اخي طالما شغلك نت وفيديو وكده حرام تجيب جهاز عالي اوي كده ممكن تجيب حاجه نفس الامكنيات بس المعالج هايكون i3 وهايشغلك بالشغل اللي انت عايزه وهتدفع 3500 جنيه بس ولا 4000 ولا 4500
بسم الله الرحمن الرحيم
السلام عليكم و رحمة الله و بركاته عليكم جميعا
عاوز اشترى لاب توب بموصفات
Intel core i5 3M cache 2.53 GH
- Ram 4GB DDR3
- H.D 500 GB
- DVD R/W
- VGA nVida or ATI 1GB/DDR3
- 15.6 '' WLED Monitor
- Camera 1 MP
- Windows 7 Home Premium
اولا انا اغلب شغلى عليه بالدرجة الاولى انترنت و مشاهدة افلام و وورد و اكسيل و نادر جدا لو Games
ثانيا : انا عاوز اشتريه و مش هفكر انى اغيره لمدة خمس سنين قدام يعنى اللى يهمنى من الدرجة الاولى جودة الصناعة و البرسسور لا يقل عن i5 و الرامة لا تقل عن 4 GB و الهارد لا يقل عن 300 GB و مهم جدا يكون معاه نسخة ويندوز 7 اصليه نازله على الجهاز و طبعا كميرا و DVD R/W و بلوتوث و ويرلييس و ريدر كارد اما بالنسبة ل VGA مش هتفرق معايا سواء كان nVida or ATI .
اما بالنسبة للميزانية المحددة للجهاز 4000 جنيه ممكن تزيد الى 4200 جنية كحد اقصى .
شكرا لمساعتكم ليا و الف شكر ليكم جميعا و يا رب دايما للخير سابقين و اتمنى ليكم دوام الصحة و العافيه
الف الف شكر
اخي طالما شغلك نت وفيديو وكده حرام تجيب جهاز عالي اوي كده ممكن تجيب حاجه نفس الامكنيات بس المعالج هايكون i3 وهايشغلك بالشغل اللي انت عايزه وهتدفع 3500 جنيه بس ولا 4000 ولا 4500
عزيزى شكرا على النصيحة بس انا زى ما قولت لحضرتك انى مش ناوى اغير اللاب توب الا بعد خمس سنين على الاقل فأنا عاوز حاجة تخدمنى النهارده و بكره و بعده و مدورش على تحديثات خلال الفترة دى يعنى حاجة للمستقبل مش للنهارده و بس . و يا ريت لو حد عنده خبرة فى اللاب توب يدلنى على حاجة بالمواصفات اللى ذكرتها ف البداية و اكون شاكر جدا لمساعدتكم ليا .
اخي الجهاز اللي بقولك عليه 3500 جنيه DELL جهاز عالي وقوي وتقعد بيه كمان ل6سنين وهذا الكلام علي ضمانتي وليك حريه الاختيار طبعا
المشاركة الأصلية كتبت بواسطة energy.man
طيب يا ريت يا اخى تدينى رقم الموديل بتاع الجهاز ال DELL اللى بتقول عليه و يا رب يكون معاه نسخة ويندوز لانى انا فعلا اقتنعت بكلامك
نوعه Dell Inspiron N5110 وشكله حلو ادخل دور علي جوجل صور الجهاز شكله جميل ومتوفر منه اسود - فضي - احمر - ازرق بالتوفيق
جهاز جميل جدا يا باشا يا رب يباركلك و تسلم من كل سوء
كنت عاوز اعرف الاقيه عتد محلات او مولات ايه ف مصر و كمان افضل سعر ليه علشان انا مبعرفش افاصل مع البائعين و ممكن يضحك عليا
و يا ترى معاه نسخة ويندوز 7 هوم بريميام و لا لأ
شكرا لتعبك معايا انا دو شتك كتير
شكرا
ولايهمك ياكبير في مصر هتلاقيه في مول سوق العصر بيعمل سعره مابين 3200الي 3500 انا جيبته من سموحه باسكندريه اسود عمل 3350 جنيه بالظبط ومرفق معهWindows 7 Ultimate
يارب اكون وفقت معاك ومبروك عليك
الله يباركلك يا اخى طول عمر الاسكندرنية جدعان و رجاله على فكرة انا من الصعيد من قنا و انا استجدعتك اوى ربنا يباركلك انا خلاص ان شاء الله هنزل اشتريه خلال اليومين دول الله يباركلك و مليون شكر للاسكندرانية الجدعان اوى دول
ربنا يكرمك ياكبير انت اجدع والله العظيم ومبروك عليك الجهاز ان شاء الله
ضوابط المشاركة
المفضلات