مشكلة كبيرة فى اللاب بالله عليكم المساعدة العاجلة

[ahmed_ahmed9889]

السلام عليكم ورحمة الله وبركاته

من حوالى شهر اشتريت لاب من نوع

hp pavilion g6-1138se

وبدات من اسبوعين او اكتر تظهر مشاكل

اولها تهنيج فى اللاب

بس يا ريت تهنيج ويشتغل بعدها

لا تهنيج بنفس المعنى واضطر اضغط على الزر

واللى بيحصل ان الشاشة بتوقف وسواء مشغل اغاني او فيديو او فيلم الخ يفضل معلق على نفس الثانية فى الصوت وطبعا بيعمل ازعاج كبير خصوصا لو كان الصوت عالى

وبعدها نزلت نسخة 86x ولقيت ان الرامات مش كامله

روحت لشركة بتاعته قالولي نزل نسخة 64 رجعت فرمت السي ونزلت نسخة 64 وبرده لاحظت التهنيجه بتظهر

والمشكلة انها ملهاش اوقات معينه لا بتظهر كل فترة وممكن لو مشغل فيلم او حتى فاتح الفيرفوكس والصفحة ظهر فيها اجاكس وجيكوري (مؤثرات متحركه فى الصفحة )

وانا بطبيعة عملي مبرمج ويب والمشكلة دى معطلاني

حاولت اعرف المشكلة بتظهر من ايه وفي الآخر رأيي استقر يا اما الرامات او الهارد لان النهاردة بحمل لعبة وحصل تهنيج وبعدها لما رجعت اكمل ملف التورنت قالي مشكلة i/o device

ولاحظت انه بيهنج كتير فى الالعاب

مع ان مواصفات الجهاز عالية سواء من ناحية الألعاب او الرامات

كارت الشاشة 1 جيجا ati

البروسيسور intel i3

الرام 4g ddr3

مبقتش عارف المشكلة دى من ايه والمشكلة انى كنت شغال فى الصيانة بس اول مرة فى حياتي اشوف تهنيج بالشكل دا

اه نسيت اقول

على لعبة winneg اللى هى بلاي سيتشن ون والمحاكي بتاعها

لما اشغلها الجهاز يهنج برده نفس نوع التهنيج

لكن على لعبة need for speed most wanted ومعلي الجرافيك على اعلى درجة ما يحصلش تهنيج

استهلاك الرامات حاليا وانا مشغل الفيرفوكس والهوتميل والانتي فيرس (افيرا) 1.7 ودا رقم عالي بالنسبة انى مش مستخدم الفوتوشوب او الدريم ويفر او حتى اى برامج برمجية زي phpDesigner

والمشكلة انى مستني لغاية ما انقل الحاجه بتاعتي عشان اوديه الضمان بس لما اشوف حد تبعي عشان انقل عليه شغلي

يا ريت الافادة منكم او حتى رفع الموضوع لمن ليس له خبرة

انا والله عانيت عشان اجيب الجهاز دا وكمان فى الاخر تقسيط

وبرده قدر الله وما شاء فعل

بالله عليكم لا تبخلوا فى الرد عليا عشان انا تعبت وكرهت افتح النوت باد وافكر ابرمج اى كود لاني فى لحظة اللى بعمله كله يروح

اه نسيت انا بلاحظ ارتفاع فى الحرارة بس مع التهنيج ساعات الاقى الحرارة عالية وساعات لا

انتظركم

[MPIXAPP]

1 - يفضل الذهآب إلى الضمآن وهم ادرى بالمشكله !
2 - المشكله قد تكون فى المعآلج او الرآم !!

ان شاء الله خير ولا تقلق !

[Ĩ ф И_ Ĥ Ξ λ Я Ŧ £]

سلام عليكم

حسب مشكلتك لديك مشكلة بحرارة جهازك وخصوصا الموديل لديك له مشاكل في الحرارة
انصحك ان تشتري قطعة تبريد خاصة تضعها اسفل جهازك
واذا لم ينجح الامر عليك بأخذه للصيانة من اجل التاكد من نظام التبريد لديك

وبتوفيق ان شاء الله

[Hany Mohamed Nigma]

بسم الله الرحمن الرحيم
السلام عليكم ورحمة الله وبركاته

اخى

مشكلة التهنيج و خصوصا بالطريقة اللى حضرتك بتصفها دى مش بتكون لها سبب واحد او عامل اساسي

لذلك الامر محتاج الى متابعة و ملاحظة علشان تقدر تحدد المسكلة

حضرتك بتقول انك كنت شغال صيانة

لذا انصحك بتثبيت بيئة العمل و متابعة العوامل المتغيرة على الجهاز

اول حاجه زي ما قال لك اخى LOIN HEART الحرارة

تابع الحرارة ببرامج قياس الحرارة و شوف التهنيج على درجة حرارة كام ؟؟
لو كانت درجة حرارة معقولة و طبيعية انتقل الى عامل اخر و شوف الهارد ديسك

اعمل scandisk كامل surface لل باد سيكتورز BAD Sectors

اعتقد المشكلة مش فى الهارد لان تهينج الباد سيكتور ممل جدا و مش ممكن تتخلص منه الا باغلق الجهاز واعدة تشغيلة

مش باقى غير الرامات
عندك برامج والعاب متنوعة تقدر تحمل على الجهاز و تعرف اذا كانت العيب رامات ولا بروسيسور عن طريق متابعة التقارير و قارءات السرعة
ولا اعتقد ايضا انه بروسيسور لان البروسيسور اما يعمل او لا يعمل


