هل GTS 250 سعره قريب من اللى انا محدده ويحتاج باور كام وات ؟؟؟؟
عايز كارت فى حدود 600 والباور سبلاى اللى معه يكون كام وات عشان اشترى الاثنين معا ان شاء الله
يعنى الكارت 600+ 150 باور الاجمالى 800 او قريب من كده بفرق بسيط
الامكانيات الحالية
رامات 2 جيجا
بروسسر بانتيوم 4 وناوى اجدد ل I3 لكن مش دلوقتى عشان المزانيه
هل GTS 250 سعره قريب من اللى انا محدده ويحتاج باور كام وات ؟؟؟؟
انا شايف انك تزود 50 جنية و تجيب كارت Power color ATI Radeon HD 5670 ddr5 1 GB و ده سعرة 650 جنية و اداءة ممتاز و الباور على اعتقادى 400 وات كافى بس خلى حد من اهل الخبرة يفيدك فيه و حيحصل عندك عنق زجاجة لحد ماتغير المعالج و ده رابط فيه الكارت و سعرة فى مصر
https://www.********.com/product.php?id=7311
طيب ايه الكارت اللى يساويه من شركة gforce
وما معنى كلمة عنق الزجاجة يعنى مش هيشغل الالعاب المتوسطة حتى شراء بروسسر ؟؟؟
اولا حضرتك مكن تجيب كارت PowerColor 5750 ودة تمنه 650 جنيه + الباور هيك 350 واط ب 150 جنيه
معنى عنق زجاجة ان البروسيسور مش هيستفيد بكل طاقة الكارت بسبب ضعفه . بس بدل انت بتقول انك هتجيب I3 فهيبقا تمام معاه انما حاليا البروسيسور بتاعك ضعيف ومش هيستفاد من كل طاقة الكارت
طيب والكارت 5750 يستمر معايا فى تشغيل الالعاب كام سنه مثلا ؟؟
؟؟؟؟؟؟؟؟؟؟
هذه افضل خيار بنسبه لميزانيه بتاعتك هات بور سبلاي 400 واط اصلى مع كارت شاشه HD 5750
او الاحسن GTS 450 بس ده تمنو 700 جنيه هو احسن بفرق بسيط
انا اسف جدا جدا علي التأخير في الرد بس المدارس والثانوية العامة بقا معلش . بالنسبة للكارت هو كارت جيد جدا بس حضرتك بتلعب علي ريسولوشن اد ايه ؟؟ يعني مثلا لو 1280*1024 ممكن يقعد معاك فترة طويلة تصل الي سنتين مثلا .
علفكره انا غلط سيبك من GTS 450 ده مش حلو HD 5750 احسن مينو كده هاتلك HD 5750 او زود شويه وهاتلك HD 6750 بس لو تقدر تجيب HD 5770 يكون احسن من الاتنين وهات بور سبلاي 400 واط او الاحسن يستحسن 450 واط
وسيبك خالص من GTS 450 ده اوحش من HD 5750 كده تجيب HD 5750 او HD 6750 او لو تقدر هاتلك احسن مينهوم هم الاتنين HD 5770 مع بور سبلاي 400 واط او يستحسن 450 واط اصلى
اوكى
ان شاء الله هجيب ده 6750 بس بيقولو انه باوى 350 متوسط ويكفى جدا 400 ايه رايك؟؟؟؟
عايز اعرف حاجتين كمان بعد اذن حضراتكم:
1- هيقعد معايا كام سنه يشغل الالعاب على high???????
2- لما اشغل الكارت ده على بروسسر ضعيف موقتا لحين تحديث البروسسر هيكون فى تقطيع فى الالعاب اللى تحتاج بروسسر عالى فقط ولا جميع الالعاب بسبب عد التوافق؟؟؟؟؟؟
اولا طبعا في فرق في الريزولوشن . يعني مثلا لما تلعب على ريسولوشن 720P الكارت هيشغل كل الالعاب علي اعلى اعدادات بكل سلاسة ولفترة كبيرة انما لما تلعب علي 1080p ممكن تقلل الاعدادات شوية في بعض الالعاب التقيلة عشان تلعب بسلاسة.
ثانيا كارت 5750 هو نفسه 6750 الفرق في الاسم مش اكتر انما الاداء واحد . وباور 350 واط هيكون كافي لأي منهم .ولو ناوي علي كسر سرعة ولا حاجة يبقا هات 400 واط احتياطي .
ثالثا لما تشغل الكارت علي بروسيسور ضعيف زي ما قلت لحضرتك قبل كدة مش هيستفاد بكل قوة الكارت وهيبقا في نسبة تقطيع في الالعاب اللي بتعتمد علي البروسيسور بشكل كبير عشان انت عندك بينتيوم 4 ودة نواة واحدة والالعاب دلوقتي محتاجة تعدد في الانوية .
وياريت حد يقوللى ايه الداعى اللى يدفع اى شخص لكسر السرعة ؟؟؟؟؟ انا لاافكر فى كده لانى سمعت انه خطير على الكارت
المفضلات