هتعمل اية بعد ما تخلص CCNA

**Dr. Hacker** · 28-09-2011, 22:28

السلام عليكم ورحمة الله وبركاتة

ترددت كثيرا قبل عمل هذا الفيديو بصراحة
كنت خايف ليكون الكلام أسهل مما أتخيل أو أصعب مما أستطيع
بس انا قولت أعمل الموضوع دة عشان بيجى فى بال ناس كتير بعد ما يخلصو كورس CCNA
طبعا فى ناس بتروح واخداها وش كدة وتدخل CCNP ودة رأى مظبوط جدا
بس أفرض واحد عجبة مجال معين أثناء دراستة ل CCNA لانة فى هذا الكورس بياخد نبذات صغيرة عن الفروع المختلفة
انا عملت الرسمتين دول عشان بس لو واحد عايز يدخل فى احدى المجالات الثلاثة
1- security
2- voice
3- wireless

ياريت يكون الكلام دة مظبوط وياريت لو حد من المشرفين وجد حاجة غلط ياريت يزيل الموضوع
انا عملت الموضوع دة لأنى انا ببقا محتار ادخل انى مجال وكان نفسى حد يكون شارح فيديو يقولنا نبذة عن كل حاجة والخريطة بتاعتها واية الوظائف اللى هتقدمهلنا هذة الشهادة وبالتدريج كدة لغاية CCIE
ياريت فعلا حد يعمل الموضوع دة
وانا هحاول أشرح حاجات فى تخصص الأتصالات بس متكونش مشروحة قبل كدة عشان المجال يتوسع اكتر
أقتداءا بمثلى الأعلى ... الدكتور محمد حافظ

ودى خريطة مميزة جدا من سيسكو لتوضيح المسارات المختلفة https://www.cisco.com/web/learning/n...areerPath.html
"من موضوع المهندس ياسر رمزى"

ودول الصورتين اللى حاولت أعملهم عشان نفسى أفيد حد هنا
https://mohamedhafez.com/tools/images/1.bmp
https://mohamedhafez.com/tools/images/2.bmp

**مهندس مسلم** · 29-09-2011, 16:57

بصراحه استفدت من الموضوع ده وبارك الله فيك
بس حبيت اسال حضرتك هو لو الواحد بعد ال CCNA حب ياخد فكره عن ميكروسوفت وبعدها يرجع يكمل في سيسكو مش هيبقى افضل ولا راي حضرتك اي ؟
ولو كده كويس هتبقى اي الشهاده اللي تتاخد في مايكروسوفت

**Dr. Hacker** · 29-09-2011, 17:08

بارك الله فيك اخى الكريم وشكرا على هذا التشجيع ,,,
بص على حسب علمى ان سيسكو أو ميكروسوفت مش متعارضين مع بعض اطلاقا
دة هاردوير ودة سوفتوير يعنى ممكن تمشى فى الاتجاهين ومفيش اى تعارض اطلاقا
لو حابب تبدأ فى ميكروسوفت ممكن تبدأ MCSE & MCSA دة انا شايف نة الافضل وبعد ذلك ممكن تدخل على MCITP هتلاقى شوية تعديلات بس هتلاقى نفسك فاهم حاجات كتير من ال MCSE يعنى حاجات مكررة + upgrade
حتة بقا تاخد حتة من هنا وحتة من هنا دى حاجة ترجعلك زى ماقولت ممكن تمشى فى الاتجاهين ولا يوجد تعارض
بس انا من رأيى المتواضع ان الواحد يدوس فى مجال معين وياخد خبرة كويسة فى الكورسات ويركز فيها وبعد كدة ياخد خبرة فى مجال أخر تانى
ودة رأيى الشخصى
وطبعا الناس هنا كلهم أفضل منى وهيفيدوك أفضل منى بكتير ان شاء الله