مساعدة ضرورى من فضلكم مشكلة مع كرت GTX560 Twin Frozer II

[ferytighr]

السلام عليكم و رحمة الله وبركاته
يا جماعة انا هجنن فيه مشكلة غريبة جدا من ساعة ماجبت كارت الشاشة
انا عندى GTX560 النسخة الTwin Frozer II و المشكلة انى اول ماجبت الكارت لقيت حاجات غريبة زى مثلا الاقى الشاشة بتطفى مرة واحدة و بترجع تانى و يكتبلى the display driver .... has stopped working and has recovered و اكمل عادى .
و الموضوع ده بيحصل على فترات متباعدة و ساعات بتتكرر بطريقة جنونية لكن الغريب ان فيه فترة جت و المشكلة دى اختفت تماما و ده طبعا بيخلى دماغى تروح و تجيب انا مش عارف هل هى مشكلة تعريفات ولا ايه مع العلم انى حاليا مصطب احدث تعريف الى 285.35 و مع ذلك بتحصل .
و المشكلة ان الموضوع ده لما بيحصل مفيش لعبة بتكمل معايا نص ساعة لعب الاقى مرة واحدة و انا بلعب مثلثات سودة بتظر و بتختفى و شوية ghosting و مرة واحد الاقيها بتهنج و بيخرج برة اللعبة و الموضوع بيكرر جامد مع الالعب التقيلة زى كرايسس 2 و كدة .
فانا الى هيجننى العيب ده من الكارت ولا ايه لانى جايب الكارت بقالى شهرين و اول اسبوعين عمل معايا الحوارات و بعد كدى اختفت تماما لمدة تلات اسابيع تقريبا و دلوقتى المشكلة رجعت تانى و انا محتار لو رجعته للشركة اقلهم ايه و هل ده عيب من الكارت اصلا ؟ لانى حاسس انى لو رجعته الشركة هيختبروه و يقلولى الكارت مفهوش حاجة !!!!!
و ياريت لو حد يقدر يفدنى اعمل ايه لانى محتار جدا و هل فيه برامج اقدر اختبر بيها صحة و سلامة كارت الشاشة ؟
ارجو المساعدة ضرورى لانى قربت اجنن :confused:

[ferytighr]

بالمناسبة يا جماعة دى مواصفات جهازى
Processor : Intel Core I7
Mother : Asus P8Z68 V-Pro
Ram : 4GB DDR3
PSU : 500 WATT

[حمدي 1]

جرب تحذف تعريف الكارت والدرايفر الخاص به من على الجهاز بشكل كامل ويستحسن تستخد أحد البرامج الم خصصة لإزالة الدرايفرات من جزورها وتعيد تنزيل الدرايفر مرة تانية لأن على الأغلب المشكلة مشكلة درايفر وحصلت معايا قبل كده ولكن على كروت من فئة hd amd وإحتمال أخر المشكلة مشكلة باور والله أعلم وننتظر رأي الأعضاء الخبراء جرب كده وطمئنا

[black007]

هل نسخه الكرت الى عندك مكسوره السرعه من المصنع ان لا
اذا كانت مكسوره السرعه فانصحك تققل اعدادات الكسر لان البطاقه تعانى من مشاكل فى الاستقرار على الكسر الى معمول من المصنع
السرعه الاصليه للكرت بدون اى تعديل هى 810 للكور افتح برنامج GPU-Z وشوف اذا كانت كذلك ام لا اذا وجدتها 870 فقلل اعدادات الكسر الى 810 من خلال برنامج MSI After burner

[ferytighr]

جرب تحذف تعريف الكارت والدرايفر الخاص به من على الجهاز بشكل كامل ويستحسن تستخد أحد البرامج الم خصصة لإزالة الدرايفرات من جزورها وتعيد تنزيل الدرايفر مرة تانية لأن على الأغلب المشكلة مشكلة درايفر وحصلت معايا قبل كده ولكن على كروت من فئة hd amd وإحتمال أخر المشكلة مشكلة باور والله أعلم وننتظر رأي الأعضاء الخبراء جرب كده وطمئنا

للاسف يا باشا جربت و شلت التعريف تماما و رجعته تانى و مفيش فايدة ده انا كنت ساعات كنت بغير الويندوز و انزل التعريف تماما من اول و جديد و لكن للاسف بردوا مكنش بينفع

هل نسخه الكرت الى عندك مكسوره السرعه من المصنع ان لا
اذا كانت مكسوره السرعه فانصحك تققل اعدادات الكسر لان البطاقه تعانى من مشاكل فى الاستقرار على الكسر الى معمول من المصنع
السرعه الاصليه للكرت بدون اى تعديل هى 810 للكور افتح برنامج GPU-Z وشوف اذا كانت كذلك ام لا اذا وجدتها 870 فقلل اعدادات الكسر الى 810 من خلال برنامج MSI After burner

هو الكارت مشكلته مش مشكلة كسر هو الكارت مش مكسور السرعة مصنعيا مع انى كنت شاريه على اساس انه مكسور السرعة بس دى كانت مشكلة فى اغلب كروت MSI من الفئة دى فقلت مش فارقة لانى كسرته مع نفسى على 900 و لما حصلت المشكلة جربت الحالتين مكسور و مش مكسور و مع ذلك بردوا المشكلة موجودة .

