بسم الله الرحمن الرحيم
يا ريات حد عسول يساعدنى
انا امتلك جهاز بالمواصفات التالية
motherboard gigabyte ma770t-ud3p
amd cpu phenom x2 550
2GB RAM 1333 KINGSTONE
gigabyte gt240 1gb ddr3
power مش عارف نوعه بس 450 وات باين كده وثمنه 250 جنية
hard disk 500 blue wd 16 MB
dvd liteon 24x
صور الجهاز بعد فتح الانوية والكسر ببرنامج CPUZ الشهير
دى صورة معلومات المعالج بعد فتح الانوية والكسر
ودى صورة الرامات
ودى صورة حرارة المعالج عند الخمول والى بتوصل من 43 الى 47 درجة
ودى صورة تفاصيل شوية للجهاز
ودى صورة المعالج عند الضغط وهيه دى المشكلة
زى ما حضراتكم شاييفين المعالج بتبقى 70 وممكن توصل 72 طبعا انا بعد الكسر تخطيت اختبار الثيات ببرنامج CPU HOT TESTER والى كان حوالى ست ساعات الجهاز تخطاه بدون اى مشاكل واتذكر انى كنت بعمل على الجهاز حاجات فى نفس الوقت وبصراحة بعد الكسر انا اداء الجهاز فى الالعاب وكل حاجة عجبنى جدا جدا المشكلة دلوقتى فى الحرارة بتاع المعالجهل الحرارة خطر ولاايه انا بشغل الجهاز بالايام مع الكسر ده ومفيش حاجة بتحصل نهائى الجهاز ثابت تمام زى الجبل بس الحرارة عالية جدا على ما اظن
الى عاوزكم تشعدونى فيه هو ازاى اخلى المروحة تشتغل على اعلى سرعتها طول الوقت مش لما المعالج يسخن بس انا عاوزها تشتغل 97 من المائة من سرعتها طول الوقت
تانى شى شيرونى فى موضوع الحرارة ده لانى بصراحة خايف على المعالج جدا انا على فكرة بستخدم المشتت الى جاى مع المعالج او المشتت الافتراضى
اى عضو عسول عنده ملاحظة مفيدة ياريت يكتبها
ياريت كنت اعرف اجيب صورة للبويس كنت جبتها انا بصراحة لاعب لعب هناك ياريت اعرف اصوره بس مش عندى كاميرا للاسف
انت كدا بتلعب فى عمر المعالج :D - جسب موقع الشركه اعلى درجة حراره للمعالج دا هى 70 درجه - انا كسرتو اول ما جبتو واول يوم مع فتح الانويه بنفسك كدا بس اول ما وصل معايا 66 درجه فصلتو على طول ورجعتو لطبيعتو - انصحك بمشت احترافى - فى كولر ماستر 212 دا عامل حوالى 200 جنيه وان شاء الله هيبفى بالغرض .
انا لو معايا 200 جنية كنت بعته وجبت واحد جديد او كنت جبت رامة 2 جيجا المشكلة الى هتجننى ان الجهاز شغال من غير مشاكل بقاله اسبوع على الحال ده وعدى اختبار الثبات
من غير مشاكل بس فى عمق منطقة الخطر - مع اى تغير فى الفولت او ارتفاع درجات الحراره هيبقى فيها مشاكل لا قدر الله - يبقى ليه بقى نخاطر كدا .
طيب ايه نصيحتك اخى بصراحة 3.1 مش مساعده فى الالعاب نهائى من رايك لو كسرت اوصل لفين واقف
كسر السرعه ل 3.5 انا جربتو بنفس المعالج على الفانه الاوريجنال وكان درجات الحراره معقوله جدا - ولاكن بدون فتح الانويه . جرب بدون فتح الانويه على 3.5 وان شاء الله هيظبط معاك .
لا كده يبقى افتح انوية بس احسن مش عندى استعداد يرجع ثنائى تانى بصراحة حتى لو كسرت المعالج سرعته مع الالعاب بتبقى مش زى الرباعى نهائى
بس انا شوفت انهم كاتبين فى موقع شركة AMD ان اكتر حرارة ليه 70 ازاى وانا تعديت 76 والمعالج لسه مجراش ليه اى حاجة انا بيتهى لى انها 70 قبل فتح الانوية لاكن بعد الفتح بيبقى فى نواتين كمان يعنى فى زيادة فى الحرارة للضعف مش بالظبط بس انا بيتهى لى انه كده عادى يعنى مممكن يكون بعد فتح الانوية اخره 80 ويطير انما قبل فتح الانوية 70 ويطير
البروسيسور حد الامان ليه اقل من 70 درجه قبل او بعد فتح الانويه بالعكس مع فتح الانويه يفضل يبقى اقل من كدا غير كدا بيبقى على مسواليتك الخاصه لانك بكدا هيبقى فيها ضياع بروسيسور وبروده وربنا يستر عليك :Dالمشاركة الأصلية كتبت بواسطة عبدالله ضيف
حاول تنزل لدرجه اقل من 70 علشان متخسرش جهازك (( نصحيه اخويه ))
الدرجات ممكن تكون فى الشركه 70 وعادى ناس شغاله فى الطبيعى على 75 دا بيبقى انت وحظك ولو حصل اى حاجه انت برا الضمان لان بكل سهوله اى فنى صيانه هيعرف انك كنت عامل اوفر لود على البروسيسور .
