نظـــــــــــــــــــره على** unifi ** وشرح امكانيات الجهاز وبعض استخدماته

**™EL HOSIENY** · 17-10-2011, 16:21

بسم الله الرحمن الرحيم

النهرده نتكلم عن جهاز جديد من شركه يبكويتى ubnt .. الجهاز جديد بالنسبه لينا هنا فى الشرق الاوسط وافريقيا لعدم توافره طول الوقت ولكن الشركه منزلاه من فتره وايضا نزلت اطوار جديده منه لسه هتعلن عنها فى القريب العاجل

unifi

بعد تجربه الجهاز وضح لى انه من اهم واقوى اجهزه الواى فاى فى العالم من حيث التغطيه ان دور داخل المنشات والبيوت حيث يتم استخدامه داخل المبنى وتغطيته بطريقه مثاليه وبشكل جمالى رائع جدا ..بصراحه ادهشنى الجهاز من قوته ومدى اشارته والاهم الداتا ريت الخاصه بالجهاز وقوه ربطه بالاب توب والموبيل والاى فون وغيرها م الاجهزه الحديثه
ولينك الجهاز على موقع الشركه
https://www.ubnt.com/unifi

امكانيات الجهاز

1/ وزن الجهاز 250 جرام فقط
2/ يعمل بنظام بث 2*2 مثلا اجهزه الاير ماكس لاحتوائه على 2 انتنه خاص به
3/ المود b/g/n
4/ يعمل عن طريقه poe 24 v
5/ خرج الباور الخاص بالجهاز 20 دى بى ام يعنى 100 ملى وات
6/ يستطيع تحمل ازيد من 100 عميل فى وقت واحد

وغيرها من الامكانيات بس دى اهم نقطه حبيت اوضحها

وده رابط الداتا شيت الخاص بالجهاز

بعض الصور الخاصه بالجهاز

طريقه الدخول على الجهاز

الجهاز اول ما تمسكه وتحاول تعمل كونكت عليه هتلاقى ربلاى فى البنج بتاعه على 192.168.1.20 ولكن لن فتح معك ف http .. الجهاز يعمل عن طريق اسطوانع خاصه بيه عليها البرنامج الخاص بالجهاز يتم تسطيب البرنامج على الجهاز وياريت جهازك يكون عليه net frame وبيبدا البرنامج اثناء تسطيبه يعمل دونللود للباكت من ع النت اوتوماتيك يعنى مش بس الاسطوانه وكمان لازم تبقى اون لاين عشان تقدر تكمل تسطيب البرنامج على جهازك ..

الاهم من كده انت مثلا معاك قطعه قطعتين 3 قطع او 4 او 1000 .. كل القطع الى انت عايز تشغلها معاك ف السيستم لازم تكون راكبه معاك على سويتش وتكون متصله بالكمبيوتر بتاعك اثناء التسطيب عشان يظهروا جميعا معاك على البرنامج ودى من اهم نقط التسطيب يعنى مش كل قطعه بتركب لوحدها بل يركبوا جميعهم فى سويتش واحد وتقدر تتحكم فيه جميعها من خلال البرنامج الى اتسطب معانا ..

بعد تسطيب البرنامج وفتحه يظهر ليك عدد القطع الشابكه معانا (الى راكبين ع السويتش ) ولو قطعه مش معمول ليها ريست وعليها شغل قبل كده مش هتظهر معاك .. بعد ما يقرى القطع معانا تبدا تدخل ع صفحه تحكم البرنامج وهتلاقى واجهه جديده جدا وغريبه .
تبدا تكتب ssid للقطع خد بالك هتبقى ssid واحده لجميع القطع ودى البرنامج بيعملها اوتوماتيك ولكن تقدر تغير اتشانلات كل قطعه على حده ..طبعا بتظهر تفاصيل كل قطعه لوحدها وبتقدر تتحكم فيها وتشوف مين رابط عليها وتقدر ترسترها وتتحكم ف السيستم تماما من البرنامج

هنرفق بعض الصور المتاحه حاليا لايضاح

دى صوره فيها قطعتين موجود معايا على الجهاز وانا مغير الاتشانلات واحده 6 والتانيه 11 .. طبعا البرنامج يقولك كام يوزر شابك عليك ورابط على اكسس فيهم وبيسحب داتا قد ايه .

الصوره القادمه مهمه جدا ل سبب اننا هنشوف ف netstumbler 2 مالك ل جهازين unifi ولكن على الاب توب والموبيل بتظهر شبكه واحده

يعنى عندك ف المكان كله 10 قطع او 20-30 هيظهروا كلهم عندك على الموبيل او الاب انهم شبكه واحده فقط تقدر تعمل كونكت عليها عادى جدا

طبعا شايفين شكبه اسمها unifi egypt موجوده ب جهازين ولكن تظهر ب ssid واحد وتقدر تعمل كونكت عليها من غير اى ديلاى نهائى