ملخص الكلام

اولا تابع الحرارة
ثم عمل اسكان ديسك للهارد
تابع قراءات الرام و الاستخدام لها

كل ما سبق على اعتبار ان نسخة الويندوز لديك نسخة نظيفة وغير مكركة و ملعوب فيها باى اضافات

اتمنى من الله ان تجد حلا ان شاء الله

[mad_addison]

شوف يا أخي , أنا إشتريت جهازين DELL الشهر ده , واحد N5010 و التاني N5040 , الاتنين I3 , مشكله التهنيج ده موجودة في الأتنين ومحبطة جدا , أنا جيت أرجع الجهاز اليائغ مرديش بإن في خدوش بسيطة جدا متتشفش الا لو قعدت تحرك الابتوب في النور , المشكلة دلوقتي واضح أنها في ال I3 نفسه , انا قريت عن ناس كتير بتشتكي من التهنيج ده رغم إن البروسيسور مش مستهلك ولا حتى الرامات , كشفت على الهارد مفيهوش مشكلة , ولحد دلوقتي مش فاهم ايه المشكلة بعد العيد إنشاء الله هروح الضمان وأعمل المستحيل عشان أرجع الجهازين وأجيب I5

دور على النت على موقع Intel نفسه هتلاقي في شكاوي كتير من ال I3

[mad_addison]

شوف ده https://communities.intel.com/message/86165

[mostafaeng_2011]

أخونا الي نصحك بالحراره وبسكان الهارد الله يكرمه في غاية الصواب عندك برنامج everest لقياس حرارة الجهاز وقياس حرارة قلب البروسيسور وكمان بص على الباور سبلاي ممكن يكون السبب أستبعد كلا من الرام والماذربورد والمعالج الا لو كان هوه بيسخن عيب تصنيع يعني

[ahmed_ahmed9889]

فعلا انا لاحظت درجة الحرارة عالية جدا خصوصا فى الالعاب او مع التشغيل مع الفيرفوكس

وخصوصا انى ممكن افتح الفوتوشوب والدريم ويفر دا غير اكتر من 10 لسان فى الفيرفوكس وبرنامج ميديا بلاير كلاسيك وغير كدا الايمب والهوتميل والياهو الخ ومعاهم الانتى فيرس

بس معنى ان مع الالعاب او شوية برامج الحرارة تعلى تبقى مشكلة كبيرة

احنا اه فى الصيف بس ما تكنش المشكلة كدا او ان الجهاز يسخن بالطريقة دى

انا جربت على لعبة Call of Duty - Black Ops

وطبعا دى محتاجه امكانيات عالية جدا

مش بلاحظ تهنيج فى اللعبة الى لو بدات الحرارة تكون 72 او اكتر

واخر مرة شوفت الحرارة كانت 84

وصراحة عشان دى اول مرة اجيب لاب مش عارف الحرارة الطبيعية للجهاز

دا ان في كذا معدل لقياس الحرارة وانا مش عارف الحرارة المناسبة

وحاليا مشغل مروحة تحت الجهاز وبرده بتكون 58



دا من غير العاب والفيرفوكس وبرامج المحادثه وبرنامج تشغيل صوتيات

وشوية وانا برفع الحرارة وبوريكم الحرارة عالية

[ahmed_ahmed9889]

اثناء تشغيل اللعبة


مع العلم ان فى مروحه تحت الجهاز :confused:

[ahmed_ahmed9889]

درجة الحرارة الآن

[ahassan]

وعليكم السلام ورحمة الله وبركاته

أخى الكريم انت اشتريت جهاز hp pavilion g6-1138se
المفروض الهارد الموجوده تكون western digital ... انما من الصور الخاصة بجهازك لاحظت وجود هارد hitachi
ملحوظة : معظم مرتجعات الاتش بى للاسف بسبب الهارديسك وليست الحرارة


لتحديد المشكلة اخى الكريم
من فضلك نزل البرنامج ده Hd tune
https://www.hdtune.com/files/hdtune_255.exe

ثم اتبع الصور التالية ... وبعد كده خد سكرين شوت من البرنامج

[ahmed_ahmed9889]

للاسف لم يظهر كما وصفت لي
حيث انه لا يعطي اى معلومات

[ENG/ Mohamed hassan]

نفسس المشكله بتاعه التهنيج المفاجئ ديه عندى ..... و كمان بيطلع صوت تكتكه تقريبا من الهارد او المراوح بتاعه اللاب طوال فتره التشغيل على فترات متباعده نسبيا

مش عارف ايه سبب التهنيج .... انا شاكك بنسبه كبيره فى نسخه الويندوز

[Hany Mohamed Nigma]

نفسس المشكله بتاعه التهنيج المفاجئ ديه عندى ..... و كمان بيطلع صوت تكتكه تقريبا من الهارد او المراوح بتاعه اللاب طوال فتره التشغيل على فترات متباعده نسبيا

مش عارف ايه سبب التهنيج .... انا شاكك بنسبه كبيره فى نسخه الويندوز

التكتكة بتكون فى الهارد فى اغلب الاحيان

[ahassan]

للاسف لم يظهر كما وصفت لي
حيث انه لا يعطي اى معلومات

اولا : سرعة الهارد بطيئة جدااا وده يدل على وجود مشكلة فى الهارديسك
ثانيا : نصيحة منى بلاش حكاية الكذا برتشن دى ....

أخى الكريم ... المشكلة كده فى الهارد اذهب الى التوكيل وغير الهارد الى WD وان شاء الله تلاقى الجهاز معاك كويس