صفحة 1 من 4 1 2 3 4 الأخيرةالأخيرة
النتائج 1 إلى 15 من 49

الموضوع: اتنصب عليه عشان ائتمنت ناس وفى الاخر انا الى لبست

  1. #1
    عضو الصورة الرمزية Tayfoor
    تاريخ التسجيل
    May 2011
    المشاركات
    298
    الدولة: Egypt
    معدل تقييم المستوى
    7

    Thumbs up اتنصب عليه عشان ائتمنت ناس وفى الاخر انا الى لبست



    السلام عليكم
    ارجو من السادة المشرفين من التثبيت والى انا كاتبه ده حقائق ومعايا ادلة

    التعامل للاعضاء جميعا خد فاتورة معتمدة او مبايعة متهملش حقك عشان ميحصلكش الى حصلى







    اولا احب انوه عن عدم التعامل مع العضوين ( محمود راجح - ايمن زغروف) لانهم بيبعوا حاجات مسروقة
    الحكاية بدات فى رمضان لما محمود كان عارض شاشة تلفزيون benq tv mk2432 واتفقت معاه انى حاجزها
    مقابل 600 جنيه وشاشة سامسونج 20 بوصة استخدام 5 شهور تقريبا
    المهم روحت اقابل محمود عند محطة مترو عين شمس اكتشفت ان الشاشة مش بتاعته اصلا وبتاعت واحد (صاحبه ويثق فيه ده على لسانه) اسمه ايمن زغروف المهم اديت الفلوس وشاشتى (لمحمود راجح) هو الى استلم الفلوس وشاشتى بفاتورة معتمدة مختومة
    ولما جه ايمن يسلمنى شاشته لقيت الفاتورة عبارة عن بيان ولا فيها لا ختم ولا عنوان ولا اى حاجة ولا حتى رقم تليفون قلت لمحمود الفاتورة دى مضروبة
    والشاشة شكلها مسروقة قام ضحك وقالى يابنى متخافش ولقيت عم زغروف ده بصدر مفتوح الشاشة دى بتاعتى لحد اخر السنة بعد ككده عندك سنتين من للتوكيل وختها وانا واثق فى محمود لانى معرفش مين ايمن زغروف ده اصلا وبعد شهر ومدة الشاشة اتحرقت وروحت سملت الشاشة لمحمود عشان يديها لايمن عشان هى عنده
    وفضلت اسبوع اتصل بياجل ويقول بوكرة بعده لا خميس لا اربعاء لحد ما الاسبوع بقى شهر ونص وانا معنديش شاشة اشتغل عليها بعد كده اضايقت واتصلت بايمن قالى الشاشة هتتبدل خدها منى الاربعاء(الى هو بعد اسبوع) وطبعا لان مفيش مصداقية مختش لا الشاشة ولا تمنها واتصلت الخميس بمحمود وقلتله انا كده بقالى شهر ونص ومفيش لا شاشة ولا فلوس رحت لمحمود لانه هو الى بيعهالى وهو الى كان عارضها وهو الى اخد الفلوس قالى وهو ايمن يعمل ايه العيب من التوكيل هما الى ماخرينها
    وقعد يقولى انه بيعمل كده لله وهو مالوش دعوه اصلا بالموضوع
    ولو الشاشة هتعمل مشاكل قالى خد شاشتك القديمة وفلوسك (طب وهما فين ولا كان كلام مدهون بزبدة)
    اخر متخانقت محمود راح مشهد استاذ محمد خليفة على الموضوع واستاذ محمد قالى استنى للاربعاء الى جاى ولانى عارف اصلا ان ايمن كداب ومحمود بينيم فى الدرة طلبت من ايمن مبايعة
    وانا الى اتعامل مع شركة ibs الى هو توكيل benq ايمن رفض يعمل مبايعة بحجة ان الشاشة مستعملة فقلتله مال الكلام ده ومال المبايعة
    المبايعة دى اثبت حقى فى مطلبتى بالشاشة عند التوكيل
    اسبوع عدى وروحت لمحمود اخد المبايعة ادانى وصل استلام شاشة من التوكيل ولما قلتله فين الفاتورة ادانى نفس البيان الى مش موضح اى شىء لا رقم تليفون ولا عنوان ولا حتى اسم المحل كل الى مكتوب فيها اسمى بس (أ\كريم) وموديل الشاشة ولا توقيع ولا تمن ولا اى حاجة
    روحت للتوكيل اكتشف ان اصلا مفيش مشكلة لا فى الاستبدال او ارتجاع الثمن مع الخصم بس طلبوا منى فاتورة معتمدة
    اتصلت بمحمود وقلتله الفاتورة دى مش معترف بيها والشاشة مسروقة قعد يضحك ( ولانه كان له عندى تمن بضاعة) كل بعقلى حلاوة و قالى هات ياعم الفاتورة اجبلك انا الشاشة بوكرة ( بعد ماخد فلوسه) قام متصل بايمن زغروف
    وبعد كده الموضوع اتغير وراح مرجعلى البيان تانى ووصل ibs
    وقالى (قال ايه عايزينى اروح التوكيل تانى واتصل مش عارف بمين عشان يكلم مين) قلتله الكلام ده ميدخلش عقل انا عايز الفاتورة المعتمدة بتاعت الشاشة
    ورجعنا لنفس الموضوع تانى هستنى اسبوع ومش عارف ايه (قلتله بقولك ايه دى كانت حجتكم ان التوكيل هو الى ماخر الموضوع) بس لا التوكيل ماخر ولا اى حاجة والموضوع ده فيه انه والشاشة دى مسروقة قالى مسروقة فين
    وقعد يضحك قلتله ادينى عنوان المحل الى اتباعت فيه الشاشة قالى معرفش
    قلتله طيب ادينى عنوان زغروف قالى معرفش قلتله طيب ادينى تليفون المحل
    ادانى رقم موبايل لسه بقول الو شركة الحمد واحد رد قالى انت بتاع الشاشة قلتله اه انا كنت عايز فاتورة الشاشة عشان اتعامل انا مع التوكيل قالى مفيش فواتير(اشرب من البحر يعنى؟) وجيت اكلم محمود قالى اصل مش عارف انت بتتهم ايمن انه نصاب وبتاع وراح عامل فيها من بنها طب لو ايمن ده مش نصاب طب فين الفاتورة المعتمدة طب مبايعة طب لو راجل يواجهنى او يرد على رقمى طب فين يامحمود شاشتى فين فلوسى ( ولا كانى كنت دافع ورق كوتشينة) قلتله خلاص انا رايح القسم مفيش دقيقتين ومحمود اتصل بايمن يحذره ولقيت عم ايمن الراجل المتقى عمل بلاغ بان وصل ibs ضاع منه
    ده ايه الجبن والخوف ده كله ولا رقم تليفون ولا عنوان محل ولا اى حاجة والنبى يااخوانى خاليكم مطرحى شاشة ملهاش فاتورة ولا تعرف لا عنوان المحل الى بيعها ولا رقم تليفون وحتى عنوان العضو الى بيعهالك وكله بيتستر على كله
    يبقى ده اسمه ايه؟؟؟؟؟؟؟؟؟؟؟؟؟؟؟؟؟؟؟؟؟؟

