بسم الله الرحمن الرحيم

كلامى النهرده عن الروكت M2 وده يعتبر اقوى وافضل اجهزه شركه يبوكويتى الامريكيه
الجهاز AIR MAX ممكن يشتغل مع سيكتورات اير ماكس وممكن يشتغل مع دش انتنا وكمان اومنى للى ميعرفش لازم سيكتور او انتنات من نفس الشركه المصنعه ليه او اير ماكس عامه

الجهاز موجود من فتره معانا واتاخرنا فى التجربه نظرا ل ضيق الوقت وظروف الامتحانات وغيرها ...

( معلومات عن الجهاز )
ممكن من خلال موضوع الاخ HARDWARE
وموضوعه هنــــــا
الراجل شارح المنتج باستفاضه من الالف للياء وكمان الانتنات الى ممكن تركب عليه واكيد انا مش هزيد على كلامه شى
الكلام ده كان لسه المنتج مش فى ايدينا بس الحمد لله تم توافره وعمل تجارب وشغل بيه
هنحاول نعرض جزء منه دلوقتى فى الموضوع

لمحبى الاطلاع ده لينك الجهاز

http://www.ubnt.com/rocketm


وده لينك السيكتورات الى ممكن تركب عليه
http://www.ubnt.com/basestation


ودى الداتا شيت للجهاز حمل من هنـــا


طبعا الجهاز فى بدايته بعض منا خاف منه او شكك فيه بسبب انه اير ماكس وصعب انه يشتغل او يتحمل الاكسسات الشعبيه الى احنا شغالين عليها فى مصر زى التى بى لينك واير ليف وغيره حتى الاب توبات بتاعتنا وانه ( لازم ) يشتغل مه اجهزه اير ماكس m products
ف كان اول همنا نحاول نشوف شغله مع الاكسسات دى يبقى عامل ازاى عشان نقدر نحكم ب واقع عملى ونقدر نحدد قيمه الجهاز وقوته بالنسبه ل منتجات الشركه القديمه زى البوليت والبيكو واجهزه النانو
الجهاز شغال اير ماكس (dual polarity )
يعنى التوزيع والاستقبال يبقى عمودى وافقى ( vertical and horizontal ) تخيل الاير ماكس واجهزته بتستقبل داتا ب وضعيه افقى وراسى وليست افقى فقط داتا ريت وتحمل رهيب اكيد

طيب هنا فى مصر احنا محتاجين نشتغل بالاتنين التى بى يلنك والاير ليف وغيره وكمان ب اجهزه ال m زى النانو واللوكو وغيرهم
دى تجربه صغيره بنحاول نوصل لاسواء الظروف الى ممكن نشغل فيها الجهاز ونشوف رده فعله معانا ايه

(
التجربه)

الجهاز الى معانا rocket m2 معاه انتنه سيكتور اير ماكس 90 درجه وقوه 16 دى بى ....
طبعا كلنا طماعين اوى نقول سيكتور يبقى نطمع فى شغل الاندور وغيره ودخول الاشاره جوا البيوت بس ده تكلفته عاليه والاحسن تشتغل ع تردد تانى زى ال 5.8 جيجا هيرتز

الحاله اننا نوصل لاسواء وضعيه للجهاز الاستقبال يكون ب تى بى لينك او لاب توب
دى صور الجهاز اثناء تركيبه وكمان مكان التركيب كان جوا الشقه دى وتم التجربه والجهاز ف هذا المكان ودى بتقع ف الدور الاول علوى يعنى ف الارياف الدور التانى ..





تم تركيب الروكت كما بالصور ووضعه ع الكنبه دى وتم عمل الاعدادات بتاعته وهى اكيد اعدادات عاديه جدا اسم اشاره واتشانل ومود طبعا b/g/n ..يعنى اعدادات سهله وبسيطه حاولت اربط عليه باللاب توب واسحب نت منه عملت تستيت صغير للاشاره ..استقبلت منه اشاره بالاب توب وانا ف ظهر الجهاز وابعد منه مسافه ف الشقه ودى الاشاره ع الجهاز




اخدت الاب توب ونزلنا الشارع واحا فاتحين الاب طبعا الى حط الروكيت حطه ف وش عمود ف الحيطه وقال خلينا نجرب اسواء ظروف وزاويته ضايعه وهو مايل شويه ( واقف ع الكنبه ) مشيت ف الشارع وكان زاويتى حوالى 180 درجه منه وبعدت شارعين وكانت اشارته ع الاب -20
كملنا المشوار ومشينا وطلعنا ع بعد كام شارع بس ع مسافه 300 متر ف البيوت والمفروض اننا ف زاويه منه بس مطرفين شويه يعنى هو 90 درجه واحنا ف طرف ال 90 دول فتحت الاب توب لقيت الاشاره عملت كونكت وانا واقف ف الشارع وطبعا لمه وكنا بعد المغرب والى رايح والى جاى يتفرج عمل كونكت معايا وربطت ع الروكتايه بالاب وانا ف الشارع وكان بنجى رقمى وقت وسحب اى بى م السيرفر وفتحت نت الحمد لله ....
فيه اكسس ف بيت قدامنا ف الدور التانى ف البلكونه دخلت ع الاكسس وعكل سيرش ع الاشارات نشوف الاشاره طلعت 9 دى بى وكمان الاكسس مرميه ف البلكونه وبصراحه معرفش ظروفها ايه متركبه ازاى ولا داخل فيها ميا ولا لاء ولا حتى الانتنه بتاعتها مايله ولا عاديه ه المهم شايفها م بعيد راكبه ومربوطه ف خشبه صغيره
المهم الاشاره طلعت 9 دى بى من الروكت



