هل ويندور xp ‎‏ لا يدعم تعدد الانويه للبروسسورات؟

[Eltier_el_shady]

السلام عليكم اخوتي
اخوتي انا جايب ماذر بورد وبروسسور amd ‎‏ جداد كنت عايز اعرف هل ويندوز xp‏ لا يدعم تعدد الانويه؟ علما بأن معالجي phenom II X4‎ ‎965.
و هل اذا ثبت نسخه 7 عالجهاز 32 بت لن تأثر علي اداءه ام يجب تثبيت نسخه 64 او 86 بت؟ علما بأن الرامات 2جيجا باص 1600.
شكرا لكم.

[AboElsaud]

نظام ليس له أي علاقة باداء المعالج....يعني الـ4 أنويات هيشتغلوا
نسخة Windows 7 32-bit هيشتغل عليه طبيعي و الرامات هتشتغل
أما لو الرامات أكثر من 4 جيجا ففي الحالة دي بس بتبقي محتاج نظام تشغيل 64-Bit
أرجو اني أكون أفدتك

[pele1970]

مشكور والله افدتنا كلنا

[Haythamovic]

ومفيش ويندوز 86 بت لانها x86=32

[kareem_ismail]

احب اضيف على كلام اخوانى الاتى

شوف اخى الكريم بالنسبه لموضوع اكس بى انت عارف طبعا ان دلوقتى المعالجات (البرسيسور) اصبحت فيها كانه معالجين داخل معالج وده حقيقى مش وهمى يعنى انت تمتلك الان اربع معالجات كويس

على عكس الاول المعالجات زى Pentium 2 او Pentium 4 او Celeron من انتل او Sempron وغيره من AMD ديه كلها معالجات احاديه النواه يعنى معالج واحد بس

اما المعالجات الجديده واللى من ضمنهم بتاعك ده زى Dual core او core2duo او core i3 وغيره من انتل

و معالجات PhenomII X2 و Athlon ii x3 وغيرهم كتير من AMD

دول اسمهم معالجات متعدده الانويه زى مقولتلك اشبه بكانك معاك معالجين فى معالج واحد وطبعا ده احسن وافضل وكده ومكن تعرف اليات العمل بتاع من المنتدى او تبحث فى الويكبيديا مش ده موضوعنا بس حاجه بسيطه فى طريقه عملهم انهم بيوزعوا العمل مبينهم ازاى

مثلا مثال على معالجك phenom II X4‎ ‎965 ده اربع انويه يعنى اربع معالجات فحاجه ولنفترض ويندوز 7 او برنامج تقيل ولا حاجه بيشتغل ازاى بانه بيوزع الشغل بين الانويه ديه فطبعا لو معالجك فى تعدد انويه والانويه بتاعته كتير زى عندك اربع انويه حيبقى الشغل اسرع بكتير

على عكس زمان ايام البينتوم 4 و Pentium 3 وما يعادله من AMD دول كانوا معالجات احاديه النواه يعنى معالج واحد بس فطبعا شغله ابطأ من الحديث دلوقتى

ايه لازمه الرغى الكتير بتاعى ده بقه لان الخلاصه عاوز اقولك ان طبعا كذا معالج بيشغل احتياجتك اسرع بس شرط ان يكون اللى حتشغله سواء نظام تشغيل اكس بى ولا سيفن او اى حاجه او حتى برامج والعاب تكون بتدعم ده تدعم يعنى انها تشتغل على انويه متعدده زى معالجك

والا لو مبتدعمش ده يبقى مش حيفرق معاه المعالج بتاعك ده اذا كان كذا معالج فى بعض او حتى واحد بس من الحاجات القديمه الكلام ده بقه بيطبقه اكس بى وسفن تجد ان السفن افضل من الاكس بى للاجهزه الحديثه

رغم ان السفن المفترض بياخد مكونات اكتر بسبب الشفافيه وطريقه فتح القوائم وكل ده على عكس الاكس بى مفيهاش كميه المؤثرات ديه لكن مع ذلك اكس بى اتقل من السفن فى الاجهزه الحديثه ليه لانه مبيدعمش المعالجات المتعدده الانويه

