أبدأ ازاى فى ميكروسوفت

[Dr. Hacker]

السلام عليكم ورحمة الله وبركاتة

انا لسة مخلص دراسة هندسة الاتصالات :ah4:
ومشمعايا اى كورس بخصوص الشبكات غير كورس نتورك بلس
كنت اولا محتار ادخل سيسكو ولا ميكروسوفت بس اكتشفت انى ممكن امشى فى الاتجاهين ومفيش مشاكل
لأن سيسكو هاردوير وميكروسوفت سوفت وير
طيب أبدأ من انى شهادة فى ميكروسوفت عشان انا شوفت موضوع مثبت فية فيديوهات كتير https://arabhardware.net/forum/showthread.php?t=179843

بصراحة مش عارف اى كورس ينفعنى واية مجال الوظائف اللى هتوفرهولى الكورسات دى

وجزاكم الله خيرا ....

[afathypc]

اخي الكريم يمكنك ان تبدأ بكورسات ccna لسيسكو , و mcsa لمايكروسوفت

وستجد الكثير منها في المنتدى

[Dr. Hacker]

يعنى حضرتك تقصد أبدأ الأول سيسكو CCNA وبعد كدة ابدأ MCSA
ولا مش هتفرق الترتيب ما بينهم
ولا تقصد ابدأ الاتنين على التوازى مع بعض

وجزاك الله خيرا ....

[afathypc]

اخيالكريم


فاقترح عليك ان تبدأ ب ccna اولا لان بها بعض الاساسيات عن الشبكات

ثم تبدأ mcsa

بعد ذلك ستحدد طريقك بنفسك

[Dr. Hacker]

هو كورس MCSA دة سوفت وير ولا هاردوير ؟؟

وإية الوظائف اللى هتكون متاحة عندى لو خدت كورس ال CCNA فقط / أو كورس MCSA فقط / أو الاتنين معا

وجزاك الله خيرا ....

[BLALBMW721]

Microsoft Certified System Administrator (MCSA)0
كدة وضحت الصورةبالنسبه للوظائف تبدأ معاك من IT وعشان تبقى وظائف متاحه اكتر لازم
حاجتين الاولى : خبرة كتير عن طريق تحصيل اكبر قدر من الكورسات والتعليم
الثانيه : الشهادات وما اقصدش بالشهادات ان الواحد ياخد شهادات ع الفاضى وهو مش عارف فيها حاجة عشان كدة قلت الخبرة الاول
وبالتوفيق ان شاء الله

[Dr. Hacker]

طيب لو هبدأ بتراكات ميكروسوفت اية الترتيب بتاعتهم
وبيتكلمو عن اية اصلا يعنى لو اعرف ولو نبذة صغيرة عن الحاجات دى أو لو فى لينك بيعرفنى نبذة عن كل تراك

وجزاك الله خيرا ....

[BLALBMW721]

شوف المشاركه دة

اللينك

[kingo_2003]

بص حضرتك طالما ان حضرتك عارف ان ميكروسوفت سوفت وير وسيسكو هارد وير
فمعتقدش انك تبتدى بأنهى هتفرق الا لو محدد انت عايز تشتغل ايه
يعنى مثلا شركات زى ال isp انا اعرف انهم بيبقوا طالبين سيسكو اكتر وخصوصا مجال ال voice وشغلك هيبقى منصب فى على حسب التخصص اللى هتاخد switching, routing, voice
وغيرهم
اما ميكروسوفت فالأغلب ان حضرتك هتشتغل فى شركه ومسئول عن اجهزتها ومستخدمينها وسيرفراتها
ال concept فى الأتنين كا infrastructure واحد
ولكن هيزيد فى ميكروسوفت احترافك لأستخدام مميزات الويندوز والتعامل مع السيرفر كنظام كنترول للشركه
فلو حضرتك دورت شويه هتعرف الفرق ولما تحدد عايز تشتغل ايه هتعرف تبتدى بإيه وهو عامه انك تبقى جامع الأتنين ده أفضل
ولكن ابتدى باللى عايز تشتغله الأول وبالمناسبه متاخدش ال MCSA ياريت تبقى تاخد MCSE عشان تعرف جزء ال infrastructure اللى هيبقى متشابه بشكل كبير بينه وبين سيسكو
وبالتوفيق ان شاء الله

