محركات البحث وصناعة الملايين

[m_farouk_1984]

السلام عليكم ورحمة الله وبركاته

انا اخوكم محمد فاروق مهندس ميكانيكا من الزقازيق وعايز اشاركاعضاء المنتدى الكرام بعض المعلومات او بعض الافكار اللى عرفتها من تعاملى مع الانترنت ممكن بعضها حقيقى وبعضها استنتاجات انا استنتجتها ممكن تكون غلط ويا ريت لو حد من الاخوة الاعضاء عنده اضافه لتعم الاستفاده لكل الاخوة انا تجربتى العمليه بسيطه جدا ومش عملت فلوس منها ولا حاجه بس ممكن حد يكون يربط بعض المعلومات اللى عندى وهو عنده معلومات تانيه ويقفل الدائرة

اتمنى لو حد استفاد او اعجب بالموضوع يدعيلى واللى مش يعجبه برده يدعيلى

بسم الله توكلت على الله

طبعا كلنا سالنا نفسنا سؤال بسيط هى جوجل او ياهو بتكسب منين المكاسب الهائلة ديه من محرك البحث بتاعها مع اننا بنستخدمه ببلاش ومش بندفع لجوجل حاجه والخدمه ببلاش؟ الناس بتكسب من الانترنت ازاى وبتتفرغ للمواقع والتجارة الالكترونيه هى بتجيب فلوس!!!!!!!!!!!

نبدا من الاول حضرتك عايز تشترى ساعة او عايز تبحث عن الساعات هتكتب فى جوجل watch انته طبعا مش عارف قيمة الكلمة ديه لان الكلمه ديه تسوى ملايين هقولك ازاى
انته عارف كلمة watch كام واحد بيكتبها فى محرك البحث فى الشهر ؟ 185 مليون بحث على الكلمة ديه شهريا
طيب انته عارف كام واحد بيدور على كلمة watches فى جوجل فى الشهر ؟ حوالى 20 مليون ونص

لاحظت معايا es فرقت 165 مليون شوفت الحرف بيفرق ملايين مليارات

طيب يا عمى انا استفت ايه هقولك من المعلومه ديه ؟ تخيل انته عندك محل ساعات وعملت موقع علشان تعرض الساعات اللى فى المحل عندك تخيل تخيل (ان شاء الله تبقى حقيقه ) ان الموقع بتاعك لما حد عمل بحث على كلمة WATCH ولقى الموقع بتاعك فى اول صفحة من البحث يعنى اول عشر نتايج كام واحد من185 مليون واحد هيخش الموقع بتاعك فى الشهر كام واحد من 185 مليون واحد هيشترى منك انته على الاقل ضمنت ان يدخلك على الاقل 70 مليون واحد فى الشهر وده رقم استحالة لو عندك محل حتى لو كان فى امريكا 70 مليون واحد يدخلولك فى الشهر شوف بقى هتبيع كام ساعه عرفت قيمه كلمة WATCH ديهايه ز

فى المصطلحات تسمى الكلامات الدليلية KEY WORDS وطبعا كلمة زى ديه تصنف على انها HIGH KEY WORD كلمة دليليه عاليه جدا مثال تانى عندك محدل احذيه

انته عارف كلمة SHOES كام مليون بيدوروا عليها فى الشهر 68 مليون واحد من العالم كله 30 مليون ونص من امريكا فقط بتفرق طبعا لان لو انته فى امريكا مش هيهمك واحد من مصر يدخل يشوف متجرك الالكترونى انته بتستهدف منطقه معينه ولو انته من مصر مش هيعنى ليك ان واحد من امركيا يدخل موقعك طيب ده طبعا سبب كافى ان اى حد يقاتل ويدفع فلوس ويعمل اللالى علشان يطلع موقعه فى اول نتائج البحث لكلمة دليلية زى WATCH او SHOES فى طبعا كلمات دليلية مركبه واصحاب المواقع بيلعبوا عليها برده مثلا الحرف والترتيب بيفرقوا كلمة (مش معنى كلمة تبقى كلمة واحده لكن فى العرف يقال عليها كلمة دليلية حتى لو مكونه من اكثر من كلمة فعليه )