يعنى من الاخر المعالج بتاعك ده رباعى لكن لو نزلت الاكس بى حيشوف للاسف كانه معالج احادى النواه فالافضل ومش حتستفيد نهائى من قوته طبعا تسطب السفن عشان تستغل قوه المعالج الاكس بى مش حتستخدم قوه معالجاك ابدا فيه

ده بالنسبه لنقطه تعدد الانويه والفروق مبين اكس بى و 7

نقطه 32 بت (x86) و 64 بت (x64) ديه بمنتهى البساطه ان اى نظام تشغيل اكس بى او سفن او حتى لينيكس وغيرهم والبرامج فيه نوعين نوع الاول 32 بت والنوع الثانى 64 بت لو البرنامج صمم لكده الفرق فى ايه فى دعم الكبير للرمات اكتر شئ

بمعنى مثلا انت نزلت ويندوز سفن 32 بت يقدر يقرا رامات عندك لحد اعتقد 4 جيجا بس لو انت بقه زودت انشله ل 500 جيجا رامات مش حيقرى غير زى مقولتلك 4 جيجا

اما نظام 64 بت فبيقرى من بدايه 4 جيجا الى اعلى معرفش اد ايه بقه بصراحه لذلك لو راماتك اكتر من 4 جيجا او حتى من بدايه 4 جيجا يفضل تنزل سفن او حتى اكس بى لو مصمم عليه بس نسخه 64 بت

الفرق كمان ان عيب نظام 64 بت ان لسه فيه حاجات كتيره جدا مش شغاله عليه وطبعا لان لسه مفيش دعم ليهم لان مش كل محدثه الرام اوى كده لكن قدام حيتم الاعتماد عليها وينتهى عصر 32 بت وانا سمعت كمان انهم حيخلوا فى ويندوز 8 حيدعم حتى نظام 128 بت مش عارف بقه الكلام ده صح ولا اشاعات

اتمنى تكون فهمت واسف جدا على الاطاله الكبيره ديه

[Eltier_el_shady]

شكرا لكم اخوتي
اذن النتيجه :
1‏ - ويندوز xp‏ لا يدعم تعدد الانويه والافضل استخدام 7 في حاله استخدام معالج متعدد الكور.
2‏ ‏- ويندوز 32 لا يفضل عن 64 الا في حالة استخدام رامات اكثر من 4جيجا .
‏ مظبوط؟

[CR@N$H]

شكرا لكم اخوتي
اذن النتيجه :
1‏ - ويندوز xp‏ لا يدعم تعدد الانويه والافضل استخدام 7 في حاله استخدام معالج متعدد الكور.
2‏ ‏- ويندوز 32 لا يفضل عن 64 الا في حالة استخدام رامات اكثر من 4جيجا .
‏ مظبوط؟

الًْWindows Xp Professional يدعم تعدد الأنوية و تعدد المعالجات أيضا

[kareem_ismail]

كلامك استاذنا الكريم CR@N$H صحيح الاكس بى بروفيشنال يدعم ويقرا المعالجات المتعدده الانويه بل وقرات ايضا ان الهوم يدعمه ايضا انظر لهذا الموضوع https://www.nvnews.net/vbulletin/showthread.php?t=63251

ولكنه سيكون ثقيل ولن يتم الاستفاده القصوى به وهذا لا احد ينكره خصوصا اذا كان هاردك من النوع الجرين فالهارد الجريم مخصص فقط للتخزين ولكن اذا اردت الاعتماد عليه كهارد اساسى فلابد ان يكون تحت بيئه تشغيل ويندوز 7 والا سيكون بطئ جدا وكثير ما قرات هنا فى المنتدى حتى ان الاكس بى لا يتعرف عليه

فالافضل كما قلت لك بالنسبه لمعالجك السفن

[CR@N$H]

ولكنه سيكون ثقيل ولن يتم الاستفاده القصوى به وهذا لا احد ينكره خصوصا اذا كان هاردك من النوع الجرين فالهارد الجريم مخصص فقط للتخزين ولكن اذا اردت الاعتماد عليه كهارد اساسى فلابد ان يكون تحت بيئه تشغيل ويندوز 7 والا سيكون بطئ جدا وكثير ما قرات هنا فى المنتدى حتى ان الاكس بى لا يتعرف عليه

