هل تغيرت بعد الثورة؟ (دعوة للنقاش)

**Mohamed.Kamal** · 15-10-2011, 04:15

الثورة التونسية ثم المصرية ثم الليبية،،، وقريبا إن شاء الله سوريا واليمن..

أزالت هذه الثورات حكما ديكتاتوريا سيطر على مجتمعاتنا عقودا طويلا... ولكن يبدو أنها لم تزل بعد ما عشش في مجتمعاتنا من سلوكيات وتصرفات سلبية كثيرة جدا...

اليوم وكل يوم أتساءل بكل صدق: هل تغيرت بعد الثورة؟
ما هي السلوكيات السلبية التي تخليت عنها؟

هل أقف في طابور، وأحث الناس على هذا؟
هل ألقي القمامة في الشارع؟ أم أبحث عن صندوق قمامة؟
هل أصيح وأتجمهر؟ هل ما زلت احب الفضائح والغيبة والنميمة؟
هل وهل وهل؟

دعونا نسأل أنفسنا بطريقة مختلفة: ما هي السلوكيات السلبية التي نراها في مجتمعاتنا ونريد التخلي عنها؟

من وجهة نظري أرى أن هناك سلوكيات يجب أن نتخلى عنها وأن نبدأ بها لنتغير فعليا:

- الكسل... يجب أن نعمل.

- الكلام الكثير... نحن شعب يحب الكلام الكثير، والوعود الكثيرة والمحصلة لا شيء... كلام في كلام

- السلبية... نادرا ما تجدنا إيجابيين، حتى عندما يقتحم شخص طابور من الناس، ستجدنا كلنا ننظر إليه ببلاهة ولن تجد سوى شخص واحد إيجابي يصيح

وأنتم، ما هي السلبيات التي يجب التخلص منها حتى نستطيع أن نقول أننا فعلا تغيرنا بعد الثورة؟

**ellassy** · 15-10-2011, 10:22

الحمد لله بعد المظاهرات ! ( الثورة سايقا )
بقيت اكثر سلبيه واكثر تنفيضا وكبرت دماغى اكتر من الاول والبركة فى عمو طنطاوى ربنا ياخده

**محمد حسن احمد** · 15-10-2011, 10:48

والله انا عايز حضراتكم تفتكروا في اول الثوره كانت الناس عامله ازاي .... اقسم بالله العظيم شوفوا انا عمري 30 سنه عمري ماشفت الناس باحسن حال افضل من تلك الايام كانت الناس اتغيرت بقي عندها احساس بادميتها بقينا نخاف علي بعض ونحب بعض بقينا نمشي في الشارع والله نبص لبعض بنظرات عمري ماشفتها طول عمري نظرات فيها حب وفخر وامل بغدا افضل ... لكن ... غلطنا غلطة عمرنا يوم ماسيبنا الميادين ( انا مش حقول الميدان ) يوم 11 فبراير ( الكذبه الكبيييييره اوي ) ... ومن يوميها من ساعة ماسلمنا للمجلس العسكري واحنا اصبحنا اسوا من ذي قبل صدقوني الشعب ده والله ماليان كنوز من جوه وماليان طاقه رهيبه ( لكن انظمتنا بمثاية عنق الزجاجه بلغة الهاردوير ) ياريتهم حتي عنق زجاجه دول امتصوا كل حاجه فينا ... حتي عقولنا فيه مننا ناس اسف في اللفظ قلعت اللي في رجليها وحطته في دماغها ...

**EL KING OMAR** · 15-10-2011, 14:15

إِنَّ اللَّهَ لا يُغَيِّرُ مَا بِقَوْمٍ حَتَّى يُغَيِّرُوا مَا بِأَنْفُسِهِمْ

ماذا كنتم تتوقعون الثورة ؟؟؟؟
ماذا كنتم تتوقعون من المجلس العسكرى ؟؟؟
أنه يمسك كل واحد و يفهمه الصح من الغلط ؟
اللى بيرمى زبالة فى الشارع ...... و اللى بيقلب الزبالة عشان ياخد الكرتون و يبيعه ...... و اللى بيركن صف تانى و يمشى عكس الاتجاه عشان ضابط المرور مش واقف
ليه لازم يبقى الضابط واقف عشان نحترم الإشارة ؟
ليه نقول عايزين نبقى زى أمريكا و أوروبا بدون فعل ؟
ليه لازم نزق بعض فى الطوابير ؟
ليه ندور لبعض على غلطة عشان نعمل عركة ؟
ليه ناس بتقول أن بعد الثورة الحكومة ملزمة تدور على شغل للناس اللى على القهاوى و الناس دى مش فى دماغها ؟
ليه كل واحد يقول "و أنا مالى" ؟
ليه ننساق ورا أى كلام بدون تفكير ؟
و ليه و ليه و ليه

