النتائج 1 إلى 11 من 11

الموضوع: Samsung Galaxy S II

  1. #1
    عضو الصورة الرمزية is master
    تاريخ التسجيل
    Apr 2010
    المشاركات
    942
    الدولة: Egypt
    معدل تقييم المستوى
    8

    Samsung Galaxy S II





    تقرير وتجربتى مع التليفون الذكى الاكثر من رائع Samsung Galaxy S II
    ( اول انطباع عن الاندرويد )








    المواصفات الفنيه







    الاول هتكلم عن الاندرويد كنظام بعيدا عن الموبيل نفسه

    زى ناس كتير دى اول تجربه ليا مع الاندرويد والتاتش بشكل عام

    تجاربى السابقه كانت مع نوكيا وكانت وقتها موبيلات ممتازه جدا
    لكن ديما كنت بزهق من الموبيل لان مش مفيش جديد ولا تطوير
    غيرت من N70 لـ N73 لـ N86
    استخدامى للموبيل لم يزيد عن التصوير وتشغيل الميوزيك بلير
    اكتر من كده الموبيلات دى لم تقدم اى جديد

    لكن مع الاندرويد كل يوم فى جديد
    نظام بسيط وسهل جدا فى التعامل مع عدد تطبيقات مهوله

    اول شئ لاحظته بعد ما ركبت شريحة الخط ودخلت على الفيس بوك والياهو
    نزل كل الايميلات واكونتات الفيس بوك فى الـ Contacts اتوماتيك
    وطابق ارقام التليفونات الموجوده فى الشريحه باكونتات الاعضاء على الفيس بوك اللى كاتبين رقم تليفونهم ودمج الصور الشخصيه والايميل ورقم التليفون فى كونتاكت واحد

    استغربت جدا لما لقيت صورة واحد موجوده فى الـ Contacts مع انى مش مختار له صوره
    كل ده بدون تدخل

    جمال النظام ايضا فى انه لا يجبرك على استخدام برنامج معين
    مثلا .. لو نزلت ميوزك بلير وحبيت تشغل اغنيه يسألك عن البرنامج اللى تحب تشغل بيه الاغنيه


    ميزه كمان هى تعديل واجهة الجهاز انك تقدر تعلم اختصار للبرامج المهمه فى الواجهه وتحط اضافات زى ساعه والطقس والاخبار او تخلى الفيس بوك و تويتر فى الواجهه ينبهك باى تحديث


    الماركت والبرامج ده موضوع لوحده
    كفايه ان اى برنامج تحتاجه تلاقى بدل البرنامج عشر برامج مختلفه
    والتحميل مباشر من ماركت اندرويد شئ جميل جدا





    نتكلم عن الموبيل
    ( جميع الصور من على النت )


    مشتمـــــــــلات الجـــــهاز


    الموبيل بيجى فى كرتونه صغيره جدا







    بيجى بنفس المشتملات اللى فى الصوره دى تماما بالاضافه طبعا للبطاريه







    التصميم والشاشه








    مشاهدة الموبيل ثلاثى الابعاد :-

    http://www.gsmarena.com/samsung_i910...-spin-3621.php




    مع اول لمسه للجهاز

    هتحس بحجم الموبيل الكبير وسرعة استجابة التاتش

    وهتشوف الوان الشاشه اللى اكيد هتستمتع بيها جدا وتنسى اى موبيل تانى

    لما قارنت الوان الشاشه بالوان نوكيا C6 و 5800 هتشوف فرق رهـــيب بكل معنى الكلمه الوان التليفونات التانيه ميته بعكس الإس 2 الصوره فيه بتنطق

    الشاشه من اجمل واروع مميزات الجلاكسى إس 2
    الرؤيه تحت اشعه الشمس مع جعل برايتنس الشاشه اوتوماتيك
    ( يوجد سينسور يستشعر الضوء وعلى اساسه يحدد برايتنس الشاشه )