كلمة" "watches women " شهريا على مستوى العالم يتم البحث عنها 550 الف بحث

كلمة""watches for women" شهريا 550 الف برده

كلمة " women watch" يبحث عنها 828 الف

كلمة "woman watch" يعمل لها 300 الف عمليه بحث على جوجل شهريا

لاحظ فارقة حرف شوف الحرف هيفرق ايه يعنى فرق عن الكلمة السابقه 500 الف واحد انته خسرتهم يخشوا موقعك علشان حرف طيب معنى كده ان اصحاب المواقع بيدفعوا لجوجل علشان يطلعوا فى النتايج الاوليه وبكده نكون جاوبنا على اول سؤال ؟ لااااااااا طبعا العمليه ديه عمليه متاحه لاى حد وممكن اى حد يبقى فى الصفحة الاولى لاى كلمة دليليه هو عايزها بدون ميدفع نكله لجوجل وده يسمى:

organic link نتائج بحث طبيعيه بمعنى ان موقعك يطلع فى نتاج البحث طبيعى لكلمة دليليه معينه لان موقعك كفاءة انه يطلع بالنسبه للكلمة ديه (ده الطريق الصعب بس مش هتحتاج تدفع نكله لجوجل ومستمر مدى الحياه طالما حافظت على قوة موقعك )

طيب اجابه السؤال هى ان جوجل بيكسب منين ؟

من sponsored link ودول اللى بيدفعوا لجوجل وهتلاقيهم فى نتايج البحث جرب عملى اعمل بحث على اى كلمة هتلاقى على الشمال موافع متظلله بلون اغمق شويه ومكتوب فوقها sponsored link يعنى انته موقعك عملته ومش عارف تطلع فى نتايج البحث الطبيعيه لان موقعك بالنسبه لكلمة البحث مش قوى زى مواقع تانيه تروح لجوجل وتقولهم هديكوا فلوس وطلعوا الموقع بتاعى بالنسبه للكلمات التاليه كما فى المثال السابق هتبقى"watches for woman "watch" "woman watches وهكذا

تعد تحط كلمات للصبح وتدفع فلوس كل شويه علشان الناس تدخل موقعك وتبيع (طبعا كل متدفع فلوس هتظهر لما تبطل دفع يبقى الحبس ..... يعنى موقعك هيختفى ومش هيظهر فى السبونسر لينكس ) ده اجابة جوجل بيكسب منين لان فى ملايين الملايين اللى بتدفع لجوجل علشان تظهر كل يوم وطبعا كل واحد بيختار كلمات معينه حسب موقعه مش معقول واحد بيبيع شنط هيحط كلمة دليليه عن الساعات !!!!!!!!!!

طيب يا ريس انته دلوقتى عرفت ان الطريقة الاولى مش هتدفع فلوس وعلى طول لانها طبيعيه طيب ايه المشكله وازاى اطلع الموضوع مش سهل خالص ليه لانك محتاج ان الموقع بتاعك يكون مشهور :علشان موقعك يطلع فى نتائج البحث الاولى لكلمات دليليه عاليه لازم يكون موقعك:

1- اولا برمجته تخليه سهل التصفح وخفيف ومفهوش اخطاء (ده شىء سهل وثانوى علشان معظم اصحاب المواقع بيلجاوا لشركات تصميم وده مش مقياس نهائى للظهور فى النتائج الاولى ده عامل ثانوى وفى متناول الجميع )

2 - المحتوى والتركيز على استخدام الكلمات الدليليه العاليه بشكل احترافى (بمعنى اول حاجه هتجيب كذا كلمة دليليه عاليه فى الموضوع بتاع الموقع بتاعك وتركز على صياغت تلك الكلمات المهمة بطريقة احترافيه فى موضوع مفيد)( طبعا ده عنصر مهم جدا لان حتى لو انته موقع ليه شعبيه ومختش بالك من النقطه ديه هتاثر جامد مع جوجل واى ناس محترفه بتراعى القصه ديه بس مش ده المعيار الاهم خالص وطبعا مش كل الناس هتقدر تحققه بس ممكن يتحقق )