    وفى الاخر لا شاشة ولا اى حاجة


    ارجو التثبيت للعظة وحسبى الله ونعم الوكيل
    وحسبى الله ونعم الوكيل
    وحسبى الله ونعم الوكيل
    وحسبى الله ونعم الوكيل

  2. #2
    عضو
    تاريخ التسجيل
    Oct 2011
    المشاركات
    73
    الدولة: Egypt
    معدل تقييم المستوى
    0

    رد: اتنصب عليه عشان ائتمنت ناس وفى الاخر انا الى لبست

    ربنا يعوض عليك يباشا ,, والواحد مش بيتعلم ببلاش ,, بس ايه سبب حرق الشاشه الاول ,, اصل لو منك يبقى هو ملوش ذنب لانك رضيت تاخد شاشه من غير فاتوره يعنى عارف انها من غير ضمان ,., وحكايه الضمان الشخصى دى بتبقى كل واحد وضميرو ,, واللى رضيها على نفسو بقى ربنا انت مش هتقدر تعمله حاجه

  3. #3
    عضوية جديدة
    تاريخ التسجيل
    May 2010
    المشاركات
    72
    الدولة: Egypt
    معدل تقييم المستوى
    0

    رد: اتنصب عليه عشان ائتمنت ناس وفى الاخر انا الى لبست

    دور بنفسك علي العضو زخاروف و أبعتله رسالةو اتأكد منه لأن ممكن يبقي ملوش دعوة و أسمه جه في الموضوع

  4. #4
    عضو برونزي الصورة الرمزية محمد حسن احمد
    تاريخ التسجيل
    Aug 2010
    المشاركات
    1,641
    الدولة: Egypt
    معدل تقييم المستوى
    11

    رد: اتنصب عليه عشان ائتمنت ناس وفى الاخر انا الى لبست

    ربنا يعوضك خير ومتزعلش نفسك وممكن نتكلم برضه مع محمود وندخل علشان نفهم ايه الحكايه انا مكدبش عليك محمود اتعاملت معاه قبل كده وللامانه محصلش معايه حاجه وحشه وحضرتك برضه كان لياشرف التعامل معاك وحضرتك انسان محترم ... اكيد الحكايه فيها سوء تفاهم وان شاء الله تتسوي ويتراضي جميع الاطراف ....