    تكون الرؤيه ممتازه جدا وواضحه

    فى الاول هيكون صعب شويه فى الستخدام بسبب الحجم لكن مع الوقت هتتعود عليه
    من فتره طويله كنت بفكر اجيب نوكيا 5800 علشان حجم الشاشه الكبير لكن لما اشتريت الجلاكسى وشوفت بعدها الـ 5800 حسيت انه انكمش وصغر

    الموبيل نحيف جدا بشكل واضح






    الصــــــــــوت





    الموبيل فى سماعه واحده فى الخلف من الاسفل ودى تعتبر عيب لكن من السهل انك تمسك الموبيل وتوجه الصوت للامام بايدك لان مكان السماعه اعلى نسبيا من باقى الجهاز
    الصوت متوسط مش عالى اوى لكنه نقى جدا

    الصوت فى الهاند فرى عالى جدا ونقى افضل من تجاربى السابقه مع نوكيا



    الكـــــــاميـــرا





    جودة الكاميرا فى التصوير الثابت ممتازه
    وفيها خاصية Smile Detection
    وعند تفيعلها وضغط اللتقاط لا يتم التقاط الصوره إلا لما الشخص يبتسم
    ودى ميزه جميله جدا خصوصا فى تصوير الاطفال


    تصوير الفيديو
    بالرغم من انه بيصور Full HD 1080 لكن بعد التجربه فضلت التصوير HD 720 الصوره بتكون انعم ومساحتها معقوله ولم الاحظ فرق فى العرض على شاشه 23 بوصله بين الجودتين لما صورت فى نفس المكان
    يمكن كمان 720 افضل وانعم فى التصوير + لا يمكنك استخدام الزوم عند تصوير Full HD
    لكن ممكن تلاحظ فرق عند العرض على شاشات كبيره

    الفلاش
    الفلاش بالرغم من ان شكله صغير كده لكن قوى جدا
    واقوى من N73 بفرق كبير





    التــــــــاتــش




    طبعا شاشة الموبيل كابستيف زى أغلب الموبيلات الحديثه الآن
    استجابة التاتش ممتازه جدا
    المالتى تاتش ممتاز جدا وحساس

    عيب الكابستيف سكرين ان ما ينفعش تكتب بقلم مع استخدام الموبيل مش محتاج قلم لان الشاشه كبيره بما يكفى




    الـــــــواى فــــــاى



    الموبيل يدعم جميع الـمودات الخاصه بالواى فاى
    من اول المود B حتى المود N
    الفرق بين المودات دى هى سرعة نقل البيانات بين الروتر او الاكسس بوينت والموبيل

    سرعة التصفح والداونلود من الواى فاى سريعه جدا







    البطــــــــــاريـــه




    المستهلك الاكبر للبطاريه هى الشاشه



    دائما بتكون هى رقم 1 فى استهلاك البطاريه لكن تستاهل بصراحه


    لو بستخدم الموبيل بشكل جامد واى فاى وجيمز ومكالمات وكاميرا غالبا بشحنه مرتين فى اليوم
    مره وقت النوم يستمر بعدها 7 ساعات مثلا واعيد شحنه ساعه او اتنين ( لا يصل الى 100 % ) يستمر لاخر اليوم
    وشايف انه وقت قياسى جدا بالنسبه للاستخدام القاسى

    لكن فى حالة الاستخدام المعقول هتشحنه مره واحده فى اليوم ويكون كافى جدا
    وده اللى ماشى عليه الآن بعد ما جربت الموبيل كويس

    البطاريه لا تقلق منها ابدا لان حتى لو فيها 10 % بدون استخدام تستمر وقت طويل جدا فصعب يفصل منك شحن فجأه إلا لو انت مصمم انك تفصله وشغال عليه

    اعتقد لو سيبت الموبيل فى وضع ستاند باى يشتغل 4 ايام مثلا وممكن اكتر ( راى شخصى )
    وكل واحد على حسب استخدامه خصوصا الواى فاى بيتسهلك جزء كبير من البطاريه عكس الميوزيك بلير استهلاكه قليل لان البروسيسور والرام والشاشه بيكونوا فى اقل استهلاك لهم

