حد يقدر يحل المشكلة دى ؟؟

**mr_cisco** · 30-09-2011, 23:07

السلام عليكم ورحمة الله وبركاته انا عندى ديزاين معين عاوز انفذه ها اكتب مكونات الشبكه والمطلوب تنفيذه وعايز اعرف ايه انسب سيناريوو ممكن يتعمل
اولا مكونات الشبكه :
1- Lan مكونه من 300 جهاز
2- dmz مكونه من 4 سيرفرات
3- asa firewall 5510
cisco router1841 مبرمج ليستقبل الانترنت
4 سيرفرات عباره عن
دومين
انتى فيرووس
ابليكيشن

المطلووب تظبيط النتورك وانشاء الدوومين مع مراعاه ان شبكه lan 100 جهاز بس يخرجوو انترنت وباقى الاجهزه لا تخرج انترنت ولكن يجب ان ياخذ كل ال lan gatway علشان يقدرو يرحوو لسيرفر الانتى فيرووس وكمان يشوفو الدومين كنترولر ومش عارف انا ازاى اعمل السيناريوو دا واخلى كله ياخد جيت واى ولكن عدد معين هو بس الى يخرج انترنت ياترى ممكن حد يقولى ايه افضل سيناريووو ممكن يتنفذ هنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**kingo_2003** · 01-10-2011, 13:52

بص عشان تحل مشكله الناس اللى هتخرجها نت وانهم كلهم يشوفوا السيرفر والباقى مش هيخرج نت
انا هقولك السيناريو اللى فى دماغى ويارب يساعدك

احنا هنجيب 3 راوترات وهنقسم الدنيا ل 3 subnet
Subnet 1 : servers
subnet 2 : users use internet
subnet 3 : users not use internet
وهنضبط كالتالى
راوتر 1 : عليه 2 انترفيس وخاص بال server subnet
واحد منهم يكون الأنترفيس اللى هيخرج منه + الأنترفيس الخاص بال server subnet
راوتر 2 : هيكون خاص subnet 2 اللى هما الأشخاص اللى هيطلعوا نت وده هيبقى عليه 3 انترفيس واحد خاص بال user subnet والأخر خاص بال server subnet والثالث خاص بالخروج للأنترنت وبتضبيط ال routing table اليوسر هيبقى قدامه انترفيس واحد للخروج منه ولكن للراوتر هو هيشوف هيخرج منين على حسب اليوسر عايز ايه
راوتر 3 : هيكون خاص ب Subnet 3 وده هيكون عليه اتنين انتر فيس واحد لليوسر والأخر الموصل بالسيرفر
-----------------
وبكده انت بقيت قادر توصل كل الناس للسيرفر
وقادر انك تطلع 100 بس للنت
والباقى مش هيطلعوا نت
وبتضبيط ال routing table بين راوتر 2 و 3 هتخلى ال 300 يوسر قادرين انهم يشوفوا بعض

ودى صوره بتوضح اللى قولته انا واسف انى راسمها بإيدى بس مفيش وقت اعملها visio

https://imageshack.us/photo/my-image...dsc01515h.jpg/

طبعا فى الحاله دى هيبقى فى حاجتين مهمين
اولا تضبيط ال routing table لكل راوتر يشوف مين ويخرج على مين وكده
ثانيا تضبيط ال subnetting الخاص بالأبيهات 10.0.0.0
---------------------------------
يارب اكون قدرت افيدك ولو بقدر قليل

**mr_cisco** · 01-10-2011, 14:25

مشكوور جدا لردك ولكنى انا مش فى ايدى افصل اللان واقسمها ل 3 سب نت لانى مش انا الى عامل النتورك النتورك معموله اصلا من زمان والراجل الى عاملها مخلى الناس كلها الى فى 3 مبانى فى كابى نت واحده وموصل منها كابلات فيبر لغرفه السيرفرات يعنى انا الى جايلى تحت كابلات فايبر من فووق وجمبها 4 لان بس هما الى بشبك بيهم لازم كل النتورك الداخليه تكون فى صب نت واحد للاسف وشكرا على مجهودك وتعبك معايا

**kingo_2003** · 01-10-2011, 14:49

ولا تعب ولا حاجه

بس انا مكنتش اعرف انها قايمه من الأول انا اللى فهمته من كلامك انك لسه هتعمل كده
بس نصيحه منى
حاول انت تغير
لأن انا من وجهه نظرى ان اللى عمل الشبكه دى كان بيقلب وبيشبك وخلاص
كتير اوى 300 واحد فى subnet واحده وبالنسبالى انا معرفش طريقه تانيه بصراحه
اتمنى ان حد من الأعضاء يقدر يساعدك

**MNabrawy** · 03-10-2011, 16:16

نزل الايزا سيرفر علي جهاز من عندك وحط عليه الناس اللي عاوز تخليهم يطلعوا بره

**zorro6500** · 14-10-2011, 15:23

اولا الناس دى بتاخد الاى بى من DHCP server ولا كلها واحدة الاى بى ستاسيك انا يسأل السؤال ده عشان لو DHCP هيبقى اسهل انك تعمل فى السكوب بتاع الناس اللى هتطلع انترنت هتضيف ججيتواى الراوتر+ DNS الامترمت لديك وباقى السكوب مش هتحط جيت واى الراوتر ووتحط جيت واى السيرفر مثلا . دى حاجة الحاجة التانية انك تعمل اكسس ليست على الراوتر وتحدد السبنت اللى مش عايزه يطلع انترنت ويبقى deny واعمل allow للباقى .