مشكلة في deadspace1

[TEToking1680]

السلام عليكم
أنا نزلت برنامج game booster 3من علي منتدانا الغالي المهم كنت منزل 7 64 بت جديد ورحت داخل علي اللعبة اللي هي طبعا الفضاء الميت المهم البرنامج روعة وبيسرع فعلا أداء الألعاب عامة بصورة وعدد إطارات ملحوظ المشكلة إني لما شغلت اللعبة راح الجهاز مهنج كده ثانيتين تهنيجة غريبة والمصيبة إنها كانت علي لحظة خيار إختيار اللغة اللي بتكون في أولها ورحت وأثناء التهنيج لقيت الفأرة جات علي الروسي وراحت مختاره وبيس يا مان مقولكش والحياة من ساعتها بقت روسي في روسي المشكلة إني ما بعرفش روسي لأن ثقافتي زي ما أنتوا عارفين ألماني:D واللعبة في معظم مراحلها بتحتاج إنك تفهم المطلوب منها في صفحة المهمات فإيه الحل دلوقتي مع العلم إن اللعبة لاتدعم تغيير اللغة من داخلها نهائي ومش معقول طبعا إني أحملها من الأول :eek: وبعدين أنا لسه عامل الويدوز ما فرحتش بيه
ولسه مكمل تظبيط برامج وأبديت والذي منه
أرجوكم الرحمة ...... الغوث .....
أو ممكن نخليها اللحمة ...... الموز .....:D

[kikokika2010]

صباح الألش اللى على الصبح دة :D:D

دى المشكة طلعت عالمية عند ناس كتيير جدا
عامة الحل أهو



ألعب براحتك بقى :D

[TEToking1680]

يا باشا ألف مشكووووووووور علي الحل الرائع اللي أنا مش شايف منه حاجة ده هو فعلا حل رائع الحل الخفي كل اللي عليك تعمله إنك ماتعملش ولا حاجة وبرده ما هيحصلش حاجة
فعلا حل منطقي وتفكير صائب سليييييم :D:D

[kikokika2010]

بصراحة لازم أقولك xD
على الرغم من أنها طلعت حلوة لكن أنا مكنش قصدى أقلش عليك :D
أنا حطيتلك فيديو من اليوتيوب لكن يبدو أنك بتستخدم متصفح (:D) قديم

أهو (كلاكيت تانى مرة)
https://www.youtube.com/watch?v=iB-YFjYcKWA


فى النهاية أقدر أقولك يا ظالمنى (جا لمنى / جتا لمنى لو كنت فاكر حساب مسدسات) :D:D عشان أنا من الأقول ماردتش أقولك الحل اللى لاقيته فى الأول >>> أتعلم روسى :D
المنظر كان المفروض يبقى كدة



نشوفك فى حاجة تانية إن شاء الله و أتشرفت بمعرفتك :D

[TEToking1680]

يا غالي ألف ألف مشكوووووووووووووووووووووووووووووووووووور
أنا مش عارف أشكر حضرتك إزاي
لو فاضي ننزل النهاردة بالليل نتمشي وهأعزمك علي دروبس نعناع بطعم النعناع :D

هو أنا فعلا وبصفتي خبير قدير في الكمبيوتر دخلت علي كل حاجة إسمها ملف تكست جو اللعبة نفسها ونخفست شوية في الرجستري طبعا ده قبل ما أشوف ردك وطبعا كانت النتيجة مذهلة إنه ما بقاش يكتب أي لغة أصلا والله :ah26:
حاجة كده تحسسك بالمحاسيس والشمعار :p
بس فعلا الطريقة بتاعت حضرتك نفعت
ومشكوووووووووووووووور للمرة الثانية علي التوازي

[kikokika2010]

يا غالي ألف ألف مشكوووووووووووووووووووووووووووووووووووور
أنا مش عارف أشكر حضرتك إزاي
لو فاضي ننزل النهاردة بالليل نتمشي وهأعزمك علي دروبس نعناع بطعم النعناع :D

هو أنا فعلا وبصفتي خبير قدير في الكمبيوتر دخلت علي كل حاجة إسمها ملف تكست جو اللعبة نفسها ونخفست شوية في الرجستري طبعا ده قبل ما أشوف ردك وطبعا كانت النتيجة مذهلة إنه ما بقاش يكتب أي لغة أصلا والله :ah26:
حاجة كده تحسسك بالمحاسيس والشمعار :p
بس فعلا الطريقة بتاعت حضرتك نفعت
ومشكوووووووووووووووور للمرة الثانية علي التوازي

أقدر أقولك أن دى من المرات القليلة جدا اللى أقرا حاجة على النت وتضحكنى جدا بجد

You Have a Good Sense of Humor

والدروبس وصل :D

تعديل: تم التقييم :]

[king_marshal]

انا والحمدلله كنت داخل اشوف المشكله يمكن اساعد والحمدلله انا مش عارف امسك نفسي من الضحك

وادي جزات الي ميشربش سجاير من صغره :D

[TEToking1680]

أقدر أقولك أن دى من المرات القليلة جدا اللى أقرا حاجة على النت وتضحكنى جدا بجد

You Have a Good Sense of Humor

والدروبس وصل :D

تعديل: تم التقييم :]

ألف مشكور يا باشا علي مسعادتك ليا أنا مش هتكلم تاني لحسن أنا حاسك هتموت من الضحك
:rolleyes:
وربنا يديم المعرفة

[TEToking1680]

والله يا باشا أنا متشكر جدا علي رد سعادتك بس فعلا الكروم اللي أنا شغال عليه ماكانش جايب حاجة خالص والله وألف مشكور مرة تانية :ah4:
بس أنا ملاحظ إن اللي بيبرطم في الفيديو إنجليزي بعدين تقريبا أنا مش هافهم منه حاجة لأن ثقافتي ألماني :D
يا غالي أنا اللي إتشرفت بمعرفتك فعلا وأحب أهدي لحضرتك أغنية السكر غلي ونحلي منين ؟؟:p