:: درجة حرارة البروسيسور عالية جدا ... لاب dell inspiron N5010 ::

**Mr.Negm** · 30-08-2011, 19:53

السلام عليكم ورحمه الله وبركاته

الاول كل سنة وانتم طيبين بمناسبة عيد الفطر المبارك

عندى لابتوب dell inspiron N5010 ودرجة حرارة البروسيسور عالية جدا , اللاب لما بيفتح بتبدأ 55 ديه اقل حاجة ومن غير ما اعمل اى حاجة عليه بتوصل لارقام عالية جدا وبيفصل كتير جدا والمروحة بتاعته شغالة على 4800 لفة .. فكنت عايز اغير المعجون بتاع البروسيسور
ودورت على مواضيع لقيت فعلا انه ممكن يتغير بس فتحه وتغيير المعجون انا شايف انها عملية حساسة جدا وانا اخاف اغلط وانا بعملها فلو حد يعرف مكان فى القاهرة اروحله يعملى الموضوع ده اكون شاكر جدا , او لو الموضوع مش معجون وحاجة تانية انا معرفهاش فياريت يقولى برده وفى النهاية شكرا جزيلا .

**mostafaeng_2011** · 30-08-2011, 22:42

طيب يا أخي الكريم بالنسبه للمكان هتلاقي صيانه لاب توب في سوق العصر أو البستان أو سفنكس الموضوع سهل جدا بالنسبه للحراره المعجون الحراري مفيد بس مش هينزلك الحراره أكتر من 5 درجات بالكتير أنت عندك حاجه من الأتنين ياتجيب مشتت حراري هوائي أحترافي يا تشوف تهوية الجهاز من مراوح وفتحات سفليه لأخراج الهواء وغيره شغاله ولا لأ وهل يمكن زيادة المراوح عندك ونصيحه مني متحطش الاب على رجلك وشوف قاعدة تهويه دايما علشان متكتمش تدفق الهواء الخارج

**جون2006** · 30-08-2011, 23:01

شوف هذه الفيديوهات ربما تساعدك
انقر هنا

**MPIXAPP** · 31-08-2011, 01:30

طالما الجهآز بيــفـصل يبقى لآآآآزم تروح بيه للضمآن !
الدرجآت العآليه لا تسبب مشآكل فى اللابتوب فى معظم الاحيآنـ ..

لكن لو بيفصل معآك يبقى مفيش حآجه اسمها معجون , يُفضل تروح بيه عند التوكيل اضمن ..

بالتوفيق

!

**Mr.Negm** · 04-09-2011, 14:50

شكرا يا استاذ جون على الافادة وعلى الكليبات , وشكرا للاخ MPIXAPP بس هل التوكيل هايرضى ياخده اصلا والضمان خلصان ؟

**MPIXAPP** · 04-09-2011, 20:24

آهآآ , طب روح بيه لكمبيو سنتر فى سفنكس فى شآرع جآمعة الدول , فيه حوآلي 50 محل هنآك فى متخصصين فى اللابتوب , خليهم يغيروا المعجون وانت وآقف متسبهوش يعني ..
بالتوفيق

**afathypc** · 04-09-2011, 20:51

عموما ابدأ بالأسهل و غير المعجون

بس متهيألي تغيير المعجون مش هينزل الحرارة كتير

ده اول ما بيشتغل بتكون 55 درجة يعني لسه ما حصلش ضعط عليه

الأفضل تغيير المشتت او فحص مراوح التهوية

**Eng.Eslam Mohamed** · 04-09-2011, 21:01

ممكن تقولى البروسيس عندك بتوصل لكام فى الميه انا اصلى كان عندى نفس المشكله خاصا مع الويندوز سفن والبرويسس 100% رغم انى ممكن اكون مش مشغل اى شى مجرد فاتح الجهاز بس (لو عندك ويندوز 7 وبتوصل 100%) ربنا يسهل يكون حلك عندى

**Hany Mohamed Nigma** · 04-09-2011, 22:35

معجون ايه يا رجالة اللى بتتكلموا فيه !!!!

دا لاب توب وماركة اصلية المعجون دا اعتقد مع البروسيورات التريال وكمان المفترض ان المعجون الاصلى سليم مادام محدش فتح الللاب توب

انا لاحظت انك بتقول ان اللاب خرج من الضمان

يبقى انت محتاج تنظف التراب والغبار اللى بيتراكم مع الوقت

استخدم بلاور هواء ووجهه على فتحات التهوية وخصوصا المروحة لحد ما تسمع صوت المروحة من كتر الهواء اللى انت مشغله عليها

وان شاء الله كله يكون تمام

**Mr.Negm** · 05-09-2011, 12:51

يا جماعة فى الفترة الاخيرة انا كنت شغال باللاب على السرير مع انى حاطط تحتيه مروحة , امبارح غيرت القعدة وفكرت انى اخلى الارضية بتاعته فاضية روحت جبت 3 مولة سرير من اليمين و3 زيهم على الشمال وحطيت اللاب فى النص وتحتيه المروحة درجة الحرارة نزلت من 99 ل 64 فى غصون 20 ثانية , وفتحت كريسيس ودرجة الحرارة لم تتعدى ال 71 وقبل كدا لما كان على السرير وبفتح اللعبة كان البروسيسور بالظبط بعد 10 دقايق بيفصل لانه كان بيوصل ل 100 درجة .. وهى حاليا مش بتتعدى 71 والعادى بتاعها 61 ... هل لو جبت بلور ونظفته هاتنزل عن كدا لانى معملتش كدا من ساعة لما جيبته