[Dr. Hacker]

شكرا جدا لردك وانا استفدت جامد والله فعلا من كلامك
بس عايز اعرف يعنى اية شركات ال isp وزى اية الشركات دى الموجودة فى مصر؟؟
وعايز اعرف الفرق الوحيد بين mcse & mcsa هو الأنفراستركشر ولا فى حاجات تانية وانى الأحدث وهل لازم أبدأ بالأقدم
وسؤال كدة ع الماشى :: اية الوظائف عموما اللى هتوفرهالى سيسكو بالنسبة لكورس CCNA وبالنسبة لميكروسوفت MCSE
عشان بردو ابقا عارف الدنيا فيها اية لما أخلص الكورس وأكيد هدور على حاجة تكون ماشية فى البلد عشان انا مختلف شوية مع الناس اللى بتدور على حاجة بتحبها .. هو طبعا صح بس يا فرحتى لما ادرس حاجة بحبها وأقعد جمبها فى البيت :ah8:

وجزاك الله خيرا ....

[kingo_2003]

بالنسبه لسؤالك الأول isp اختصار ل internet service provider يعنى زى لينك وتى اى داتا كده
تانى سؤال الفرق ما بينهم فعلا هو بيتمثل فى planning infrastructure + كان بيزيد امتحان designing بس الأساس هو ال planning
ومفيش حد فيهم الأحدث لأن الأتنين ويندوز سيرفر 2003 ولكن ال MCSA اقل من ال MCSE لأنها Administration فقط بدون planning الل هى MCSE اختصار ل System Engineer
وحاليا فى كورس MCITP وده الأحدث اللى على ويندوز سيرفر 2008 وموجود هنا فى المنتدى وتقدر تذاكره مع المهندس محمود سرحان
----------------
بالنسبة لوظائف ميكروسوفت فال MCSE زى ما قولتلك فى الرد اللى فات ان ميكروسوفت فالأغلب ان حضرتك هتشتغل فى شركه ومسئول عن اجهزتها ومستخدمينها وسيرفراتها
وده طبعا متوقف على موقعك فى الشركه ومسئوليتك منصبّه على ايه من دول لحد ما ربنا يكرمك وتبقى Enterprise Administrator وتبقى مسئول عن منظمه بحالها وده هتتعرف عليه بالتدريج جوه الكورس وده عامه مفيش شركه تخلو منه

بالنسبة لوظائف CCNA فانا مش هقدر اقول فى حاجه انا معرفهاش ولكن الدراسه للكورس ده بتأهلك بإداره الراوترات الخاصه بسيسكو ومعرفه البروتوكولات الخاصه بيها واداره الشبكات من خلال البروتوكولات دى وده من اللى شفته انه بيبقى شركات معينه مختصه بالشغل ده لأن أغلب الشركات لما بتعوز توصل فرعين ببعض مثلا فى محافظتين مختلفين بيطلبوا من شركه متخصصه انها تضبط إعدادات خاصه لرواتر معين وهما بياخدوه جاهز فى الحاله دى حضرتك بتبقى من المسئولين عن تجهيز الراوتر ده للشركه الطالبه للراوتر

وده زى ما قولتلك وجهه نظرى وارجو انك تستفسر فى موضوع سيسكو بشكل اوسع فى القسم الخاص بيه ممكن يفيدوك اكتر منى
وبالنسبة لموضوع بتحبها او ماشيه فى البلد فهو من الخطأ انى امشى ورا حاجه مش بحبها لأنى عمرى ما هقدر اتمكن فيها ولا يصح ابدا انى ورا الحاجه لمجرد انى بحبها بدون تشغيل للعقل برده بأنها هتعود عليا بالنفع ولا لأ
التوازن ما بينهم مطلوب
وربنا يوفقك ان شاء الله

[Dr. Hacker]

طيب على كدة لو هبدأ فى ميكروسوفت أخد mcitp ولا لازم امشى من الأول ؟؟ ولا مش هتفرق ؟
وياريت لو اعرف اسعار ال 3 شهادات اللى تم ذكرهم من ميكروسوفت
وهل لازم يبقا معايا الشهادة زى مجال سيسكو ولا مش شرط
ولو زاكرتها سلف استدى من الفيديوهات اللى موجودة هبقا تمام ولا هتبقا ناقصة بردو ؟؟

وجزاك الله خيرا ....

