عندي ماذربورد فاضلها اقل من سنة على الضمان
المشكلة ان الماذربورد مش موصلة جهد كويس للمعالج فمش بيعيدي تردد 800 ميجا هرتز
رحت وديته للراجل الي اشتريت منه الكمبيوتر يشوف ايه المشكلة
قالي الوندوز قاري سرعته الاصلية 3.1 ghz
قولتله الوندوز بيتكتب كده وخلاص المهم برنامج cpuz بيدي 800 ميجا بس واختبار الوندوز بيدي للبروسيسور 2 الي كان في الاول بيديله 6.5
قالي مالكش دعوة بالبرامج
هوا واضح انه مهندس مش شاطر
المهم دلوقتي
انا عاوز اودي الماذربورد للضمان علطول
عشن اكيد هناك ناس بيفهموا وهيعرفوا ان البوردة مش مظبوطة ويصلحوها او يبدلوها
البوردة هي جيجابايت
انا دلوقتي في الاسماعيلية
لازم اسافر القاهرة
ولا جيجابايت ليها فروع في المحافظات
ولو هبعتها مع واحد مسافر اقوله يقول للناس الي في الشركة ايه سبب المشكلة
اصل خايف يجوا يشغلوا الكمبيوتر يلاقوه عمل بوووت اب عادي فيفتكروا ان البوردة سليمة
انا عايزهم يعرفوا مشكلة ان المعالج بيقرا 800 ميجا بس
ارجوكوا ساعدوني
انا بقالي اسبوع شغال بسرعة 800 ميجا
ده مش يبقى حرام ؟؟؟
رد مع اقتباس
المفضلات