^_^ احنا اسفيييين ... يا زوحـــــــــــل ^_^

**ellassy** · 31-08-2011, 20:26

كالعادة تعليقات المصريين الساخرة عن الموضوع
------------------------------------------------

إذا الشعب يوما أراد الهلال.. فلا بد أن يستجيب زحل
أيام مبارك.. كان العيد بيجى مرة واحدة.. بعد الثورة.. بيجى مرتين
حركة العيد دى لو حصلت فى العيد الكبير فى خرفان كتير أوى حتروح هدر.. وبينى وبينك زحله ونص لا بتزحل ولا بتبص
حتى زحل كمان طلع كوكب وهابى.. أكيد هو الكفيل بتاع القمر
من رمضان الجاى بلكونتك ف بيتك تلسكوبك ف أيدك. اللى يقولك الهلال ظهر قطعوا، لما تشوف بعنيك تبقى تعيد
هل ترين القمر يا عبلة؟ فقالت له: ده زحل يا روح أمك
استلهاماً لروح عمرو مصطفى اللى شافو دة مكنش هلال.. دة كان فوتوشوب.
يا ليلة العيد.. زاولتينا.. وشمتى زحل فينا
بعد ظهور زحل مكان القمر، المجموعة الشمسية فى حالة انعقاد دائم، والله الموفق
اقتراب زحل من الأرض هو محاولة من سكان كوكب زحل لاستعادة بعض المخلوقات اللى تخصهم زى القذافى و عمرو مصطفى توفيق عكاشة
هل تعلم أن الأمريكى أول من نزل على القمر والسعودى أول من فطر على زحل وأخيرا زحل يشكــر الدول العربية لوصفه بالقمر.
الارض وزحل ايد واحدة
سعودي بيستفسر ... هل يوجد كبسة ولحمة في كوكب زحل ؟
ظهور حزب جديد للعدالة ....حزب زحل الحررررررر
إنتشار فظيع لبرج زحل ضمن الأبراج الصينية
اللي برجه زحل :: انت اليوم سوف تفطر في رمضان وسوف تعيد في رمضان ..إنتبه لنفسك من العدو الارضي
الآن ميلودي تتحدى زحل ...
عاااااااجل :: مظاهرات تعم ميدان زحل على كوكب زحل إحتفالا بالنصر الساحق على كوكب الأرض

اللى صلى العيد هيصليه تانى
و اللى خد عيديه هياخد عيديه تانى
اللى استحمى هيستحمى تاني =))
اللى راحت عند الكوافيره هتروح تانى
اللى خرجت هتخرج تاني
اللى اشترى كحك و بسكوت العيد ينزل و يشترى تانى

عمرو مصطفي: لو هتلاعبني بالكواكب لا يا عدوي انا كمان هلاعبك بالكواكب
اللي تحسبه هلال يطلع زحل
الواحد بعد كده هيقول لمراته وشك ولا وش زحل مدام القمر طلع نظام سابق وعملها فينا
ايه الفرق بين مبارك وزحل : الاتنين ودونا ورا الشمس
في السنة اللي قدمنا فيها قبضة الهلالي، هم طلعولنا باستطلاع زحلي.. الفتي السعودي أبو الأجنبي
انا مازلت مزحوووووووووووووول لغايه دلوقتى
بعد كدا لما تعاكس واحده تقولها انتى زى الزحل

فى السعوديه الحكومه تقرر دفع مليار و 6 مليون كفارة للشعب السعودي كآآآمل
...
.
.
..
........
.
.
.
.
.
فى مصر الحكومه تقرر ان تذكركم بكفارة إفطار يوم من شهر رمضان صوم شهرين متتابعين او اطعام 60 مسكين والله الموفق والمستعان

عاجل : اعلن ائتلاف شباب الثوره عن قيام مليونية زحل الحمعة القادمة للمطالبه باسقاط زحل من المجموعة الشمسية " وموش هنمشى هو يمشى" والاعتصام حتى يتنحى زحل

النائب العام يأمر بحبس الكوكب اللي ورا زحل لمدة دورتين قمريتين على ذمة التحقيق
فى السنه الى رفضنا فيها نقول " عيد مبارك "
القدر شاء انه يبقى " عيد زحل "
يعنى هيعملو ايه يعنى ما هم جم يشوفو الرؤيه لقو "زحل" بيلعب سنجل و الكواكب كلها واقفين نيكست
تلاقى متر الارض فى زحل بقى غالى جدا دلوقتى
كل واحد يخلي باله من زحاليله الزحلول الواحد ب 14 جنيه ف الجمعيه اللي زحلوله هيضيع انا مش مسؤل انا عن نفسي بابا لسه جايبلنا زحلولين واحد بالفريك والتاني من غير فريك

بعد اللي حصل في السعوديه الزحلويين بيقولوا للسعوديين كانت معكم الكاميرا الخفيه.......قولوا نزيع
زحل مش بتاع اعياد زحل بتاع سندوتشات

**TEToking1680** · 16-09-2011, 15:03

إيه الألش ده بالراحة علينا لحسن زحل يزحل منينا وما يرضاش يعملها في عيد الأضحي

**a7medms** · 15-10-2011, 21:25

جامده جدا

**mimobob** · 24-10-2011, 04:10

انا اتزولحت من كتر الضحك

**Gawad** · 25-10-2011, 20:34

فى مصر الحكومه تقرر ان تذكركم بكفارة إفطار يوم من شهر رمضان صوم شهرين متتابعين او اطعام 60 مسكين والله الموفق والمستعان

"ولا تتخذوا آيات الله هزوا واذكروا نعمة الله عليكم"
"ولئن سألتهم ليقولن إنما كنا نخوض ونلعب، قل أبالله وآياته ورسوله كنتم تستهزئون"
صيام الشهرن والكفارة بإطعام ستين مسكين هذه حدود لا يجوز الاستهراء بها او ادراجها في سياق السخرية، فانتبه ياصاحب الموضوع