[kingo_2003]

بص بالنسبه للمذاكره فالأساسيات بين MCSE وال MCITP واحد ولكن هيزيد فى ال MCITP بعض الخصائص الجديده
اغلب الشركات ما زالت بتتعامل بويندوز سيرفر 2003 وبتجدد ل 2008 فى سيرفر معين وبالأخص اللى بيبقى عليه sql
فنصيحه منى وهى وجهه نظرى انك تقدر تذاكر لوحدك من فيديوهات المهندس احمد سرحان لكورس MCSE
وتفهمه كويس
وبعدها تمسك ال MCITP بتاعه المهندس محمود سرحان وهتلاقى نفسك بتعدى حاجات كتير لأن هى هى اللى ذاكرته قبل كده ولكن الفكره انك هتتعلم على الوضع الجديد وده نتيجه لأختلاف الويندوز + انك هتتعرف على الخصائص الجديده وبكده تبقى انت قدرت تلم اكتر كم ممكن
بالنسبه للأمتحانات فطبعا تمتحن MCITP لأنهم يدوبك 5 امتحانات
بعكس لو امتحنت MCSE هيبقوا 7 امتحانات + هتضطر غصب عنك انك تعمل upgrade لشهاده ال MCITP ب امتحانين تانيين يعنى هيبقى زياده 4 امتحانات
طبعا مالوش لازمه كل ده
فالأحسن تمتحن MCITP على طول ولكن كمذاكره تذاكر MCSE وبعدها تذاكر ال MCITP وفى هنا كورس للمهندس صقر شارح فيه الخصائص الجديده بس وده برده مفيد جدا
بالنسبة للأسعار فانا معرفش اسعار كام ده تسأل فيها المركز اللى هتاخد معاه وده بيبقى سعر غير الأمتحان لأن كل امتحان ب 50 دولار
والمفترض ان الفتره الجايه فى خلال شهرين او اكتر الأسعار هتزيد زى ما حصل فى دول كتير
والفيديوهات الخاصه بالمهندس احمد ومحمود سرحان كافيه بأنها تفهمك كل حاجه وكأنك قاعد فى مركز فعلا وهتبقى تمام بس تفهم ولو فى سؤال وقف قدامك تقدر تطرحه هنا والكل بيساعد
موضوع الشهاده يبقى معاك او لأ دى وجهات نظر هيختلف عليها كتير ولكن بالنسبه للشغل مش عارف والله لأنك لو قولت انك واخد كورس كذا هيجى واحد ويسألك
ولو سألك وجاوبت كويس واثبت انك فاهم معتقدش ان هتفرق معاه معاك شهاده ولا لأ
بس بأمانه
الأمتحانات هتعلمك حاجات كتييييييييره جدا غير اللى هتتعلمها فى الكورس وصدقنى هتستفيد

[Dr. Hacker]

أعتقد انك ممكن تشرح كورسات لأن طريقتك هايلة جدا ومبسطة لأبعد حل
فكر فعلا فى الموضوع دة لأن كلامك سهل ومبسط ومش شرط تكنيكال .. الكلام العام بردو بيدى انطباع جيد
فعلا انا أستفد كتييييييييير من كلامك
ووالله فعلا انت حببتنى فى الكورسات دى وخلتنى مشاق ليها انى انزلها بأسرع وقت وأبدأ فيها
جزاك الله كل خير وزادك علم وتقوى

[kingo_2003]

جزاك الله خير على كلامك

وربنا يكرمنا جميعاً ويوفقنا ان شاء الله