3 - ده القنبله لو انته عملت موقع احترافى ومواضيع احترافيه مش هتطلع برده (ايه يا عم هى غلاسه ) لا مش غلاسه المعيار المهم واللى لو اغفلته محدش هيعرفك لان ده اهم عامل واقوى عامل (معامل الانتشار او بمعنى تانى اللينك الخلفى"back links"

ركز معايا علشان الموضوع يبقى سهل للفهم النقطه ديه بالذات اول مظهر الفيس بوك كان موقع عادى اتنشر ازاى بين المنتديات والشباب بداوا يشتركوا فيه لغايه مبقى مصدر (لانه ببساطه قدم شىء جديد وجذب الناس ليه ) فى النت مصادر ومواقع عاديه وطبعا المصادر ببتتفاوت فى القوه بمعنى الفيس بوك زى مقلت ظهر الاول موقع عادى بسبب انتشاره الغير طبيعى ملايين الملايين بتدخل الفيس بوك كل يوم اصبح مصدر بسبب الانتشار وانته بقدم حاجه محدش تانى بيقدمها اليو تيوب اول مظهر كان فكره جديده على النت فحقق انتشار بالمليارات بقى مصدر على النت ليه بقى لان حضرتك لما تيجى تجيب فيديو وتحطه هنا على النتدى بيبقى رابط لليو تيوب وملايين الملايين بيحطوا روابط اليو تيوب على مواقعهم والمنتديات بتاعتهم كل ثانيه ده اسمه الباك لينك يعنى تواجد الموقع فى مواقع تانيه وكل مزاد الباك لينك لاى موقع زادت شعبيته وترتيب فى جوجل

ملحوظه مهمة جدا محتوى الموقع والباك لينك وجهان لعملة واحده ليه ؟؟؟؟؟؟؟؟؟انته عملت موقع مش بيقدم حاجه جديده ووحد دخل عليه ولقى كلام مكرر وتافه او مش مسروق من حته تانيه مش هينشر موقعك لكن لو موقعك فيه مقالات ومواضيع مهمه واستفاده للناس الناس تلقائى هتنشر الموقع بتاعك عن طريق مواضيعك المفيده او خدماتك المهمه اللى بتقدمها زى مثلا موقع بيعمل العاب مجانيه هتاخد الرط تقائى وتعمله شير على الفيس بوك لان المحتوى ببلاش ومفيد ليك فبتنشره وبتمل لصاحب موقع الالعاب باك لينك بدون متشعر وبتعلى قوة موقعه فى محركات البحث (يعنى هتخلى الملايين تشتغل عندك لنشر موقعك مقابل محتوى موقعك او خدمه بتقدمها فى الموقع محدش بيعمل حاجه لله فى الله )

مثلا هتكتب ادخل على الموقع ده فيه احدث اللعاب وتحط لينك الموقع يبقى انته اديت الموقع قوة بالنسبه لكلمه دليليه "احدث الالعاب" بدون متشعر مثال منتدى عرب هارد ووير لقيت عليه اسعار مكونات الكمبيوتر رحت على حسابى على الفيس بود وحطيت الرابط بتاعه على الفيس بوك (ده اسمه باك لينك لمنتدى عرب هارد ووير على الفيس بوك ) وواحد تانى عمل نفس القصه واحد تالت حط الرابط على مدونته او منتداه التانى يبقى كل ميزيد تواجد الموقع اى الباك لينك بتاع اى موقع على مجتمع النت بيزيد ترتيبه على الجوجل

فى حرب شرسه جدا جدا على الكلمات الدليلية العاليه لان ببساطه نتائج بحث اكثر مبيعات اكتر اعلانات فى موقعك اكتر فلوس اكتر لانى لو موقعى بيخش ليه مليون واحد فى اليوم هحط اعلانات على الموقع بفلوس اكتر بكتير من موقع بيخشله 5 الاف واحد فى الشهر االموضوع معقد جدا على فكره وكل محرك بحث بيختلف عن التانى الياهو غير الجوجل لانه فى النهايه الالجوريزم بمعنى اخر برنامج

وطبعا الالجوريزم ده سر من اسرار اى شركه محدش يعرف بيشتغل ازاى بس معظم الناس عارفه الخطوط العريضه للتعامل معاه وجوجل غير ياهو