للأسف لا الثورة ولا المجلس العسكرى ولا أى رئيس جديد ولا الحكومة لهم دخل بالتغيير
التغيير يجب أن يأتى مننا لكن واضح أنه مع الأغلبية السلبية لن نتغير

**محمد حسن احمد** · 15-10-2011, 16:19

انت عندك حق في كل اللي انت قولته لكن فوق ده كله لازم نظام نظيف يمسكك ويكون عنده روئيه شامله ومشروع قومي حقيقي يلم الشباب اللي قاعده علي القهاوي دول مش الواحد يروح شركه ولامصنع يتمص دمه وياخد علي ..... انت عارف يبقوا اللي ماسكينك مبيمدوش ايديهم ويخافوا علي مصلحة البلد بجد لانه حيبقي عارف انه لو متقاش ربه في عمله واللي وعد بيه شعبه حيتشال حيتشال لا محاله مش يتعامل مع البلد كانها عزبة اهله اللي ورثوهاله ... ساعتها مش حتلاقي عواطليه كتييير ولا طوابير الموت سواء علي افران العيش وانابيب البوتاجاز اللي ماهانش عليهم حتي يدخلوا للناس الغلابه بتوعهم الاول لا الاولي يدوا لاسرائيل امهم اللي بتصرف عليهم اصل ... الاصلاح ياعزيزي بيبدا من فوق مش من تحت ... انما لو بتتكلم عن اللي مطلوب من تحت هوه ان الناس تفهم مين عدوهم بجد وتفكر بعقلها وتشغل اللي المفروض ربنا كرمنا بيه عن البهيمه والقرود ...

**H@IDER** · 17-10-2011, 19:31

أشكرك أخي محمد على الموضوع

, حقيقةً لو سألتني : هل تغييرت الأفكار لدى العراقيين بعد خروج الحاكم السابق ؟ هل تغييرت سلوكياتهم و طريقة تصرفهم أم أصبحوا للأسوء ؟ لأجبت عليك بكل سهولة لا ! لم يتغييروا قط, بل أصبحت الأموال كأعراضهم, فهذا كل ما يَهمُهم, يأتي حاكم بعد حاكم و واحد أسوء من الأخر.. ماذا عسانا نقول ؟ الحمد لله على كل حال.

**hack4love** · 17-10-2011, 22:54

نفسي الشعب المصري يترك ثقافه الفهلوه

انا جدع لو كسرت اشاره علشان العسكري مش موجود انا جدع علشان مشيت مخالف اناجدع علشان موقفتش فيالطابور وجيت من الجمب ووقفت فيالاول وحجات كتير

طبعاا ده بسبب 40 سنه غرس النظام السابق تلك الافكار في عقل الشعب المصري انه مينفعش يمشي بنظام لازم ينط الحواجز

اتمني من الناس تغير من نفسها او تحاول حتي

موقف في موقف السوبرجيت فيالقاهره جيت وقفت فيالطابور ووقفت مده طويله حوالي ساعه و اكتر تلاقي بقي الفهلويه ساعه لما يبداء حجز التذاكر تاقي ناس بدائت تحكها :D في الطابور واحجزلي معاك و يحاول ياخد مكان مش مكانه والكل ساكت انا الوحيد اللي اتكلمت وزعقت قولتله ياريت تحترم الناس الي واقفه دي كلها

