هل لايفضل تشغيل الالعاب علي اللاب توب مهما كانت مواصفاته

**energy.man** · 18-09-2011, 02:51

هل تشغيل الالعاب بكثره علي اللاب توب مهما كانت مكوناته تقلل من عمره ويفضل لعب الالعاب علي اجهزه ديسك توب
واللاب توب يكون فقط للاغاني والبرامج الجرافيك والفيس بوك والياهو والاعمال المكتبيه فقط وشكرااااااا

**Hossam.Hassan** · 18-09-2011, 03:25

بشكل عام اجهزة الديسك توب افضل من المحمولة فى مسالة الالعاب و الجرافيك لان مكونتها تكون مختلفة عن المحمولة .
و اللعب على الاب توب بشكل افتراضى لا يؤثر على عمر الاب توب و عادى جداً مسالة اللعب علية العائق الى ممكن تواجة مسالة سخونة الاب توب من من كثرة اللعب و يمكن تفاديها عن طريق شراء مبرد قاعدى للاب توب .
الالعاب تستخدم مكونات الجهاز بشكل طبيعى اى انة من المفترض ان مكونات الاب توب من بروسيسور و فيجا و رمات و هارد مؤهلين لعمل هذا النوع من الاستخدام .
و ايضاً لماذا نرى اجهزة محمولة بمواصفات عالية جداً على ان تكون للاعمال المكتبية او تصفح الانترنت او استخدام عادى مثل سلسة Alienware من ديل المخصصة للالعاب

يمكنك معرفة المزيد عن هذة السلسة من هذا الرابط مع العلم ان اسعارها عالية جداً تصل الى 15.000 جنية :eek:

**energy.man** · 18-09-2011, 04:36

15.000 جنيه يااااااااااااااااانهار انا احط عليهم 10.000جنيه كمان واجيب عربيه ههههههههههههههههههه
المهم انا اساسا اللاب للالعاب بس بسيط الشغل الاساسي للاب توب ان شاء الله عشان برامج الجرافيك وعشان الاعمال المكتبيه مثل فيس بوك وسماع اغاني ومشاهده افلام وصور الخ

**Hossam.Hassan** · 18-09-2011, 04:59

الجهاز الى رشحتهولك هيبقى تمام جداً مع كل الاعمال المكتبية بس ممكن توضح اية هى برامج الجرافيك ؟

**energy.man** · 18-09-2011, 05:01

برامج الجرافيك هي
Cinema 4D
After Effects
Zubrsh
ولعلمك والله انا هاجيب الجهاز اللي انت رشحتهولي عشان انت انسان بجد محترم اوي وفعلا ترشيحك ليا للهذا الجهاز ان شاء الله هو ده اللي هاجيبه كتبت مكوناته في ورقه

**energy.man** · 18-09-2011, 05:04

البرامج هي
Cinema 4D
After Effects
Zubrsh
وباذن الله انا مقتنع بالجهاز اللي رشحتهولي وبجد انت انسان محترم جداااااااا وصدرك رحب فعلا

**Hossam.Hassan** · 18-09-2011, 06:39

شكراً جداً يا رجل الطاقة :D
بعد البحث و التدقيق اكتشفت حاجة مهمة ان كارت الفيجا فى الجهاز الى رشحتهولك غير كامل المواصفات يعنى مش قادر الاقى التفاصيل الى تخلينى اعرف هو مناسب للبرامج و لا لا فابعت رسالة على موقع الشركة .
المهم بعد البحث تبين الاتى :
برنامج ال Cinema 4D هيعمل بدون مشاكل على الجهاز طبعاً دة كلام الشركة المصنعة للبرنامج و ممكن تتاكد من الرابط دة .
برنامج ال After Effect CS5 هيعمل بدون مشاكل و ممكن تشوف و تتاكد من موقع ادوبى من هنا .
برنامج ال ZBRUSH 4 هيعمل بدون مشاكل و طبعاً شوف و اتاكد من هنا .

و برنامج ال Cinema 4D و After Effect CS5 محتاجين كارت الفيجا يكون داعم لتقنية اسمها OpenGو دة الى مش قادر اعرفة بس انا لاقيت جهاز تانى اسمةHP Pavilion g6-1138ee Notebook PC QC113EA و عند مقارنتة بالديل يتفوق التش بى من حيث مساحة تخزين القرص الصلب 500 جيجا .
المشكة انو اغلى 99 جنية :rolleyes: و يقال ان ال hp بيسخن بسرعة .

تقريباً دول افضل جهازين موجودين بالسعر دة فلو هتجيب الديل فيجب ان نتاكد من دعمة للتقنية القياسية OpenGL و اعتقد تقريباً انو داعمها, حينها سانتظر الرد على الرسالة و انت تسئل فى مكان الشراء على امكانية تشغيل الفيجا لهذة البرامج او اختيار ال hp و دفع 99 جنية زيادة و شراء قاعدة تبريد و بتكون رخيصة فى منها ب 30 جنية ممكن تشوفها من هنا و دة عشان لو وجهتك مشكلة الحرارة و مشكلة الحرارة تعتبر احد المشكلات فى الاجهزة المحمولة بشكل عام .

و بردو متنساش تسئل على انواع اخرة افضل من دول بنفس السعر و انا قريبت حاجة حلوة اوى من احد الاعضاء انك متجبش الاب توب من اول يوم نزول يعنى خلى يومين يوم تنزل تسئل على الاسعار و الانواع و يوم للشراء عشان تكون خلفية قبل ما تشترى و اوعى تستعجل و فكر كويس .

بعلش انا طولت فى كلامى بس فعلاً الى عايز يجيب حاجة كويسة و تلبى احتياجاتة لازم يتعب شوية بس تعب لذيذ

**energy.man** · 18-09-2011, 06:50

اخي طيب هل الديل بيسخن بسرعه زي HP انا برضو اريد جهاز مش بيسخن بسرعه وللاسف انت متخيل ان 99 جنيه دول مش هقدر ادبرهم لان والدي وضع لي ميزانيه 3500 جنيه لاتزيد جنيه:D وهذا للاسف الشديد ياخي هو يوجد في HP ميزه انه 500 ولكن DELL 320 ولكن ايهام افضل في رايك

**energy.man** · 18-09-2011, 06:52

اخي انت فعلا مشكورررررررررر جدا وانا طبعا لما هنزل مش هنزل علي HP هسال لاني ممكن الاقي حاجات تانيه بنفس المكونات زي سوني فايو زي اسوس

**Hossam.Hassan** · 18-09-2011, 14:47

يبقى الديل كويس انشاء الله و شوف بردو و اسئل بس معتقدش هتلاقى سونى فايو بنفس المواصفات و السعر بتاع الديل على كلاً ربنا يوفقك فى اختيار المناسب ليك و اتمنى اكون قدرت اساعد