هل يمكن استبدال منتج لم يمر على شراءه 4 ايام بمنتج اخر

[spartanz999]

هل يمكن استبدال منتج لم يمر على شراءه 4 ايام بمنتج اخر
المنتج هو كرت شاشة ATI Radeon HD 5450 1G DDR3

والمنتج الذى اريد الاستبدال به هو بروسيسر amd phenom ii x2 550 7m

وهل سيكون فى فرق فى الاسعار كبير او صغير ؟

[yassermsire]

ان كان لا يوجد مشاكل في المنتج لا اعتقد انك لا تستطيع ان تقوم بستبدله

يمكنك ان تبيع الكرت اقل من سعره بشئ صغير و لن تخسر فيه كثيرا

[spartanz999]

ماشى شكرا يا باشا

[DR.M.M.S.A.E]

فيه اومفيهوش عيب معاك اقل شئ اسبوع
وهذا معروف اخي وبإمكانك مراجعه الفاتوره
هيا اقل شئ اسبوع وغالا اسبوعين ترجعه وتسترد قيمته او تبدله انت حر

[spartanz999]

ماشى يا باشا بس انا خايف المحل اللى جبته منه يقولى مينفعش تبدل او ترجع ساعته مش هبقى عارف اعمل اه فى الورطة ديت

[DR.M.M.S.A.E]

انت شاريه من حته محترمه ولااااااا
بص اخي عموما معاك الفاتوره 99%هتلاقي وراها شروط الضمان غالبا مدون فيها فتره الاسترجاع وشويه كلام عن الضمان اقراها وشوف
لو فيها امكانيه الاسترجاع (زي باقي محلات مصر) يبقي بدون اي تردد تاخده بس بكل الحاجات الي جت معاه وترجعه ويوم ما يخصموا هيخصموا سعر الثيرمال جريس ومش هيعدي ال5جنيه او يا سيدي قول 10 جنيه بس

[spartanz999]

اكيد جايبه من محل محترم فى مول البستان بتاع باب اللوق ومعايا الفاتورة كمان ومكتوب فيه يحق للعميل الاستبدال او الاسترجاع فى فترة لا تقل عن اسبوعين

[yassermsire]

اكيد جايبه من محل محترم فى مول البستان بتاع باب اللوق ومعايا الفاتورة كمان ومكتوب فيه يحق للعميل الاستبدال او الاسترجاع فى فترة لا تقل عن اسبوعين

ممتاز اخي اذهب غدا و قم بستبدال الكرت بلمعالج

[spartanz999]

اوك شكرا ليكم كلكم للمساعدة فوق راسى

[amrmovie]

غالبا مستحيل فى مصر ترجع او تستبدل حاجه خصوصا اذا كنت فتحتها من علبتها

[kareem_ismail]

انا بردك راى انا طالما المنتج مفيهوش عيوب تصنيع وشغال كمان يبقى مش حتقدر ترجعه اذا كان ده لو فيه عيوب من الشركه نفسها ممكن البائعين يرفضوا يرجعوا بس طبعا الكلام ده مش على المحلات الكبيره والموثوقه لكن ما بالك بحاجه مفيهاش عيوب

عموما جرب لو شريه من مكان محترم وكلام الاخوه اللى بيقولوا ممكن ترجع والضمان كمان مكتوب فيه بامكانك ترجعه لو حترجعه بكل اشتمالته او تستبدله خلاص اتكل على الله وشوف

لو مش حينفع خلاص عادى

[DR.M.M.S.A.E]

غالبا مستحيل فى مصر ترجع او تستبدل حاجه خصوصا اذا كنت فتحتها من علبتها

أخي انا مرجع PS3 بعدما استخدمته 11يوم!

[spartanz999]

تمام يا جماعة عموما الراجل اللى انا جايب منه مجمع منه جهازين لغايت دلوقتى بثمن 4 الف جنيه غير جهازى الشخصى اللى مكلفنى 1500 لغايت دلوقتى يعنى اكيد هيطلع جدع معايا مع انه رزل شوية على العموم انا هاخد الجهاز ورحله النهاردة واشوف يمكن يظبط الجهاز ويخلصنى من المشاكل ديت

[EL KING OMAR]

لو معاك الفاتورة يبقى من حقك ترجع المنتج أو تستبدله فى خلال 14 يوم من تاريخ الشراء
لو الراجل مرضيش يبقى قدامك حل واحد : أنك تعمل عركة و تقول أنك هتعمله محضر و تبلغ جهاز حماية المستهلك و الضرايب و الحل ده مضمون و الراجل هيوافق غصب عنه عشان للأسف فى بياعين كتير مينفعش معاهم الذوق

[amrmovie]

يعنى يرجع الحاجه لو مفيهاش مشاكل ؟ يعنى اشترى حاجه و اجربها و اعيش بيها اسبوع و اقول للبائع انا عايز اغيرها ؟ ايه انتوا مش عايشين فى مصر ولا ايه ؟