**ENG/ Mohamed hassan** · 18-10-2011, 00:58

نعيب على الزمان و العيب فينا وما للزمان عيب سوانا

الف سؤال تلاقى اجابته ... مبارك ونظامه عليه 40% من اللى البلد فيه الشعب عليه 60%

طوابير العيش ايه سببها ؟؟
مسؤليه مزودجه شعب و حكومه لما الفرن يقفل على 2 ده بيكدس الناس خلال الفتره ديه على حين لو فضل لحد 6 بالليل ده هيقلل الزحام الصبح ده مسؤليه حكومه
نيجى للشعب ... اللى بيشترى 30 الف رغيم ياكل الف و يرمى 29
اللى يجيب عيش عشان ياكل الفراخ و البهايم
صاحب الفرن اللى بيروح ياخد الدقيق من الحكومه اقسم بالله ب 9 جنيه بس يروح يبعه على الاقل ب 100 جنيه
موظف التفتيش المرتشى اللى بيروح و يطرمخ على الحكايه

نيجى لازمه البنزين ؟؟
السبب برده مزدوج
حكومه معندهاش ثقافه اداراه ازمات و لا تخطيط للمستقبل
الشعب ... ناس معندهاش ضمير بيتسرق البنزين المدعم على سفن و يتهرب لاى بلد تانيه و اللى لبس تمن الحركه ديه فى الاول والاخر المواطن

نيجى لازمه الزياله ؟؟
برده حكومه و شعب بس لازم نبدا بدور الشعب الاول
الحكومه نزلت صناديق رغم انها قليله بس نزلت ثقافه الشعب الممتازه بقت الصناديق تتسرق و تتحط جوه المحلات والبياعين ياخدوا العجل عشان يعملوه لعربيات خضار عشان لما البلديه تنزل عليه يعرف يجرى كويس و لما عمال النضافه يجوا يفرغوا الصندوق يكحت الصندوف لحد ما يتكسر
الناس لو الصندوق بعيد عن بيتها 100 متر مينزلش يرميها فيه لا بدل ما ينزل و يمشى من البلكونه و طوح على اى حته
دور الحكومه .... ان عدد الصناديق كان قليل جدا بالذات فىالمناطق الشعبيه ... و العكس تماما فى الاحياء الراقيه كان دول بشر و دول جراثيم

اتدهور التعليم ؟؟
لاول مره اقولها برده حكومه و شعب
لو كل واحد بيدخل الكليه اللى بيحبها بس مكنش ده بقى حالنا انما لو فتحت التنسيق برغبه الطالب كان زمان مصر كلها اطباء صيادله مهندسين !!
نيجى للحكومه ... ميزانيه التعليم تقريبا ممكن يغيروهاا و يقولوا عليها ميزانيه محو اميه

الاطعمه الفاسده ؟؟
حكومه رقم واحد شعب فى المرتبه التانيه
لو الحكومه بتعمل عقوبات رادعه زى حكايه لبن الاطفال الفاسد فى الصين اللى العقوبه على الجانين وصلت لاعدام مكنش ده بقى حالنا الا لما تسمم مدرسه و لا تجيب ل 5000 او اكتر امراض فتاكه تتلهف 10 سنين و تعملك من ورا الحكايه كاممليون تقضى العقوبه و تطلع تعيش ملك
نيجى للشعب ان العامل فى مصنع اللى شايف المصنع بينتج غلط بيبلغ مكنش ده حصل برده

ازمه غلاء اسعاار ؟؟؟
حكومه و شعب
لو الشعب بيشترى على قد حاجته فى يومه بدل ما يشترى و يرمى مكنتش الاسعار هتعلى
و حكومه نايمه فى اللمون مفيش رقابه اسعار السلع عالميا تنزل و فى البلد مش بتنزل و تيجى تتكلم يقولك بلاش تشترى صباحوووو يا حكومه

نيجى لازمه الشقق اللى هى السبب فى تاخر سن الزواج ؟؟
رقم واحد ناس معندهاش ضمير
لما طن الحديد تمنه 3500 جنيه شكارت اسمنت 40 جنيه متر رمله حوالى 20 جنيه و يمكن اقل .... ايه اللى بيوصل الشقق ل 300 و 400 الف ده المتوسط !! سعر مواد البناء تنزل و الاسعار مش بتنزل
دور الحكومه الغايب المراقبه و الردع