[ferytighr]

يا جماعة هل فيه برامج اتاكد منها من سلامة كارت الشاشة و خلوه من العيوب المصنعية علشان اقطع الشك عن اليقين
بدل القلق الى عند الواحد ده لان المشكاة فعلا غريبة سعات بتظهر و سعات لأ
و متشكر على مساعدة الجميع

[زيزوالميزو]

عندى نفس مشكلتك بالظبط ومعايا الكارت وانت ليك الحق ترجعو عشان انت متاخد منك 100 حنيه فوق تمن الكارت
وانا عملت مشكله كبيرة وان شاء الله هيرجع قريب
فانت متحيرش نفسك كتير الكارت مبيستقرش الا بحاجه وحده انك تقلل الميمورى بتاعو شوية
والحل الافضل ترجع بيه وابقى ابعتلى رساله خاصه قلى انت شايه منين بالظبط

[mohamed75]

https://forums.nvidia.com/index.php?showtopic=207666
مشكله عامه من التعريف الرسمي 280.26
جرب البيتا الاحدث

[azizhyper]

أولاً الأخوة يبدو انهم جميعا أعطوك الحلول والخطوات اللي ىجب اتباعها في هذه الحالات وكل هذه الأحتمالات التي طرحوها الشباب وارده وانصحك بتجربتها , ولكن عن تجربة شخصية معي على الكارت :

AMD 4870X2

كان مكتوب ومعروف انه هذه البطاقه تحتاج على الأقل 650 وات كمزود طاقة واللي عندي كان 700 وحصلت عندي هذه المشكلة وجربت كل شي تقريبا الدرايفر والفريمويير و و و حتى انني فرمت الجهاز لكن دون جدوى وقبل ان الجأ للتوكيل طرأت فكرة اخيره وهي ان اجرب مزود طاقه اكبر وفعلا استعرت من أحد الأصدقاء مزود طاقه احترافي بقوة 850 وات والحمدلله اشتغل 100% وهذا ما جرى معي ولكن يجب التجربة أولا وأخيرا

ارجوا ان اكون قد ساعدت في حل المشكلة وسلام......

[amhme]

انا كان عندى نفس المشكله بس مع MSI N580GTX Twin Frozr OC بس لما عملت ابديت للبيوس من على ببرنامج MSI LiveUpdate اتحلت المشكله لان فى مشاكل عدم استقرار فى الكروت المكسوره سرعتها, نزل الاصدار الجديد من البرنامج من على موقع MSI وبعدين اعمل ابديت للبيوس...

[الصقر القادم]

البور 500 واط كافية جدا وهذه المشكلة عزيز هي مشكلة عامة في كروت msi 560 gtx لذا انصحك بنسخة من شركة asus او palit 2gb

[ferytighr]

طيب شكرا جدا لكل الى ساعدونى و انا كلمت الشركة بالفعل لكن قالولى انك ممكن تكون لما رفعت سرعة الكارت من غير ما تزود الفولت ده اتسبب فى خلق خلل فيه
مع ان الاعدادات الى عاملها دلوقت
Core Clock 900
shader clock 1800
mem clock 2100
core V 1050 mV
و اعتقد ان المعايير دى فى الكسر متسببش حاجة للكارت للانى راجعت كذا تجربة من على مواقع الانترنت و لقيتى الاعدادات دى متصبش الكارت بأى أذى !!!!!!!
مع العلم ان درجة الحرارة اثناء اللعب مع الاعدادات دى مبتعديش 74
و هو قلى انه مستعد يستلم الكارت و يوديه للتوكيل و هو يشوقفه
و انادلوقت مش عارف اعمل ايه اوديه للتوكيل ولا لأ

[ferytighr]

انا كان عندى نفس المشكله بس مع MSI N580GTX Twin Frozr OC بس لما عملت ابديت للبيوس من على ببرنامج MSI LiveUpdate اتحلت المشكله لان فى مشاكل عدم استقرار فى الكروت المكسوره سرعتها, نزل الاصدار الجديد من البرنامج من على موقع MSI وبعدين اعمل ابديت للبيوس...

للاسف نزلت البرنامج و رافض انه يشتغل مش عارف ليه

[amhme]

نزل الـ version ده
https://download1.msi.com/files/down...LiveUpdate.zip
هو اللى اشتغل معايا لان اللى جاى مع الاسطوانه ماقرأش البيوس بتاع الكارت..

[Lionel Messi]

أخى انا امتلك كارت
N560GTX-Ti Twin Frozr II/OC

وكاسر سرعته مع الكسر المصنعى لـ 930 ميجاهيرتز على لعبة far cray بدون أدنى مشكلة

لو انت مركب الكارت على كابل dvi ياريت تشترى كابل hdmi ماركة كويسة وتجرب وتشوف