مصر ...كيسة ب 2000 ج للاداء الثابت في كل الاستخدامات

[mido_202020]

تعبت من البائعين ...ممكن ارائكم في تجميعة

- أقصى ميزانية محددة:2000
- استخدامك للجهاز:متوسط و احب اعلي امكانياته مستقبلا
- حجم الشاشة و الدقة (Resolution) التي تستخدمها: 1600x 900
- القطع التي تنوي شراءها:;;كيسة كاملة بدون دي في دي
- القطع التي ستعيد استخدامها من الجهاز القديم: لايوجد
- ميعاد شراء الجهاز:بعد العيد مباشرة
- مكان الشراء:الاسماعيلية
- محل سكنك:الاسماعيلية

الموضوع ببساطه انا عايز اشتري كيسة جديدة

و لما رحت للمحلات و قولت انا استخدامي اللي هو

1- استخدام برنامج pdf
2- تصفح النت
3- ممكن بعض الاحيان احتاج الجهاز للعب pes2011

و بس و كل واحد بقى حيرني جدا مثلا واحد يقولي

هات برسيسور عادي دوال كور و رمات عالية و كده الجهاز عالي جدا و يشغل كل حاجة و لما قولت له طب ما نعلي البروسيسور شويه قالي انت محتاج البروسيسور في ايه هم و اثقل حاجة الالعاب و دي اديها رمات و كارت شاشة بس

اما الثاني قالي ..لازم تعلي البروسيسور على الاقل i3
و كده انت جهازك متوسط

وممكن تزود الميزانية و تجيب حاجة حلوة و ايضا في واحد قالي ان الميزانية دي قليلة على كيسة مع انها مش للالعاب الثقيلة امال الواحد يجيب جهاز كويس بكام و واحد صاحبي قال انه اشتري لاب اتش بي ب 3000 قالي اصبر و كمل ال1000 الفرق


فانا محتار جدا انا عارف شوية على قدي في الكمبيوتر بس بردو التجربة تفرق

فالسوال ببساطة انا معايا 2000 جنية و انا عايز كيسة كويسة و المهم جدا اني اقدر اعلي في الجهاز لما احتاج مش اضطر اجيب جهاز جديد فممكن النصيحة خصوصا اني اثق جدا في المنتدى


وياريت ماكنش خالفت القوانين للمنتدى اصلي لسة جديد في موضوع المنتديات

و شكرا

[EL KING OMAR]

املأ النموذج ده
- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك:

عموماً دى تجميعة كويسة
AMD Phenom™ II X2 555 3.2GHz Black Edition 3.2ghz/8m : 550 LE
Gigabyte GA-880GM-USB3L - AMD 880G motherboard AM3+ : 500 LE
Kingston 2GB DDR3 1333MHz CL9 : 85 LE
Western digital caviar blue 500 GB : 240 LE
Thermaltake V3 BLACK EDITION mid tower + 450w PSU : 430 LE

المجموع 1800 جنيه
التجميعة ممكن تحدثها بعد كده براحتك و دلوقتى اشتغل على الكارت المدمج كافى جداً لاستخداماتك

[mido_202020]

تسلم ياغالي على الرد ...بس ممكن تقةولي ايه اللي ممكن اغيره مستقبلا في التجميعة اللي ذكرتها ...و ما حجم كارت الشاشة المدمج

و ده النموذج
- أقصى ميزانية محددة:2000
- استخدامك للجهاز:متوسط و احب اعلي امكانياته مستقبلا
- حجم الشاشة و الدقة (Resolution) التي تستخدمها: 1600x 900
- القطع التي تنوي شراءها:;;كيسة كاملة بدون دي في دي
- القطع التي ستعيد استخدامها من الجهاز القديم: لايوجد
- ميعاد شراء الجهاز:بعد العيد مباشرة
- مكان الشراء:الاسماعيلية
- محل سكنك:الاسماعيلية

[EL KING OMAR]

الماذربورد هتدعم معالجات amd الجديدة (البلدوزر) يعنى ممكن تحدث
و ممكن تجيب كارت شاشة خارجى بعدين و تزود رامات تانية

لو عايز تجميعة إنتل استنى عليا لبكره بس

[mido_202020]

شكرا واي ...و ياريت انتل لو ينفع

[helmygecso]

الافضل لهذه الميزانيه AMD

معالج : AMD Phenom™ II X2 550 3.1GHz Black Edition ج535
لوحه ام : +ASUS M5A78L-M LX AM3 ج375
كارت رسومى : SAPPHIRE HD 4670 512M GDDR3 ج400
ذاكره (رام) : Kingston 2GB DDR3 1333MHz CL9 ج85
هارد ديسك : WesternBLUE WD5000AAKX 500GB SATA 6GB/s 16MB Cache : ج240
صندوق : Cooler Master Elite 335 case + 400W PSU ج320
مزود الطاقه : ملحق بالصندوق وهو بقدره400وات
فى حاله عدم توفر الصندوق يتم شراء
صندوق : جاما 350 وات ج300
مزود الطاقه : ملحق بالصندوق وهو بقدره 350وات
الأجمالى 1955 ج
وهى اقل تجميعه ينصح بها للاستمتاع بلعب سلس مع اغلب الالعاب الحاليه نظرا للمعالج القوى والكارت الرسومى المعروف بأداؤه القوى مقارنة بسعره

