* مشكلة فى الهارد ديسك بتاع الاب توب *

[toty_king2500]

بسم الله الرحمن الرحيم

المشكلة انى كنت عاوز اعمل برتشن جديد عشان اضع فيه الملفات بتاعتى احسن ماحطها على السى والويندز يقع وكل حجة تضيع من عليه

ولكن فتحت manage فى my computer وملقتش غير الامر " SHRINK " فرحت دوست وعملت الاعدادت للبرتشن الجديد وكل حاجه زى الفل ولكن قبل مخلص ظهرلى رساله تقولى ان البرتش سيتحول الى النوع dynamic وفجاهلقيت كل البرتشنات اتحولت الى النوع dynamic حتى السى حاولت اعمل recovery للجهاز بيقولى انى مش نافع


ايه الحل دلوقتى مع العلم ان الجهز شغال كويس وبيخش على الويندز تمام ... وكمان انا عاوز خاصية الrecovery

[bdr33733]

بسيطه إن شاء الله - كان عندى نفس المشكله مع اللاب Hp اول مإشتريته وحلها كان سهل بعون الله

أدخل على الربط التالى وحمل برنامج Mini tool partition wizard نسخة الhome edition وهى نسخه مجانيه

سطب البرنامج وشغله وإعرض لنا الصوره اللى هتطلعلك علشان نقدر نفيدك

يالمره هو إيه نوع اللاب؟؟

[toty_king2500]

انا عملت كل الى انت قولته ولكن عن طريق برنامج تانى اسمه Acronis Disk Director 11 Home v.11.0.216 وكل حاجة رجعت ذى الصورة دى

https://www14.0zz0.com/2011/10/11/00/779538660.jpg

المشكلة انى مش ردى بخش على RECOVERY اول ما بشتغل الجهاز من خلال F11 وبقولى PLEASE ISERT WINDOWS DISK AND CLICK REPAIR ورجملة تانى من تحت بيقولى CANNOT REACH THE جملة زى كده مش متذكر على الرغم ان الجهاز شغال كويس والويندز الى جاى معاه شغال زى الفل
المشكلة انى جايف ان RECOVERY يكون باظ على الرغم ان البرتش بتاعه موجود ومتمسحش منه حاجه
والاب لسه جديد زمكملش اسبوع والحكاية كلها باظت لما عملت SHRINK ل C عشان اعمل برتش جديد واتحول لدينمك

الاب نوعه
HP PROBOOK 4530S

[bdr33733]

إيه يا عم ده , إتأخرت أوى فى الرد , أنا قلت مش لاقى البرنامج :D

برنامج الAcronis ممتاز لكن لى معه خبرات مأساويه لذا لا أفضل إستخدامه UNRELIABLE تماما

عموما , هتحتاج يكون عندك هارد خارجى وتفضى فيه مساحة 25 جيجا (unallocated) - لو مش عارف إزاى قوللى

بإستخدام برنامج الMini tool wizard إعمل الخطوات التاليه بنفس الترتيب

1 - إنسخ البارتشن HP revovery و HP tools الى المساحه الفاضيه من الهارد الخارجى

2 - إعمل delete كل البارتشن الموجوده على هارد اللاب ما عدا الC و SYSTEM (متخافش)

3 - كليك يمين على هارد اللاب هتلاقى إختيار change dynamic disk to basic disk وبعدين كليك apply على الشمال

4 - كليك يمين على المساحه الفاضيه (unallocated ) من هارد اللاب وإعمل create بارتشن جديد , اللى هو هيبقى ال D , هتخليه طبعا Logical . خللى بالك تسيب مساحة 25جيجا فاضيين (unallocated )بعد الD على هارد اللاب

5 - وصل الهارد الخارجى وإنسخ الإتنين بارتشن (HP recovery و HP tools ) من الهارد الخارجى الى المساحه الفاضيه (unallocated ) اللى سايبينها فى هارد اللاب

6 - المفروض كده خلاص الدنيا تشتغل مضبوط و لو ضغط F11 مع البوت هيدخل Recovery (خلى بالك الrecovery بيلغى كل التقسيم ويرجع هارد اللاب لحالة المصنع بارتشن واحد عليه فقط OS )

لكن زياده فى الدلع ممكن تخلى بارتشن الHP recovery و الHP tools تحولهم إلى Hidden من داخل نفس البرنامج (كليك يمين على كل واحد وحوله ) علشان نحافظ على البارتشن من أى تغيير

و مبروك عليك اللاب , Good choice

[toty_king2500]

بسم الله الرحمن الرحيم

أولا: جزاك الله كل خير على مساعدتك لى وجعله الله فى ميزان حسناتك ان شاء الله .
ثانيا: انا حابب استفسر على شويه حاجات .

1- بالنسبة للهارد ازاى يكون unallocated يعنى مثلاً انا عندى هارد بتاع جهاز desktop "واستخدمه عندى وصله تخليه يشتغل usb " والهارد ده متقسم وفيه كذا برتشن يعنى اجى على برتشن منهم واعمل delete من خلال computer management وبذالك هيكونلى unallocated area تنفع الطريقى دى ولا لازم يكون كله unallocated
2- بخصوص الكوبى استخدام البرنامج mini tool wizerd فى عمل الكوبى وهينفع يعمل كوبى ويحطهم فى unallocated area الى فى الهارد الخارجى .
3- فى الخطوة 2 , 3 انت قلتلى اعمل delete للبرتشنين هى العملية هتخلى الهارد يرجع تانى dynamic عشان كده انت قلتلى الخطوة 3.

جزالك الله كل خير

[bdr33733]

السلام عليكم ورحمة الله

بالنسبه لأول سؤال - ينفع طبعا تعمل الunallocation بالطريقه دى ومش لازم خالص تلغى كل البارتشنز اللى على الهارد الخارجى
بمعنى إنك مجرد إنك تلغى بارتشن واحد على الهارد الخارجى بيتكون مكانه علطول مساحه فاضيه unallocated

بالنسبه للسؤال التانى - كل الخطوات اللى عايز تعملها سواء على الهارد الخارجى أو هارد اللاب ينفع تعملها بإستخدام البرنامج الرائع mini tool wizard
بما فيها delete البارتشن من الهارد الخارجى و نسخ البارتشنز اللى انت عايزها من هارد اللاب إلى الهارد الخارجى

بالنسبه للسؤال التالت - إلغاء البارتشنز على هارد اللاب لازم يتم الأول (ما عدا طبعا ال c و system ) وبعدين تعمل التحويل إلى basic وبعدين create البارتشنز الاخرى

تخيل إن الهارد بتاعك عليه بارتشن رئيسىprimary فى أوله ثم بارتشن اخر (recovery) فى آخر الهارد , لو حضرتك عملت تصغير للبارتشن الرئيسى وخليت بعديه مساحه unallocated وبعدين حاولت تعمل بارتشن جديد فى المساحه الجديده الunallocated , علطول الهارد بيتحول الى الوضع الديناميكى علشان يقدر يحرك البارتشن الأخير (recovery) للحفاظ على بنية الهارد
طبعا الكلام ده ممكن يكون تقنيا غير سليم , لكن انا فاهم الموضوع بالصوره دى

بمعنى آخر , عندما تقوم بتقسيم الهارد لازم تبدأ بالرئيسى primary الأول وبعدين الlogical واحد ثم إتنين وهكذا , كأنك بتبنى بيت ,بتبني الأساس الاول ثم الادوار العليا
مينفعش تيجى بعد إتمامك للبناء وتشيل الدور الاول من غير ما يتحرك (dynamic ) باقى الأدوار التى تلى الدور الأول

أرجو إنى اكون وصلت الفكره ببساطه حتى لو كان الكلام تقنيا غير دقيق

[toty_king2500]

مش عارف اقولك ايه ... بس جزاك الله كل خير

مفضلش غير سؤال صغير خالص ... طيب هو ينفع فى حالتى دى انقل ال recovery على اسطوانات زى ما قرأت فى موضوع فى المنتدى ؟ .. ولو ينفع اعملها ازاى ؟

معلش انا عارف ان تقألت عليك بأسألتى دى ...

[bdr33733]

جزانا الله وإياكم

مبدئيا لو حضرتك نفذت الخطوات السابقه سيتبقى معك على الهارد الخارجى نسخه من الRecovery و الHP tools ودى تعتبرنسخه إحتياطيه معاك تحافظ عليها
وبالتالى مش محتاج تنقلها على إسطوانات

لكن الأهم إنك تعمل إسطوانات الRecovery ودى فايدتها إنك ممكن تبوت منها اللاب فى حالة لا قدر الله إن الهارد مش راضى يدخل على الRecovery من الF11
وهذه الاسطوانه بترجع لك الهارد لحالة المصنع (بنفس التقسيم الاولانى اللى هو SYSTEM , C , Recovery , HPtools) يعنى هتلغى كل الداتا والتقسيمات بتاعتك ونرجع نقسم تانى من الاول بنفس الخطوات اللى قولتلك عليها :cool:

تقدر تعمل هذا السى دى عن طريق برنامج HP manager اللى المفروض إنه موجود متسطب جاهز على اللاب

بالتوفيق

[man112380]

اخي الكريم toty
ممكن تزودني بمجلد hp tools لاني واقع بنفس مشكلتك وقد فقدت هدا المجلد من القرص الصلب ولا اعرف كيف احصل عليه

والف شكر لك

[bdr33733]

اخي الكريم toty
ممكن تزودني بمجلد hp tools لاني واقع بنفس مشكلتك وقد فقدت هدا المجلد من القرص الصلب ولا اعرف كيف احصل عليه

والف شكر لك

إتفضل يا مان (الملف حجمه 3.27 ميجا بعد الضغط)

https://uploadingit.com/file/3rnlymz...h/HP_TOOLS.rar

[man112380]

السلام عليكم

الف شكر لك اخي بدر

لكن الرابط لم يعمل لدي
ارجو تحميله على موقع اخر او ارساله لي عبر الايميل
man112380@yahoo.com

وامتناني لك

[bdr33733]

^ ^ ^ ^ ^ ^
تم الإرسال على الإيميل

[man112380]

الف الف شكر لك اخي بدر

وجزاك الله كل خير

[man112380]

السلام عليكم
اخي الكريم بدر ان اصدار mini tool home ليس فيه خاصية التحويل الى basic وكذلك الحذف او انشاء قرص

فهي غير مفعلة فيه
فارجو اذا امكن وتكرمتم تزويدي بنسخة او رابط يكون مفعلة فيه هذه الخاصيات لانه يقول انه لا يدعم الداينمك

وشكرا جزيلا لكم

[bdr33733]

^ ^ ^ ^ ^ ^ ^
تم إرسال النسخه البروفيشنال مع الكراك بتاعها على الإيميل

على فكره موقع HP ذكر طريقه اخرى لحل نفس المشكله وهى كالتالى

1- بإستخدام نفس البرنامج mini tool partition wizard
قم بعمل delete لبارتشن الSYSTEM
2- لو كان الهارد عندك متحول الى ديناميك فقم بتحويله الان الى Basic من داخل البرنامج
3- قم بعمل shrink لبارتشن الC مع سحب البارتشن إلى أول المساحه الunallocated
لا تنسى تحويل البارتشن C إلى Active علشان السيستم يعمل بوت منه
4- قم بعمل create لبارتشن جديد فى المساحه الفاضيه الunallocated الباقيه

طبعا الطريقه الاخيره اسهل واسرع لكنى لم أجربها قبل كده
ياريت لو فى حاجه مش واضحه تقوللى