استفسار بخصوص اللوحات الداعمة لـ PCI Express 3.0

**Biko357** · 12-09-2011, 22:35

السلام عليكم

انا كنت ناوي اجمع جهاز بعد شهر او شهرين من دلوقتي ، بس شكلي هأجل لغاية ما ينزل الجيل الجديد من AMD و Nvidia
لان ساعتها هتبقى كل بطاقات الجيل الجديد داعمة للـ PCI Express 3.0 ، و اللي المفروض هيستمر فترة من الزمن ، و انا متابع اخبار جيل HD 7××× و لو الشائعات صحت هيبقى فيه نقله كبيرة جدا في عالم الرسوميات!
فياريت لو فيه قايمة باللوحات الحالية الداعمة للـ PCI Express 3.0 و اسعارها
و هل فيه بوردات sandy bridge داعمة له في حدود 900 جنيه ...

انا عارف ان السؤال ممكن يكون غبي و مش وقته او مش عارف هو غبي ولا لأ ...
بس المهم اني محتاج اجابته :D

في رعاية الله ....

تحياتي

**yassermsire** · 12-09-2011, 23:08

الافضل انتظار معالجات IVY Bridge هي سوف تدعم PCIe3.0 كاملة

ولا يوجد غير للوحات Asrock Gen3.0 سوف تنزل مصر قريبا هذا طبعا بخصوص للوحات الساندي بريدج

لكن السعر اقل للوحة ساندي برديج داعمة لل PCie3.0 سعرها سوف يكون 1300 جينه

**Biko357** · 12-09-2011, 23:28

متفق معاك تماما في نقطة انتظار معالجات IVY Bridge ، لكن ساعتها برضه هيكون نزل الجيل الجديد من بطاقات AMD :D

انا كنت بفكر في شراء لوحة من شريحة P67 اذا كانت ستدعم الـ IVY Bridge ، لكن بالطبع مش هتبقى داعمة للـ PCIe3.0
فالاصح ما ذكرت انت اخ ياسر ... الافضل الانتظار حتى صدور اللوحات الداعمة للاثنين معاً ، لاني اظن ان في اواخر 2011/اوائل 2012 هتحصل نقلة كبيرة جدا ، و لازم تبقى في لوحة جاهزة للكلام ده

شكرا لردك اخي ياسر

**yassermsire** · 12-09-2011, 23:37

فعلا اخي من الافضل الانتظار كما ان شركة ECS قالت ان لا يوجد لوحة ام حتي الان تدعم PCIe3.0 و كل الشركات التي تدعي انها تدعم PCIe3.0 كاذبة

https://arabhardware.net/forum/showt...=242537&page=2

و انتل تقول لا يوجد توافق بين معالجات IVY Bridge و البيوس الجديد هذا بخصوص للوحات التي تحمل شريحة P67 و Z68

بمعني ان للوحات الحالية التي تدعم الساندي بريدج بشريحة P67 و Z68 و تدعم البيوس الجديد قد لا تتوافق مع معالجات انتل القادمة IVY Bridge

**Biko357** · 12-09-2011, 23:49

فعلا من الغريب ان الواحد يشتري بوردة غير داعمة للـ PCIe3.0 او الـ Ivy bridge _ متوقع بشكل كبير ان انتل تعملها و تغير السوكت :mad: _ قبلها بكام شهر ، و بعد كدا يضطر يغيرها!!!
انا ما يهمنيش الـ Ivy bridge بشكل كبير لكن الاهم هو PCIe3.0 ، لان كل الاجيال الجديدة من البطاقات الرسومية 99% هتكون داعمة له ، و البوردة و بعدها المعالج رأيي لازم يفضلوا فترة على الاقل سنتين بدون تحديث لكن يمكن تحديث البطاقات او الرامات او اي قطع اخرى خلال هذه الفترة ....