الفوضى اللى عايشين فيها ؟؟
ثقافه شعب رقم واحد حكومه رقم 2
لما فى القرن الواحد و العشرين فى سنه 2011 لسه بنقول مسلم و مسيحى !!
لما الناس تترجم الحريه انك تعمل اللى انت عاوزه صح او غلط يضر غيرك او ميضرش هى ديه الحريه فى مفهومه
حكومه بقى دورها فى الردع بدل ما كل حاجه شماعه الفشل اللى تقلت اوى كل حاجه فلول و بطيخ
كان الفلول دول اشباح بيظهروا فجاه و بيختفوا فجاه

راى فى الكلام ده كل و اللى انا شايفه بالوضع ده مصر مش هتتغير ولو بالطبل البلدى
انا مستنى اليوم اللى اتخرج فيه و مش هستنى يوم واحد هنا ... كفايه كده فى بلدك و لا ليك كرامه و لا قيمه و لا تقدير و لا حقوق :ah8::ah8::ah8:

**EL-MARIACHY** · 19-10-2011, 05:46

هل أقف في طابور، وأحث الناس على هذا؟

طوال عمرى اقف فى الطابور و هذا يؤدى الى تأخرى فى اشياء كثيره و ارى اناس كثيره اكبر و اصغر منى سناً و دائماً ما يتخطون الطابور و يفتعلوا المشاكل ليأخذوا مكان احد امامهم ،

فطوال عمرى ملتزم قبل و بعد الثوره

هل ألقي القمامة في الشارع؟ أم أبحث عن صندوق قمامة؟

طوال عمرى لدى حساسيه فى الأنف و لذلك بيكون عندى رشح كثير ، فعندما اقوم بالنفّ فيتكون لدى مناديل كثيره متسخه فبأضعها فى كيس صغير فى شنطتى او اضعها فى منديل اكبر و عندما ارجع بيتى ارميها فى الزباله

و طبعاً و انا مروح المنزل ، اجد احد الجيران يرمى بمهملاته من الدور السابع لتنزل على إحدى العربيات الواقفه فى الشارع لتقوم بثنى الكابوت و بضعه منها يقوم بالسقوط على !

هل أصيح وأتجمهر؟ هل ما زلت احب الفضائح والغيبة والنميمة؟

الحمد لله لم اصيح او اتجمهر فى اى مكان لا قبل الثوره و لا حتى فى الثوره و لا بعدها !

اعتقد ان الثوره ليس لها عامل مؤثر فى هذا ، انما العامل كله فى التربيه من الأساس ، فحتى ان كان 60% من الشعب مهمل و يرمى بقاذوراته على جيرانه و يفعل كل شيئ سيئ ، فلا توجد اى ثوره ستعدل من سلوكه ، و ان كانت عدلت من سلوكه ، فستكون لوهله من الزمن ثم سيرجع الى طبعه الذى تربى عليه !

من إحدى المشاكل التى اواجهها فى إلتزامى بالقانون ، عندما اركب عربيه احد الأصدقاء او التاكسى فأقوم بربط حزام الأمان ، عندما اقود السياره فى الطرق السريعه او على الكوبرى و التزم بالسرعه القانونيه ، فأسير ابطأ من كل الناس ، و يمروا بجانبى و يسبونى ، حتى اصدقائى الذين كانوا يجلسون بجوارى يقوموا بالسخريه منى لإلتزامى بالقانون !

هل مازلت تعتقد ان الثوره ستغير الشعب ؟

**Mubarak** · 19-10-2011, 11:02

عدد من الأخوة هنا مصدر من مصادر الفشل والتخذيل، كلمة حتى "ربنا يصحح الوضع"...

**محمد حسن احمد** · 21-10-2011, 12:02

والله انا مش محبط بالعكس انا متفائل ان مسير الامور ان شاء الله تتغير ولما نظامنا السياسي يتحسن حتتحسن معاه الناس ... الناس عملت اللي عليها ومازالت بس ديتنا نلاقي بوادر للتغيير اتفرج شعبنا ده حيبقي عامل ازاي ( اصل احنا في الاول والاخر مش خلقه تانيه غير بقية البشريه ) ... بامكاننا نفكر ونعمل ونبني بس المهم يمسكك مايستروا كويس حيقدر باذن الله ينظم الايقاعات العشوائيه اللي احنا شايفنها في بلدنا دلوقتي .... اما احنا اللي مطلوب مننا ننسي اختلافاتنا شويه ونلتفت لمصلحة البلد العليا ( ده ان كنا عايزين حال بلدنا ينصلح ) .....