    بصراحه اداء البطاريه ممتاز بالنسبه لاستهلاك الشاشه والبروسيسور والرام




    منقول للامانه



    اتمنى اكون قد افدتكم وياريت تقييم الموضوع
    اى استفسار موجود للرد عليه ان شاء الله


  2. #2
    عضو برونزي الصورة الرمزية crashplant
    تاريخ التسجيل
    Feb 2009
    المشاركات
    366
    الدولة: Netherlands
    معدل تقييم المستوى
    10

    رد: Samsung Galaxy S II

    شكرا علي الموضوع و لو ان فيه موضوعين هنا في المنتدي عن الجالاكسي اس 2 بس التنسيق هنا احسن ده اولا

    ثانيا حضرتك قلت ** لصوت فى الهاند فرى عالى جدا ونقى افضل من تجاربى السابقه مع نوكيا**
    الكلام ده مش دقيق اوي لأن السماعات المرفقة مع الجهاز ليست في قوة سماعات هواتف نوكيا ولو مش مصدق جرب انا اشتريت سماعات جديدة بعد ما جربت السماعات بتاعة سامسونج كمان بأستخدم برنامج POWER AMP بدل من الميوزيك بلير العادي لأنه احترافي و أفضل .

    ثالثا حضرتك قلت **استغربت جدا لما لقيت صورة واحد موجوده فى الـ Contacts مع انى مش مختار له صوره
    كل ده بدون تدخل **
    ده علشان زي ما حضرتك ذكرت انت عملت سينك للفيس بوك و التليفون فهو اوتوماتيك بيضيف بيانات الأصدقاء الموجودين في الفيس بوك و في دليل الهاتف .

    رابعا : **سيبت الموبيل فى وضع ستاند باى يشتغل 4 ايام مثلا وممكن اكتر**

    جرب تفصل الواي فاي و تسيب الموبايل ستاند باي علي HSPDA او 3G G لو كمل يوم يبقي ليك الحلاوة

    **يمكن كمان 720 افضل وانعم فى التصوير + لا يمكنك استخدام الزوم عند تصوير Full HD**
    الزووم الرقمي بيقلل جودة الصور يعني لو علي اعلي جودة و انت قربت و بعدت احسن من انك تستخدم الزووم الرقمي

    في النهاية احب اضيف حاجة ان الموبايل ده يستحق تقييم 8.5/10 لأن سامسونج اهملت في حاجتين 1- اداء البطارية 2- الأهتمام بالوزن علي حساب جودة المكونات ( ده رأي شخصي من مستخدم محترف )
    [URL="http://www.speedtest.net"][IMG]http://www.speedtest.net/result/628029798.png[/IMG][/URL] [SIZE=2][COLOR=#4b0082][FONT=comic sans ms][B]N[/B][/FONT][FONT=comic sans ms][B][B]o [/B][/B][/FONT][/COLOR][COLOR=#4B0082][FONT=comic sans ms][B]Comment[/B][/FONT][/COLOR] [/SIZE][IMG]http://www.speedtest.net/result/1513665010.png[/IMG]

  3. #3
    عضو
    تاريخ التسجيل
    Aug 2010
    المشاركات
    175
    معدل تقييم المستوى
    8