نقطه مهمه جدا الى جايه ان مثلا عندى عميل او يوزر اسمه mahmoud عامل معايا كونكت وففيه لوج ف الجهاز يخليك تقدر تشوف العميل رابط على اى قطعه وكمان اليوزر بيتحرك مثلا بالاب توب او الموبيل وبيفصل من القطعه الاولى وبيربط على التانيه اوتوماتيك دون اى ريكوست فى البنج او ديلاى واحده نهائى ودى جربتها بنفسى كذا مره عشان اتاكد منها حتى وانا بعمل دونللود وشوفها فى اللوج فى الصوره القادمه

خاصيه تانيه التحكم فى الاجهزه وانك تقدر تشفها كلها قدامك على خريطه للمبنى كله وتقدر تشوف مين شغال ومين مش شغال وانت فى مكانك يعنى لو قطعه فصلت تقدر تعرف مكانها ويظهر قدامك على الخريطه.. البرنامج فيه امكانيه وضع خريطه للمكان ويقدر يقولك اشاره كل قطعه تغطى قد ايه وكمان اخر اشارتها فين وتعمل ايه عشان الاشاره تغطى المكان كله ..
وممكن تعمل ريستارت لاى قطعه يعنى تحكم كامل فى المبنى وتشوف كام يوزر وكام اتصال عندك واماكن الاشارات واى قطعه شغاله وايها فاصله

فى الصورتين الى فاتوا موجود قطعتين وكمان على الخريطه تم وضعهم وشايفي اشارتهم وفيه اوبشن كتير ممكن تشوف مين كونكت عليهم حتى تقدر تعمل بلوك للعميل الى شغال او تسمحله بالدخول ..

دلوقتى هعمل حاجه مهمه هعمل ريستارت للقطعتين ونشوف نتايج كل قطعه على الخريطه وهتشوف الفرق بنفسنا واضح جدا
هرستر القطعه الاولى مره وارجع ارستر القطعه التانيه

بيظهر ليك علامه ان القطعه فصلت حتى لو عملت ريستارت بتظهر بردوا يعنى البرنامج متصل تماما بالقطعه
اثناء الريستارت لكل قطعه طبعا يوجد يوزر فى المكان هنلاحظ ان اليوزر فصل من القطعه الى رسترت وربط اوتوماتيك على القطع الى شغاله من غير اى ديلاى فى البنج او قطع فى الاتصال ودى ممكن نشوفها فى بنج الصوره التاليه

نلاحظ عدم تاخر فى الربط او قطع فى الخدمه
البرنامج بحاول اظهر كل تفاصيله وخباياه بس بجد البرنامج هوسر الجهاز ده . الجهاز تحفه ولكن البرنامج ده هو السر الخاص بيه وكمان زود من كفائته وقوته كمجموعه اكسسات ممكن تغطى مبنى كامل full coverage مهما كان حجمه والعوائق فيه كبيره جدا .. الجهاز قوته فى مجموعته مع بعض ويشتغل كمجموعه فى وقت واحد حتى عشان كده الشركه مش بتبيع كل قطع على حده ولكن اقل عدد بيطلع فى كرتونه بيبقى 3 قطع ..
فيه نقطه مهمه ايضا الجهاز لا يعمل بنظام wds او ال mish يعنى مش القطه مش بتربط على بعض لاسلكيا ولكن لابد ان تكون القطع كلها متصله معا ب كيبل او على سويتشات يعنى مش رابطين مع بعض لاسللكى نهائى يعنى عشان الجهاز يتركب لازم يوصل فى كل مكان ليه كيبل متصل بالشبكه عشان يحصل اتصال بين جميع الاجهزه والبرنامج يقدر يقوم بدوره فى المتابعه والتحكم
تانى نقطه الجهاز ده يستخدم ان دور فقط داخل البيوت والمستشفيات والفنادق مهما كبرت المساحه الداخليه ومهما كبرت العوائق وتقدر تزود عدد القطع وتربطهم ببرنامج واحد طبعا معاك
لو هتدخل قطعه جديده السيستم معاك يبقى لازم ترجع تظبط تسطيب البرنامج من الاول وتكون كل القطع راكبه معاك بكيبل وهكذا ف كل مره بتزود العدد من القطع ..
الاعضاء الكرام انا حاولت اظهر بعض خواص البرنامج الخاص بالجهاز ولكن من شده انبهارى بيه ما اقدرتش اخد صور اكتر وكمان اكتب داتا عنه وان شاء الله يتم اضافه جديد الجهاز فى الموضوع دايما

الشركه نزلت اطوار جديده من الجهاز حيث ان القطعه دى 100 ملى وات ومع متابعه الشركه تم نزول اصدار جديد تصل قوته 27 دى بى ام ما يعادل 500 ملى وات ..وكمان شوفت موديل جديد يشبه تماما الروكت تماما ويخرج منه 2 انتنه rubber انا شفت المنتج الجديد ده فى تقرير للشركه ولكن لم يسعنى القوت انى اطلع عليه اكتر مع العلم انا هذين الموديلين لم يظهروا فى الاسواق حتى الان او ممكن يكونوا نزلوا ف الاسواق الكبرى فى العالم ..

وان شاء الله اى جديد عن الجهاز الرائع ده نضيفه فى الموضوع

خالص تحياتى للجميع

م/ محمود الحسينى