استفسار بخصوص هارد ويسترون 160G IDE بيفصل باور لوحده !

**DaRe_DeViL** · 16-09-2011, 14:54

السلام عليكم

انا عندى هارد ويسترن 160جيجا القديم اللى كابلاته IDE مش ساتا

المهم الهارد ده انا حاطه مع الهارد الاساسى بتاعى ال1 تيرا الBlue

ال1 تيرا هو الاساسى اللى عليه الويندوز
وال160 هو الSlave

اول لما بفتح الكمبيوتر بسمع صوت الهارد بيقوم عادى جدا وبعدين يفتح الويندوز و بعد حوالى 10 دقايق اسمع صوت الهارد ال160 بيطفى
و اول لما افتح البارتشن بتاع الهاردة ال160 الجهاز يقف لمدة 5 ثوانى و اسمع صوت الهارد ال160 بيقوم تانى و بعدين يدخلنى على البارتشن
زى ما تقولوا بيعمل Sleep مثلا و بمجرد انى استخدمه او اشغل اى حاجة من عليه يقوم يشتغل تانى

انا افتكرته مشكلة فى الباور سبلاى مش قادر يشغل الهاردين مع بعض

روحت اشتريت باور سبلاى (جاما) 650 وات مخصوص ب 380ج ولكن للاسف مازالت المشكلة كما هى

ايه السبب يا جماعة وهل دى مشكلة ولا ده عادى وايه حلها لو انا مش عايزها تحصل ؟

شكراً مقدماً

**tarekforall** · 16-09-2011, 15:11

وعليكم السلام
تأكد من اعدادات الطاقة فويندوز 7 يقوم باغلاق الأقراص الصلبة بعد فترة من الخمول ويمكنك الغاء هذه الخاصية كالتالي:
*ادخل على Start Menu واكتب في مكان البحث "powercfg.cpl" (بدون علامات التنصيص) ثم اضغط ادخال (Enter).
*اضغط على "Change plan settings" للخطة المُفعّلة حالياً.
*اضغط على "Change advanced power settings"
*الان اختار "Hard disk" ثم "Turn off hard disk after" وضع الرقم 0