    رد: Samsung Galaxy S II

    السلام عليكم
    - مبروك على حضرتك الجهاز و ربنا يباركلك فيه ان شاء الله
    - فعلا زى ما عمرو قالك انت هتلاقيك مفعل خاصيه sync و على فكرة هى موجوده فى كل ال smart phones
    مش galaxy s2 فقط
    - بالنسبه للسماعات هى مش قويه اوى للدرجه لا سامسونج بتهتم بالنقاء على حساب الصوت العالى و فعلا جرب برنامج power amp فعلا برنامج احترافى
    انا كمان بستخدمه و لو بتحب الصوت العالى اختار من pre sound profiles >> phone speaker loud
    بس من وجهة نظرى امكانيات سماعات سامسونج افضل من نوكيا من حيث اظهارها اداء الصوت
    ليس ارتفاعه
    - البطاريه استهلاكها كويس طبعا و لكن على فكرة بتختلف من تحديث لتحديث و من روم لروم انا شخصيا افضل روم ريحتى فى الحوار دا
    الروم الرسمى jpkg5 من حيث سرعه و اداء و استهلاك
    و دى صورة لاستهلاك البطاريه بتاع 4 ساعات مكالمات و اخويا بيلعب على الجهاز كتير جدا خصوصا grave defense hd & fieldrunners hd


    و دى صورة ل benchmark على الروم دى فاجئنى مرة بنتيجه فظيعه



    - هتحس بتغير كمان فى اداء البطاريه وسرعه شحنها مع الاستخدام الكتير هتحس انها بتقعد اكتر وتشحن اكتر مع مرور الوقت
    - ممكن تحس بمشاكل حرارة فى البدايه لكن انا على الروم اللى قلتلك عليها الحمد لله مفيش اى مشاكل فى الحرارة
    - بالنسبه للماركت الرسمى فى برامج تانيه افضل منه و بتنزل منها البرامج المدفوعه مجانا منها blackapp
    - بالنسبه لخامات الجهاز هى مش بجوده ال htc و لكن تبقى هى الحل الوحيد للوصل لاخف و انحف هاتف فى العالم و لكن برده لسه من يومين تقيم الايفون 4 على انه انحف من جالكسى s2
    لان السمك يحسب من اعلى نقطه لاقل نقطه و طبعا اللى عمل المشكله اخر حته فى الجلاكسى 2 اللى فيها السماعه
    - الموبيل هيعبجك جدا كأداء و برامج و العاب
    - من وجهة نظرى الموبيل دا يغنى عن psp & camera hd
    - تقييمى 9/10
    و هو ليس الا تقييم شخصى

  4. #4
    عضو الصورة الرمزية is master
    تاريخ التسجيل
    Apr 2010
    المشاركات
    942
    الدولة: Egypt
    معدل تقييم المستوى
    8

    رد: Samsung Galaxy S II

    مظنش ياجماعه ان سماعات النوكيا انقى من السامسونج موضوع البطاريه ايلى بتقعد يوم على الستاند باى ازاى يعني اومال لو حملت على الجهاز شغل واتصال والعاب بتقعد ساعتيين ولاا ايه ؟

    بعديين انا شايف ان الجهاز نقطه لصالح سامسونج وموضع الوزن دة صعب ان تلااقى وزن خفيف اوووووووووى وجودة خامات عاليه

  5. #5
    عضو برونزي الصورة الرمزية crashplant
    تاريخ التسجيل
    Feb 2009
    المشاركات
    366
    الدولة: Netherlands
    معدل تقييم المستوى
    10

    رد: Samsung Galaxy S II

    اقتباس المشاركة الأصلية كتبت بواسطة is master مشاهدة المشاركة
    مظنش ياجماعه ان سماعات النوكيا انقى من السامسونج موضوع البطاريه ايلى بتقعد يوم على الستاند باى ازاى يعني اومال لو حملت على الجهاز شغل واتصال والعاب بتقعد ساعتيين ولاا ايه ؟

    بعديين انا شايف ان الجهاز نقطه لصالح سامسونج وموضع الوزن دة صعب ان تلااقى وزن خفيف اوووووووووى وجودة خامات عاليه

