته من جوا 100% يعني .. المهم فعلاً درجة الحرارة بعد الحملة دي نزلت حوالي 10 درجات(فى الويندوز مش الـ Bios) فقولت كويس بس برضه الارقام كبيرة
و دي شوية صور على الجهاز و هو متحمل عليه
دي صورة و انا لعمل فك ضغط للعبة و البرنامج ضاغط جامد على البروسيسور
الصورة 1
و هنا و انا بعمل داونلود بالـ IDM
صورة 2
ملحوظة :
الجهاز قبل النضافة كان بيشتغل حوالي 10 دقايق و يطفى لوحده بعد النضافة مش بيطفى خالص الحمد لله و اعلى درجة حرارة بيوصلها مهما ضغطت عليه 85 و ده و PES شغالة عليه جنب برامج تانية
المهم شباب انا عاوز اعرف الدرجات دي عادية ؟ و ليه درجة حرارة البرامج بتفرق عن درجة حرارة الـ Bios ؟
طمنوني يا شباب بالله عليكم
المفضلات