العلم ده اسمه" seo "search engine optimization انا كان ليا تجربه عمليه مع القصه ديه لانى عملت مدونه خاصه بيا وكنت عايز احسن نتايج البحث علشان يبقى عندى زوار فقعت اقرا وابحث عن القصه ديه علشان احسن نتائج البحث لكلمات دليليه معينه طبعا وسط يعنى كلة بيبحث عنها 70 الف واحد فى الشهر وبرده لغايه وصلت فى الصفحة التاسعة فى جوجل والتانيه فى الياهو بالنسبه للكلمه ديه بس طبعا الموضوع متعب جدا ولازم محتوى موقعك يجذب الناس لان زى مقلت الباك لينك ومحتوى الموقع وجهان لعمله واحده كنت هنسا الموقع اللى بتعرف منه شعبية الكلمات الدليليه ديه تول عملها جوجل ببلاش خش واكتب اى كلمه دليليه وشوف قوتها وشوف ا حصائيات الكلمات اللى معاه

اكتب فى جوجل keywords tool واختار اول نتيجه وديه تول عملها جوجل لاى حد

https://adwords.google.com/o/Targeti...AS#search.none

فى طبعا شركات متخصصه فى علم seo وبتعمل الخدمة ديه للشركات والافرد وغاليه وهى مش بتضمن ليك انك تطلع النتيجه الاولى او التانيه الشركات الاحترافيه بتضمن ليك الطلوع فى الصفحة الاولى والنتايج هتبقى بعد 3 شهور او اكتر لان الموضوع نسبى مش زرار هتبقى فى اول نتيجه فى غيرك بينافس وطبعا كل ما الكلمه الدليليه عليت كل مالفلوس تعلى مش معقول هتدفع فى كلمه بيدور عليها 5 الاف واحد فى الشهر زى مهتدفع فى كلمة بيدور عليها 70 مليون فى الشهر

اتمنى للجميع الاستفاده والاضافه والدعاء ليا فى هذه الايام المفترجه

[mrbrown]

موضوع لزيز الصراحة ...عشان الناس تعرف الدنيا شغالة ازاى فى جوجل و ياهوو :ah4: :D

[m_farouk_1984]

موضوع لزيز الصراحة ...عشان الناس تعرف الدنيا شغالة ازاى فى جوجل و ياهوو :ah4: :D

ربنا يباركلك لو فى حد عنده معلومات اضافية استفسارات علشان الفائده تعم ياريت يشارك

[hisoo]

ربنا يبارك فيك يا محمد معلومات ممكن تكون غايبه عن البعض مننا .

[shiko5000]

موضوع مفيد بارك الله فيك

[m_farouk_1984]

كنت عايز اضيف اضافه طبعا فى ناس كتير عارفه قيمة الكلمات العاليه اللى بيدور عليها الملايين كل شهر بس امكاناتهم مش يقدروا ينافسوا عليها ففى ناس متخخصصه فى اللعب على الاخطاء ايوه اللعب على الاخطاء طيب انا هوضحهالك بمثال

كام مره وانته بتكتب كلمه للبحث كتبتها غلط كتييييييييير
مثلا كلمة زى shop بيحصل بحث شهرى عليها 277 مليون بحث كل شهر يا بخت اللى فى النتايج الاولى للكلمة ديه زمانه مليونير :ah34:

طيب يجى واحد غلبان زى حالتى مثلا يعمل موقع ويركز على كلمة shap بالخطا وكل مواضيع الموقع بيكتب الكلمة بالخطا ولما بيعلن عن موقعه بالكلمة الخطا وده كله علشان يفوز ب 246000 زيارة بالخطاء وطبعا حلو العدد ده بالنسبه لمشروع صغير يعنى بيلعب على اخطاءنا فى البحث وطبعا ممكن تجرب وتشوف هتلاقى ان كلمات غلط كتير نتيجه غلط فى التهجى او خطا كتابه اصبحت كلمات عاليه وفى ناس كتير بتلعب على الاخطاء ديه وده نوع من الذكاء

وبالتوفيق يارب واتمنى الدعاء