[mido_202020]

تسلم جدا يا حلمي باشا ...بس انا كده فهمت انا كده انتل مغالية جدا في اسعارها بس ياترى ليه الناس بردو بتروح ليها و بجد التجميعة مقنعة جدا بس ممكن حاجة غير اسوس اصلي عندي حاليا asus p5-vm 856 , و بجد طلعت عيني مافيش حاجة جيجايبت وهل المعالج ده افضل من كور تو ديو و انا مش قصدي اعدل عليك انا بس عايز اعرف و فهم عشان لما اروح اشتري مايعدلش عليا البياع ... . و احلى حاجة في المنتدى ان انتم فاهمين مش زي مرة البياع قالي خد كذا بلد كذا وخلاص من غير اي تفسير

[kareem_ismail]

ع فكره مش شرط يا استاذ ميدو ان لما حضرتك تقبلك مشكله فى حاجه يبقى دائما وابدا الحاجه ديه فيها مشاكل خالص مش ضرورى

مكن يكون اللوحه اللى عندك هى اللى فيها مشاكل انما اسوس ديه كل الناس بتحمل تجبها لعلمك ديه غاليه جدا لمجرد انها فيها بويس جديد اللى اسمه UEFI فاسوس ديه ممتازه وحاليا تتفوق على الجيجابايت


وتجميعه الاخ helmygecso متازه جدا جدا كارت الشاشه بس انا معرفش لانى فعلا مليش في كروت الشاشه ومش مهتم بيهم لانى مليش فى الالعاب خالص

لكن صدقنى تجميعه كويس وانا بقولك باذن الله مش حتحاج تحدث فتره كبيره جدا ممكن توصل 6 و 7 سنين كمان باذن الله ماعدا ات لو بمزاجك بقه حبيت تعلى الهارد مثلا او تشترى رامه زياده كده فتوكل ع الله واشتريها

ونصيحه بلاش تسال حبايبن البايعين واسال هنا ليه بقه لان الاخوه البائعين على راسنا من فوق لكن كل واحد عاوز يبعلك الحاجه اللى عنده حتى لو كانت سيئه او كانت غاليه جدا ديه شغلته فالاحسن تنزله وانت عارف بالزبط ايه اللى حتجيبه

لكن هنا الاخوه حيجبولك فعلا شئ لحتيجاتك وسيبك من انتل لانها غاليه فعلا وبالتوفيق ان شاء الله

[helmygecso]

تسلم جدا يا حلمي باشا ...بس انا كده فهمت انا كده انتل مغالية جدا في اسعارها بس ياترى ليه الناس بردو بتروح ليها و بجد التجميعة مقنعة جدا بس ممكن حاجة غير اسوس اصلي عندي حاليا asus p5-vm 856 , و بجد طلعت عيني مافيش حاجة جيجايبت وهل المعالج ده افضل من كور تو ديو و انا مش قصدي اعدل عليك انا بس عايز اعرف و فهم عشان لما اروح اشتري مايعدلش عليا البياع ... . و احلى حاجة في المنتدى ان انتم فاهمين مش زي مرة البياع قالي خد كذا بلد كذا وخلاص من غير اي تفسير

انتل ليست غاليه بالعكس تماما فانتل ارخص من AMD ولكن فى هذه الفئه السعريه الAMD تتفوق فقط لو كانت ميزانيتك 2500 جنيه لاتجهت لانتل وسيكون فرق الاداء كبير جدا وثانيا شركة ASUS من أفضل الشركات فى تصنيع اللوحات وهناك لوحه بنفس السعر من جيجا بايت ولكن لا تقبل التحديث لمعالجات البلدوزر القادمه والمعالج دا حضرتك أفضل من C2D

[helmygecso]

ونصيحه بلاش تسال حبايبن البايعين واسال هنا ليه بقه لان الاخوه البائعين على راسنا من فوق لكن كل واحد عاوز يبعلك الحاجه اللى عنده حتى لو كانت سيئه او كانت غاليه جدا ديه شغلته فالاحسن تنزله وانت عارف بالزبط ايه اللى حتجيبه

وسيبك من انتل لانها غاليه فعلا

مش كل البائعين بهذه القسوه بالعكس هناك شركات محترمه جدا وتفيد المشترى ليدفع كل جنيه من ماله فى شئ يستحق وبالنسبه لانتل انها ليست غاليه ابدا ف بماذا تفسر هذا