لو مش عجبك الاداء استنى شويه وجيب مشت احترافى او غير البروسيسور
انا كنت قريت عن مشت كويس هنا فى المنتدى من كلور ماستر بردو عامل تقريبا 115 جنيه ولاكن مش فاكر موديلو بالظبط
على العموم انا هرجعه لسرعته الطبيعية وهفتح انوية بس لحين احضار مشتت احترافى جيد
بس فى سوال ازاى اخلى المروحة تشتغل باخر سرعتها على طول
غير كده درجة الحرارة لنفس البروسيسور مع المشتت الافتراضى فى الخمول والضغط بتوصل كام ياريت حد يجاوبنى
بس ياباشا معروف انا فى معالجات الفينوم يا تفتح انويه يا تكسر سرعه وخصوصا انك معاك مشتت عادى مش احترافى وبعديين انته مشرحتش خطوات كسر السرعه عملتها ازاى ؟
رفعت المالتى بليير بتاع المعالج ولاا عن طريق رفع تردد الجسر الشمالى ؟
المعالج ممكن توصل بيه لو 3.650 بالمشتت العادى بسهوله لكن مع فتح الانويه يستحسن انك متكسسرش السرعه
يبقى يا تتحتفظ بالانويه المفتوحه يا ترفع سرعه المعالج ياتشترى مشتت احترافى وهو افضل فى الحالتيين عندك الهايبر tx3رخيص واداؤ ممتاز
يا جماعة انا عندى فى البيوس بتاع الماذر بورد خاصية بتعمل ايه تظبطها مثلا على 60 درجة وانه يديك تحذير على الحرارة دى للبروسيسور اول لما الحرارة تقرب من 60 يبدا يشغل المروحة على الاخر و يقلل الفولت لوحده حاليا الحرارة مش بتتعدى 64 فى الضغط هل كده تمام ولا ايه اسيبه كده ولا ايه
ياباشا احنا حزرناك من ارتفاع درجه حرار ة المعالج لاانك بلغت حد الامان بكتير فكدة انته بتحرق المعالج بتاعك وهتصل لمرحله مينفعش فيها الندم النهاردة هو شغال اة بكرة لاا اطفى الانويه المفعله وارفع سرعه المعالج لحيين شراء مشتت احترافى وبعدها افتح الانويه وارفع السرعه
بعد الخاصية الى ذكرتها بقت سرعته وهو مكسور زى سرعته وهو مفتوح الانوية والفرق 3 رجات مئوية فقط مع شوية تبريد انا هجيب مروحة خارجية للكيسة الكبيرة جدا الى بتبقى على الباب كله وباذن الله الثلاث درجات دول ينزله
يا جميل احمد ربنا على الوضع الى انت وصلو وزى ما قلك الاخ از ماستر هتوصل لدرجه مش هينفع فيها الندم - الكام فريم الى بتحس بيهم فى الفرق دول بلاشهم خالص دلوقت - لحد ما تجيب مشت احترافى وتكسر وقتها براحتك - غيرك مش بيعرف يلعب الالعاب دى اصلا
بالنسبه للمروحه الى هتجبها على جمب الكيسه دى بيبتدى سعرها من 60 جنيه وانت طالع ومش هتحس بالفرق الى انت متخيلو
نصيحه ومن الاخر جيب مشت احترافى وسيبك من المراوح والكلام دا لانك هتبوظ شكل الكيسه وهتعمل صوت عالى هتصدعك بيه وهتحس اعدتك على الكمبيوتر انك مشغل مصنع جمبك ودوشه ووجع دماغ .
موضوع تشغيل المروحه لاعلى سرعه ليها - منصحيش بيه بردو لان ليها عمرو افتراضى وانت كدا عاوز تخلص عليها فى يومين :D - وبردو مش هيفرق معاك الفرق الى انت متخيلو لان المشت فى الاساس ضعيف جدا .
موضوع الانزار الى عند درجة حراره 60 دا علشان يعرفك انت بس بانك عديت الدرجه دى وتقريبا موجوده فى معظم البرد الحديثه .
نجيب من الاخر ونعيد ونزيد فى الى قلناه تانى لوجه الله علشان متخسرش البورده والمعالج ووقتها مش هيفيد الندم .
انزل بدرجات الحراره لحد اقل من الحد المسموح ب 10 درجات وخليك فى الامان مع الضغط
بلاش تفتح انويه وتكسر سرعه الاتنين مع بعض بالمشت دا
عن نفسى لا افضل فتح الانويه ابدا بالمشت دا لان فتح الانويه هو العامل الاقوى لارتفاع درجة الحراره بالدرجات دى .
ملاحظه بقى ممكن متكنش اخدت بالك منها .
تابع برنامج افرست وشوف درجات الجسر الجنوبى والشمالى هتلاقى ارتفاع ملحوظ جدا فى درجات الحراره ليهم ودا ممكن يادى الى فقدان البورده فى اى وقت وانت مش واخد بالك .
ضوابط المشاركة
المفضلات