    بالنسبة لسماعات النوكيا المقصوده هي سماعات هواتف اكسبريس ميوزيك الهيدفونز الإير بلجز و ليست السماعات العادية
    لو قعدت تلعب الموبايل هيفصل منك بعد ساعتين او تلاتة + هتلاحظ سخونة شديدة في منطقة الكاميرا
    الخامات الرديئة تؤدي الي عمر افتراضي اقصر + مقاومة للعوامل الطبيعية اقل مثل الأتربة و الأوساخ و الصدمات .... الخ
    [URL="http://www.speedtest.net"][IMG]http://www.speedtest.net/result/628029798.png[/IMG][/URL] [SIZE=2][COLOR=#4b0082][FONT=comic sans ms][B]N[/B][/FONT][FONT=comic sans ms][B][B]o [/B][/B][/FONT][/COLOR][COLOR=#4B0082][FONT=comic sans ms][B]Comment[/B][/FONT][/COLOR] [/SIZE][IMG]http://www.speedtest.net/result/1513665010.png[/IMG]

  6. #6
    عضو الصورة الرمزية is master
    تاريخ التسجيل
    Apr 2010
    المشاركات
    942
    الدولة: Egypt
    معدل تقييم المستوى
    8

    رد: Samsung Galaxy S II

    ممممممممممم ممكن يكون كلاامك صح بس دة ميمنعش ان الجهاز حاليا هو اقوى هاتف لحد دلوقتى ومفيش منافس لييه غيير السينسيشن

  7. #7
    عضو الصورة الرمزية is master
    تاريخ التسجيل
    Apr 2010
    المشاركات
    942
    الدولة: Egypt
    معدل تقييم المستوى
    8

    رد: Samsung Galaxy S II

    السخونه دي اى حد لاازم يتوقعها لاان ثنائى النواة دة موضوع جديد بالنسبه للموبيلات وشى متوقع لحد ميطوروها وتنتهى المشكله دى

  8. #8
    عضو
    تاريخ التسجيل
    Aug 2010
    المشاركات
    175
    معدل تقييم المستوى
    8

    رد: Samsung Galaxy S II

    على فكرة موضوع السخونه بيقل مع التحديثات انا مكنتش مصدق غير لما حسيت الفرق مع التحديث

  9. #9
    عضو برونزي الصورة الرمزية crashplant
    تاريخ التسجيل
    Feb 2009
    المشاركات
    366
    الدولة: Netherlands
    معدل تقييم المستوى
    10

    رد: Samsung Galaxy S II

    اقتباس المشاركة الأصلية كتبت بواسطة is master مشاهدة المشاركة
    ممممممممممم ممكن يكون كلاامك صح بس دة ميمنعش ان الجهاز حاليا هو اقوى هاتف لحد دلوقتى ومفيش منافس لييه غيير السينسيشن
    للأسف جالاكسي اس 2 مش اقوي جهاز في العالم .... حاليا الأقوي سامسونج جالاكسي نوت و بعدين سينسيشن اكس اي
    [URL="http://www.speedtest.net"][IMG]http://www.speedtest.net/result/628029798.png[/IMG][/URL] [SIZE=2][COLOR=#4b0082][FONT=comic sans ms][B]N[/B][/FONT][FONT=comic sans ms][B][B]o [/B][/B][/FONT][/COLOR][COLOR=#4B0082][FONT=comic sans ms][B]Comment[/B][/FONT][/COLOR] [/SIZE][IMG]http://www.speedtest.net/result/1513665010.png[/IMG]

  10. #10
    عضو
    تاريخ التسجيل
    May 2011
    المشاركات
    21
    الدولة: Egypt
    معدل تقييم المستوى
    0

    رد: Samsung Galaxy S II




    اقتباس المشاركة الأصلية كتبت بواسطة crashplant مشاهدة المشاركة
    بالنسبة لسماعات النوكيا المقصوده هي سماعات هواتف اكسبريس ميوزيك الهيدفونز الإير بلجز و ليست السماعات العادية
    لو قعدت تلعب الموبايل هيفصل منك بعد ساعتين او تلاتة + هتلاحظ سخونة شديدة في منطقة الكاميرا
    الخامات الرديئة تؤدي الي عمر افتراضي اقصر + مقاومة للعوامل الطبيعية اقل مثل الأتربة و الأوساخ و الصدمات .... الخ
    فى تجربة لاحد الالعاب المعتمده على حساس الحركه بشكل كامل
    انتهى عمر البطاريه من 100 % إلى اقل من 10 % فى حوالى 8 ساعات متواصله بدون انقطاع مع ضبط اضائه الشاشه على اتوماتيك
    ( ما تستغربش كنا اكتر من واحد بنلعب طول اليوم والحمد لله انهينا اللعبه :D )