المعالج I3 2100 بسعر 740 جنيه
المعالج Phenom II X4 970 بسعر 950 جنيه

وبرغم فارق السعر بين المعالجين الا ان I3 متفوق على Phenom II وهذا لا يحدد اذا كانت شركه اغلى من الاخرى فهذا على حسب المعالج وسعره واداؤه وتأكد ان اذا كانت AMD تساوى انتل وبسعر ارخص لن تسكت انتل ابدا

[mido_202020]

طب يا استاذ حلمي لو انا معايا 2000 و مش عايز كارت خارجي ولا دي في دي اجيب تجميعة انتل ولا ايه ام دي

[helmygecso]

Intel طبعا

معالج : Intel Core I3 2100 بسعر 740 جنيه
لوحه ام : ASRock H61i Cafe بسعر 600 جنيه
ذواكر : Kingston 2G DDR3 1333 CL9 * 2 بسعر 170 جنيه
قرص تخزين : Western Digital Caviar BLUE WD5000AAKS 500GB 16MB Cache بسعر 230 جنيه
صندوق : Cooler Master Elite 335 case + 400W PSU بسعر 320 جنيه
مزود طاقه : ملحق بالصندوق وهو بقدرة 400 وات
اجمالى التجميعه 2060

[mido_202020]

احب ان اشكر الاستاذ / كينج اومر و الاستاذ / حلمي و الاستاذ/ كريم

على مساعدتي في اختيار التجميعة المناسبة لي و اشكركم لانكم بجد فيدتوني جدا و لم اكن اتوقع هذا هذا اولا

اما ثانيا

هذه هي التجميعة التي استقريت عليها للشراء بأذن الله و انا مستني ال ok منكم او اي ملاحظات اخيرة عليها
)
prossesor ...... intel i3 2100........750 من ترشيح الاخ حلمي بس ياريت ذكر اسم الموديل كامل
motherboard..... ASUS P8H61M-LE / USB3.........510 من ترشيح الاخ حلمي بس ياريت ذكر اسم الموديل كامل لتشابهه مع موديلات اخرى
Western Digital Caviar BLUE WD5001AAKX SATA 6.0 Gb/s 500GB 16M Cache..................240
kingston 2gb ddr3 bus 1333mhz cl9 v1.5 .......................90
case .................................................. ..............................150 تجاري الى ان اشتري كارت فيجا اذا لزم
الاجمالي 1740
و قد اسقريت عليها للاسبا الاتية (و الشراء الاسبوع القادم

1- ان سوكت 1155 هو المستقبل في المعالجات القادمة
2- هذه التجمية تعتبر ممتازة جدا بالنسبة للسعر
3-تؤدي هذه التجمية اداء اساسي لكل شيء برامج ثقيلة و نت و برنامج pdf و حتى الالعاب العادية مثل الكورة مع تعديل بسيط و هو تركيب كارت فيجا اذا لزم الامر للالعاب الثقيلة
4-امكانية التحديث مستقيبلا بمعالج قوي اذا لزم الامر
5- عدم المعاناه من البط الشديد مثل جهازي الحالي

و انا استخدمي متوسط و ليس لشخص محترف و استخدامي هو الاستفاده من الكمبيوتر على قدر الامكان دون مضيعة الوقت او اللعب المسرف
و كل هذا في حدود ميزانيتي الان

و ياااااااااااااااااااااا ريت لو حد ممكن يرشح لي طابعة كويسة من نوع المنزلي في حدود 250 او 300

و هذا هو كل ما عرفته من نصائحكم و خبرتكم دون مجاملة

و في النهاية انا في انتظار ارئكم و شكرا

[omaar97]

المعالج بسعر 740 جنيه
الرامة بسعر 85 جنيه
برأيي حاول ترفع اللوحة إلى ASRock H61 iCafe يكون أفضل
واحتمال تلاقي الكيس + المزود التجاري بسعر 100 جنيه , إذا وجدته هكذا فلا تفوت الفرصة وقم بشرائهم ورفع اللوحة إلى المذكورة فوق بالفرق

وبالنسبة للموديلات فالأخ حلمي ذكرهم كاملين:

Intel Core i3-2100
ASUS P8H61-M LE / USB 3.0

[helmygecso]

المعالج بسعر 740 جنيه
الرامة بسعر 85 جنيه
برأيي حاول ترفع اللوحة إلى ASRock H61 iCafe يكون أفضل
واحتمال تلاقي الكيس + المزود التجاري بسعر 100 جنيه , إذا وجدته هكذا فلا تفوت الفرصة وقم بشرائهم ورفع اللوحة إلى المذكورة فوق بالفرق

وبالنسبة للموديلات فالأخ حلمي ذكرهم كاملين:

Intel Core i3-2100
ASUS P8H61-M LE / USB 3.0

بالفعل من الافضل النزويد الى هذه اللوحه واسماء الموديلات كامله