فالافضل كما قلت لك بالنسبه لمعالجك السفن

ما علاقة القرص الصلب بالموضوع
أنت تتحدث عن امر اخر تماما وهذه المشكلة التي تتحدث عنها محصورة في أقراص 1TB فقط
لا يوجد أي ثقل في نظام الWindows Xp مع قرص Green و معالج متعدد الأنوية "بقيت على هذا الوضع لمدة سنيتن "

[kareem_ismail]

بالنسبه لموضوع الاقراص الصلبه صدقنى استاذى الفاضل وانت طبعا اعلم منى ليست مشكله الاقراص بمساحه 1 تيرا فقط انا اعرف شخص عنده 640 جيجا بايت ومع ذلك السفن افضل عنده بكثير الاكس بى اعتقد لم يتعرف عليه بالاساس

لذلك الجرين سئ فى كل الاحوال خصوصا عند الاعتماد عليه كاساسى ولكن يفضل مع السفن فى اغلب الاحوال وللتخزين يكون افضل كمان ونقطه الهارد هذه بعيده عن الموضوع اعتذر عن ذلك


لكن بالنسبه لتعدد الانويه فى سفن والاكس بى فكما ذكرت ان السفن افضل فى التعامل مع تعدد الانويه خصوصا فى حاله صاحب الموضوع معالحه ليس ثنائى بل رباعى

لذلك السفن سيكون افضل له كما ان السفن اخف من الاكس بى فى حاله ان الجهاز عالى سيكون 7 اقوى واخف من الاكس بى اما ف حاله الجهاز متوسط او ضعيف فطبعا الاكس بى افضل

وانا لا اعرف لماذا يصر على الاكس بى رغم ان السفن يتفوق عليه بمراحل كثيره وفوق ذلك حتى وان احتاج للاكس بى فعنده windows xp mode داخل نظام سفن سيجلعه يعمل على الاكس بى من داخل السفن

فلماذا يظل مع ويندوز قديم مثل الاكس بى هذا ما اقصده

[CR@N$H]

أنا معك أن الإنتقال إلى ال Windows 7 امر مفيد ولكن لا يوجد أية مشاكل مع الXp حتى مع المعالجات السداسية
لعل صاحب الموضوع يتعامل مع برامج أصلية فقط
فما هو السبب الذي سيدفعه لشراء نسخة من ال7 من أجل الألعاب ؟ لا يوجد

[kareem_ismail]

هو فيه حد اصلا بيشترى برامج اصليه فى الوطن العربى

ربنا يباركلنا فى الهكرز واصحاب الكراكات والا كان زمانا كلنا على اللينيكس بندور على برامج بديله مجانيه عليه

بس من الممكن طبعا الله اعلم

[afathypc]

"بمعنى مثلا انت نزلت ويندوز سفن 32 بت يقدر يقرا رامات عندك لحد اعتقد 4 جيجا بس لو انت بقه زودت انشله ل 500 جيجا رامات مش حيقرى غير زى مقولتلك 4 جيجا

اما نظام 64 بت فبيقرى من بدايه 4 جيجا الى اعلى معرفش اد ايه بقه بصراحه لذلك لو راماتك اكتر من 4 جيجا او حتى من بدايه 4 جيجا يفضل تنزل سفن او حتى اكس بى لو مصمم عليه بس نسخه 64 بت"


32 بت آخره 3 جيجا فقط

[kareem_ismail]

لا اخى الكريم 4 جيجا انظر بنفسك على هذا الجدول https://img689.imageshack.us/img689/5029/321321copy.png

تجد ان ال 32 بت يقرا حتى نهايه 4 جيجا من الرام

[yassermsire]

"بمعنى مثلا انت نزلت ويندوز سفن 32 بت يقدر يقرا رامات عندك لحد اعتقد 4 جيجا بس لو انت بقه زودت انشله ل 500 جيجا رامات مش حيقرى غير زى مقولتلك 4 جيجا

اما نظام 64 بت فبيقرى من بدايه 4 جيجا الى اعلى معرفش اد ايه بقه بصراحه لذلك لو راماتك اكتر من 4 جيجا او حتى من بدايه 4 جيجا يفضل تنزل سفن او حتى اكس بى لو مصمم عليه بس نسخه 64 بت"


32 بت آخره 3 جيجا فقط

نسخة Win7 32Bit تقرا حتي 4Gb لكن لا تستفيد اكثر من 3.5GB

بنسبة لنسخة Win7 64Bit تقرأ حتي 192GB من الرامات