اخدت بنج ع الروكت وقعدت فتره بتاع 5 دقايق ومتابع وكانت النتيجه الاتى



الكلام الى فات كان تصفح قولت ابدا تحميل
ع الاشاره دى وكمان مش شايف لا روكيت ولا شايف اى حاجه بيوت وخلاص



سرعه كانت خط 2 ميجا ومطولتش كتير حملت الملف ده ورجعت عملت بنجى تانى مره تانيه لمده طويله شويه وراقبته ودى نتيجته


ده كان بنج ع السيرفر وصفحه الروكت بتاعتى ..
...

قولنا نشوف كمان اكسس الراجل قال ف اكسس ورانا تبعد عننا 200-300 متر بس لماشوفتها بعد كده طلعت زاويتها نقدر نقول من الجهه الاخرى م ال 90 درجه للروكيت

اتصل بالعميل ودخل ع الاكسس وعملت كونكت ع الاشاره وطبعا دلخنا عليها واحنا لسه ف مكنا عند الاكسس 9 دى بى وشوفنا اشاره القطعه دى ودخلنا عليها ودى النتيجه


البنج الى ف الصوره بنج من تحت الاكسس ال 9 دى بى ع الاكسس ال 14 دى بى وبردوا مش شايفه لا روكيت ولا راكبه ف زاويته صح
انا فى نقطه شدتنى جداجدا حبيت اعرضها هنقدر منها نحدد مدى قوه الربط بين الروكيت والتى بى لينكات بتاعتنا وهى اعتقد اساس الشغل


هنا تخيلوا الروكت سامع م الاكسين دول كام -64 والى عنده بوليت او راوتر بورد يقدر يفهم معناهم ايه ..

المشكله معايا كانت ف الاتى :
كلنا عارفين ان التى بى يلنك او اى سيستم ع المود 54 ميجا لازم الاكسسات دى تدى ركويستات وتقطع معاك وهى اشارتها عاليه ما بالك وهى اشارتها ضايعه كده بسك الله ما شاء الله التى بى لينكات كانت رابطه كانها شايفه السيستم تماما طيب لو ركبنا الاكسسات دى ف الهوا والروكت ف الهوا وحطينا وراهم عاكس مثلا ولا بلاش عاكس ركبناهم وشافوا اشارات منه 20-30-40 دى بى مثلا ايه الى هيحصل ويكونوا ف مجال ال sight للروكيت
طبعا كان معانا نانو ام 2 nano m2 وتمت تجربتها وطبعا لازم تبقى شغلها ممتاز
بس حبينا هنا نبين شغل التى بى يلنك والاب توب وغيرهم م الاكسسات بتاعتنا

طيب كنا بنقول ان الاجهزه لو مش اير ماكس الجهاز مش هيتحمل كتير وعملاء وكده بس التجربه خير دليل اجهزه البوليت ام 2 او بيكو ام 2 كانت متقدرش تديك الشغل ده ع التى بى لينك..... يعنى حساسيه الجهاز عاليه جدا جدا ويتحمل عدد ممتاز ومش شرط تفعل الاير ماكس الجهاز مصمم تماما ل تحمل عملاء ونقل داتا كمان يعنى عدد كونكيشم كبير عليه هو يتحمله عادى جدا وكمان ب حساسيه اعلى مش كانت متوقعه الصراحه والحق يقال ...

حبينا نلقى نظره على الجهاز الجميل ده ونوضح التجربه لاعضاء الكرام وان شاء الله قريب جدا ممكن نعمل تجربه لاقصى مسافه ممكن يغطيهاونعرضها هنا فى الموضوع... مع العلم انه باوره 600 ملى فقط يعنى 28 دى بى ام والاهم من كده مش هندور ع مسافات هندور على تغطيه ممتازه وتحمل عملاء كبير ان شاء الله وفيه حاجه كمان انت ممكن تغطى بيه بلدك مثلا وتيجى ع بعد 4 او 5 كيلو تستقبل ب نانو ام 2 ف بلد تانيه وتبقى نقلت النت ليها كمان
الافكار كتيره والحلول كتيره ولازم نشتغل ب الجديد ونعرضه ان شاء الله


خالص تحياتى للجميع

محمود الحسينى