سؤال .. هل يجب مزاكرة جميع اجزاء كتاب Sybex بالتفصيل ؟؟

**Mohmmed Zaky** · 23-09-2011, 08:27

السلام عليكم ورحمة الله وبركاته

السؤال فى العنوان وهو

لازم ازاكر كل الاجزاء فى كتاب Sybex ؟؟
يعنى كل جزء فى الكتاب مقرر فى المنهج ؟؟

خصوصا ان فى اجزاء لم تشرح فى الفيديو زى جزء
Configuring Voice VLANs فى شبتر 9
و Cisco Network Assistant
وفى بعض الاجزاء عدت عليا لكن مش متذكرها بالظبط

عموما انا بعتمد فى المزاكره على فيديوهات م / محمد سمير وبعض فيديوهات م /ياسر رمزى
واى شئ بحس انه مش واضح بعد الفيديوهات والكتاب بعمل سيرش عنه فى النت

اى ملاحظات على الكلام ده ( ماشى كده صح ) ؟؟

**C.Mind** · 23-09-2011, 18:10

وعليكم السلام ورحمة الله وبركاته
من الواضح أننا لازم نزاكر الكتاب كله ,على فكره أحنا على نفس المسار بالظبط فيديوهات م/ محمد سمير و م/ ياسر رمزى وكتاب سايبكس بس أنا عندى مشكله فى NAT و Frame Relay وكل ده علشان مش عارف أعمل Cloud Configuration عموما من وجهة نظرى الفيديوهات الهدف منها تسهيل فهمك للكتاب وزى ماعملت مع الفيديوهات اعمل مع الكتاب, اللى مش فهمه دور عليه أو أسأل عليه بكل بساطه فى هذا المنتدى الرائع وهتلاقى أعضاء أكثر من رائعين يتهافتون للمساعده والله الموفق والمستعان.

ملحوظه: أنا لسه مخلص المنهج أمبارح وقلت أرتاح النهارده وأبدأ فى الكتاب بكره أن شاء الله ومن الواضح أنك بدأت من فتره فى الكتاب فلو عندك أى أرشادات تسهل عليا الأمور هاكون أكثر من شاكر

**Mohmmed Zaky** · 23-09-2011, 23:55

المشاركة الأصلية كتبت بواسطة C.Mind

وعليكم السلام ورحمة الله وبركاته
من الواضح أننا لازم نزاكر الكتاب كله ,على فكره أحنا على نفس المسار بالظبط فيديوهات م/ محمد سمير و م/ ياسر رمزى وكتاب سايبكس بس أنا عندى مشكله فى NAT و Frame Relay وكل ده علشان مش عارف أعمل Cloud Configuration عموما من وجهة نظرى الفيديوهات الهدف منها تسهيل فهمك للكتاب وزى ماعملت مع الفيديوهات اعمل مع الكتاب, اللى مش فهمه دور عليه أو أسأل عليه بكل بساطه فى هذا المنتدى الرائع وهتلاقى أعضاء أكثر من رائعين يتهافتون للمساعده والله الموفق والمستعان.

ملحوظه: أنا لسه مخلص المنهج أمبارح وقلت أرتاح النهارده وأبدأ فى الكتاب بكره أن شاء الله ومن الواضح أنك بدأت من فتره فى الكتاب فلو عندك أى أرشادات تسهل عليا الأمور هاكون أكثر من شاكر

فى الاول كان فى خريج من الكليه عندنا بيشرح فى سنتر مجانا تقريبا لحد ما وصلنا للروتينج
بعد كده لما بدأت اتابع الفيديوهات هنا لقيت ان الاستفاده هتكون اكتر والشرح اجمل
فبدأت لحد ما وصلت للسويتشنج مع م / محمد سمير
ولما حسيت ان فى معلومات ناقصه بدأت اقرا فى الكتاب والحمد لله خلصت جزء السويتشينج كامل
وبدأت اكتب الاوامر واعمل ملخص للاجزاء اللى ممكن تلخبط او تتنسى

لكن الطريقه دى بتاخد وقت كبـــيــر خصوصا ان الواحد يقرا كل اجزاء الكتاب فعلشان كده بسأل
الموضوع مش صعب خالص انك تقرا الكتاب بعد الفيديوهات لانك هتكون عارف كل جزء بيتكلم عن ايه

واللى بيخلينى اقرا الكتاب واهتم بيه ان فى بعض الاسئله بتكون مش موجوده فى الفيديوهات فبتضطر ترجع للاصل وهو الكتاب وممكن ترجع له اكتر من مره وانت بتحل اساله
فلقيت ان الافيد انك تقرا كل شبتر بعد الفيديوهات مباشرة بكده المعلومه هتثبت اكتر

لكن يبقى نفس السؤال للاعضاء الكرام
هل كل اجزاء الكتاب مقرره ؟؟