    موضوع السخونه تغير كتير جدا مع تحديث السوفت وير
    لكن ما زال الجهاز ييخسن لكن اقل كتير من الاول واعتقد ان الموضوع ده لا يؤثر على عمر الجهاز لانه مصمم لتحمل درجات حراره عاليه وكذلك الخامات الخاصه بيه

    راى شخصى ==> الخامات الرديئه ليست هى خامات الجلاكسى إس 2 قد تكون خامات تليفونات اخرى
    مش معنى ان الجهاز تم تصنيعه من البلاستيك ان الجهاز ردئ ابدا ... بل معناه ان الجهاز خفيف ونحيف جدا
    والجهاز بزجاج غوريلا جلاس مقاوم للخدش ,, وما هى علاقة تحمل الاوساخ بسمارت فون لا يظهر منه إلا الشاشه والظهر محمى بكفر لتحمل الرمى على المكتب :ah24:
    من حيث الصدمات .. كان معايا سابقا نوكيا إن 73 مصنع من البلاستيك مع بعض اجزاء المعدن ووقع اكتر من مره بدون اى تأثير
    ومن بعده N86 ذو الوزن الكبير ومتانة المعدن والحمد لله مع اول واقعه ليه ضرب فلاته مع ان السلايد كان مغلق

    جرب تفصل الواي فاي و تسيب الموبايل ستاند باي علي HSPDA او 3G G لو كمل يوم يبقي ليك الحلاوة
    لا اعمل على 3G إلا نادرا وفى حالة تفعيله او تفعيل الواى فاى فى وضع الاستاند باى الجهاز مش بيكمل يوم
    بالفعل البطاريه غير مؤهله لتفعيل الـ 3G مع انترنت الشركه طوال اليوم
    لكن بالنسبه لى الموضوع ده لا يعنينى لانى مش بستخدمه :p


    تحياتى

  11. #11
    عضو الصورة الرمزية is master
    تاريخ التسجيل
    Apr 2010
    المشاركات
    942
    الدولة: Egypt
    معدل تقييم المستوى
    8

    رد: Samsung Galaxy S II



    اقتباس المشاركة الأصلية كتبت بواسطة crashplant مشاهدة المشاركة
    للأسف جالاكسي اس 2 مش اقوي جهاز في العالم .... حاليا الأقوي سامسونج جالاكسي نوت و بعدين سينسيشن اكس اي
    شكلىمش متابع بقى يا باشاا بس محدش لسه عملنا تقرير عن السينسيشن الجديد والسامسونج نوت تقريبا لسه مصدرش

المواضيع المتشابهه

  1. Samsung I9003 Galaxy SL
    بواسطة naguib في المنتدى الأرشيف
    مشاركات: 7
    آخر مشاركة: 23-03-2013, 02:24
  2. مراجعه Samsung Galaxy Tab 10.1
    بواسطة ENG.Bishoo في المنتدى الأرشيف
    مشاركات: 12
    آخر مشاركة: 16-03-2012, 07:26
  3. samsung galaxy s 2 BOUGHT
    بواسطة totocarry في المنتدى الأرشيف
    مشاركات: 22
    آخر مشاركة: 08-08-2011, 13:50
  4. بعض الأسئلة حول Samsung Galaxy Ace
    بواسطة EL Sa7eR في المنتدى الأرشيف
    مشاركات: 3
    آخر مشاركة: 09-07-2011, 17:42
  5. استفسار فى تعريب samsung galaxy fit
    بواسطة tapoosa في المنتدى الأرشيف
    مشاركات: 1
    آخر مشاركة: 25-05-2011, 17:34

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •