الدرايفات مش مترتبة على ويندوز XP بعد التقسيم بويندوز سفن

[mido9966]

سؤالى موجة خصيصا للمهندسنا الكبير طارق ويارب ترد علينا ومتكنسلناش


بص يا باشا أنا أشتريت هارد 1 تيرا بايت ورحت لواحد صحبى عشان أقسمة على جهازة لأن حضرتك كنت قيلى أن أى هارد من 640 جيجا بايت إلى 2 تيرا بايت لزم ويستحسن يتقسم بويندوز سفن فا نفذت إللى قولتلى علية وقسمتة على جهاز على ويندوز سفن بمعنى ركبت هاردى سلافر وطبعا هارد جهاز صحبى مستر لأن علية ويندوز سفن ودخلت على الويندوز وقسمتة إلى 6 درايفات عملى 3 Primary و 3 Logical تمام كدا أظن أنى كدا ماشى مظبوط وخت من عند صحبى داتا على الدرايفات معاد طبعا إللى حيبقى C إللى هو حينزل علية الويندوز ورحت مروح البيت ومركب الهارد فى جهازى ومدخل سى دى ويندوز أكس بى لآنى من عشاق الأكس بى المشكلة بئا يا مهندسنا لما جت الدرايفات عشان أختار الدرايف إللى حينزل علية الويندوز لقيتهم مش مترتبين زى C ثم D ثم E ثم F ثم G ثم H بمعنى لقيتهم C ثم F ثم H ثم G ثم E ثم D قولت جايز يكونوا مش مترتبين بسبب سى دى الويندوز روحت غيرت سى دى الويندوز وجبت سى دى ويندوز أكس بى تانى غير الأولانى وبرضة نفسة المشكلة قولت طب أختار درايف C وأنزل الويندوز علية ولما الويندوز حينزل جايز يترتبة صح وبعد ما نزلت الويندوز راحت أبص على الدرايفات أشوف الحروف مترتبة ولا لاء بالفعل لقيتها مترتبة بس كا حروف بس لكن الحاجات إللى كنت منزلة فى تانى درايف بعد درايف C لقيتها فى أخر درايف بمعنى أنى لما قسمت الهارد سبت الدرايف إللى حيبقى C فاضى والدرايف إللى بعدة إللى حيبقى D نزلت فى العب والدرايف إللى حيبقى E نزلت فى أفلام والدرايف إللى حيبقى F أغانى وهكذا لما الويندوز نزل بئا لقيت غير كدا خالص درايف D إللى كنت منزل علية الألعاب بئا درايف H على ويندوز أكس بى وهكذا مش مترتبين



ثانيا قولت المشكلة جايز تكون من التقسيم عشان مقسم من داخل الويندوز رحت مسحت كل حاجة على الهارد ورجعتة كانة لسة جاى من الشركة يعنى منغير داتا ولا تقسيمات وقولت أقسم من سى دى ويندوز سفن إلى 3 أقسام وبعد لما لويندوز ينزل أدخل أقسم الباقى من الويندوز وبالفعل عملت دة وخليت ويندوز سفن على الهارد ورحت لصحبى وهو درايف C بتاعى على ويندوز سفن خت منة الداتا تانى وحطيت كل حاجة فى الدرايف إللى أنا عايزة بمعنى درايف D العاب ودرايف E أفلام ودرايف F أغانى وهكذا ورجعت ركبتة فى جهازى وشغلتة لقيتة مظبوط وتمام قولت أنزل ويندوز الأكس بى بئا روحت دخلت سى دى ويندوز سفن عشان أعمل فورمات لدرايف C وبعد كدا أطلعها و أدخل سى دى ويندوز أكس بى وأنزلة وللأسف لقيت نفس المشكلة الدرايفات مش مترتبة


أية الحل


هل فى حل عشان يبقى الدرايفات مترتبة على ويندوز أكس بى زى منا عايز ولا عشان يبقى مترتبين زى منا عايز أفضل منزل السفن مدى الحياة

[master2014]

هو طبعا استاذنا الكبير هو مشرفنا طارق بس انا هرد عليك حسب معرفتي لحد ما مشرفنا الغالي يشوف الموضوع

موضوع ترتيب partitions مكنش محتاج اللي انت عملنه كله ( الفورمات واعادة التقسيم )

في نقطة مهمة انه حضرتك مادام هتستخدم ويندوز xp لو القرص من النوع advanced format يبقي المفروض تستخدم الاداءه الخاصة بذلك من الشركه المصنعه للهارد واسمها WD Align وده علشان افضل اداء للهارد علي ويندوز xp

نرجع لموضوع ترتيب الــ partitions

كليك يمين علي my computer
اختر manage
ومن النافذه الجديده اختر disk management
من الجهه الاخري من النافذه تظهر الاقراص المتصلة بالجهاز
كليك يمين علي كل partition واختر change drive letter and path
من النافذه الجديدة اختر remove
كرر ذلك مع كل الاقسام بما في ذلك ال CDRom او DVD
مرة اخري كليك يمين علي كل partition واختر change drive letter and path ولكن هذه المرة اختر add ثم اختر الــ الحرف المناسب لك ( C -D - E - F - ...... etc ) كرر ذلك مع كل الــــ partitions

تم

ارجو ان اكون افدتك

[mido9966]

أشكرك جدا على أستجبتك بس أنا كان غرضى أوضح فكرة بس للمشرفنا الغالى أن التقسيم بويندوز سفن لزم بعد كدا ينزل ويندوز سفن على الجهاز على طول ومينفعش ويندوز XP بعد التقسيم بويندوز سفن ومن كلام حضرتك أفهم لو أنا عايز أنزل ويندوز XP أقسم عادى بسى دى ويندوز XP وبعد كدا أستخدم الأداة إللى الشركة عملها لأصلاح الخطاء إللى بينتج نتيجة التقسيم بسى دى ويندوز XP مظبوط كلامى كدا ولا فهمت غلط



وبالنسبة لأجابتك بتاعت ترتيب الدرايفات تنفع على ويندوز XP وهل فى فقد فى الداتا إللى موجودة داخل الدرايف ولا مفيش فقد

[master2014]

أشكرك جدا على أستجبتك بس أنا كان غرضى أوضح فكرة بس للمشرفنا الغالى أن التقسيم بويندوز سفن لزم بعد كدا ينزل ويندوز سفن على الجهاز على طول ومينفعش ويندوز XP بعد التقسيم بويندوز سفن ومن كلام حضرتك أفهم لو أنا عايز أنزل ويندوز XP أقسم عادى بسى دى ويندوز XP وبعد كدا أستخدم الأداة إللى الشركة عملها لأصلاح الخطاء إللى بينتج نتيجة التقسيم بسى دى ويندوز XP مظبوط كلامى كدا ولا فهمت غلط

بالنسبة لموضوع التقسيم اللي فهمته صح والاسهل لك انك تقسم بأي برنامج حديث وهو اوتوماتك هيعمل Align ده شوفته من ضمن مميزات كل برامج ال partitioning الحديثه او قسم ببرنامج قديم زي partition magic وبعد كده استخدم الاداءة WD Align علشان تعمل advanced format

بالنسبة لموضوع تغير الحروف خاصة الدريفات مش هياثر علي الداتا نهائي لا تقلق عن تجربة

[mido9966]

أشكرك يا بوب و إلى الأمام

وطلب من حضرتك شرح لبرنامج wd align utility

[master2014]

رابط البرنامج

https://download1315.mediafire.com/b..._e_2_0_107.exe

يمكن تنصيبه علي الويندوز او عمل bootable cd وتشغيله من الــ Dos ويفضل الخيار الثاني بعد تقسيم الهارد مباشرة وقبل تنزيل اي بيانات علية حتي لا ياخذ وقت طويل

اي استفسار موجود ان شاء الله

[tarekforall]

أخي ميدو مرحباً بك
حتى لا ندخل في مناقشات كثيرة ولحل هذا الأمر فهو بسيط ان شاء الله.
كل ما عليك فعله بعد تنزيل الويندوز هو الذهاب الى Disk Management وتغيير الأحرف للترتيب الذي تريده وستحل المشكلة بكل بساطة كما ذكر أخونا ماستر بارك الله فيه.

الآن ماهو سبب هذه المشكلة؟ الحقيقة توجد عدة أسباب كنا قد ناقشناهم في موضوع هنا بالمنتدى ولكن لا أجده :D
أثناء التقسيم يعطي الويندوز الأحرف بالترتيب للأقسام الأولية ثم الأقسام المنطقية.
ثانياً توصيل أقراص خارجية USB أثناء تنصيب الويندوز ربما يؤدي لذلك.
ثالثاً الويندوز نفسه ربما يخطئ ولا يستطيع اعطاء الأحرف بالترتيب الصحيح ولأي سبب.

لكن بما أن الحل سهل كما ذكرت فلا داعي للتفكير كثيراً بالسبب وحل المشكلة بشكل مباشر.

بخصوص التقسيم من ويندوز 7 فهو يقوم بعمل قسم صغير مساحته 100 ميجابايت بأول القرص وعليك في هذه الحالة بعد التقسيم مسح (Delete) هذا القسم ومسح القسم الذي يليه لينضما معاً.