  5. #5
    عضو الصورة الرمزية Tayfoor
    تاريخ التسجيل
    May 2011
    المشاركات
    298
    الدولة: Egypt
    معدل تقييم المستوى
    7

    رد: اتنصب عليه عشان ائتمنت ناس وفى الاخر انا الى لبست

    اقتباس المشاركة الأصلية كتبت بواسطة mr_dragonz مشاهدة المشاركة
    ربنا يعوض عليك يباشا ,, والواحد مش بيتعلم ببلاش ,, بس ايه سبب حرق الشاشه الاول ,, اصل لو منك يبقى هو ملوش ذنب لانك رضيت تاخد شاشه من غير فاتوره يعنى عارف انها من غير ضمان ,., وحكايه الضمان الشخصى دى بتبقى كل واحد وضميرو ,, واللى رضيها على نفسو بقى ربنا انت مش هتقدر تعمله حاجه
    الشاشة اتحرقت غيب تصنيع ثاينا لو بصيت كويس على الوصل هى لسه فى الضمان وتستبدل بس شرط استبدال ان المحل الى اشتراها (الفاتورة)
    وانا فعلا مش هقدر اعمل حاجة غير انى احذر الناس عشان متقعش فى نفس الغلط
    اقتباس المشاركة الأصلية كتبت بواسطة metwally مشاهدة المشاركة
    دور بنفسك علي العضو زخاروف و أبعتله رسالةو اتأكد منه لأن ممكن يبقي ملوش دعوة و أسمه جه في الموضوع
    لو قصدك على محمود راجح احب اوضح انه هو الى كان عارض الشاشة للبيع وهو الى واخد منى الفلوس ولو انا كداب اسئل محمود مين الى كان عارض الشاشة ومين الى خد منى الفلوس

  6. #6
    مشرف سابق
    تاريخ التسجيل
    May 2010
    المشاركات
    1,705
    الدولة: United States
    معدل تقييم المستوى
    36

    رد: اتنصب عليه عشان ائتمنت ناس وفى الاخر انا الى لبست

    ربنا يعينك اخي ؛ فعلا مفيش ضمير و اللي مايخليش باله وهو بيشتري مستعمل من فاتوره وفحص دقيق
    للقطعه المشتراه يحصله اكتر من كده .

  7. #7
    عضو
    تاريخ التسجيل
    Oct 2007
    المشاركات
    314
    الدولة: Egypt
    معدل تقييم المستوى
    11

    رد: اتنصب عليه عشان ائتمنت ناس وفى الاخر انا الى لبست

    ربنا يعوض عليك يا استاذ كريم بس اكيد فعلن ممكن يكون فى سوء تفاهم بس هوه فعلن لازم الاستاذ محمود هوه الى يتصرف مع صحبه ايمن زغروف ويوضح موقفه والله الموفق

  8. #8
    عضو ذهبي الصورة الرمزية Ahmed.Saleh
    تاريخ التسجيل
    Nov 2009
    المشاركات
    3,635
    الدولة: Egypt
    معدل تقييم المستوى
    32

    رد: اتنصب عليه عشان ائتمنت ناس وفى الاخر انا الى لبست

    فى انتظار رد الأخ محمود راجح لنعرف رده
    الشاشه الأخ اشتراها من محمود راجح وضمانها عند محمود راجح الموضوع محلول
    ترجع الشاشه وصاحبها يتصرف بيها بمعرفته والراجل ترجعله فلوسه وشاشته القديمه اللى بدل بيها وبما انه محمود ما بيستناش واكيد باعها يبقى يديله ثمن الشاشه اللى اتباعت وفلوسه وكأن شيئا لم يكن

    اى مماطله واى انتظار واى حجج معناها ان الأخ محمود لا يفى بوعود الضمان ومنتجاته غير مضمونه وبالبلدى لا ينصح بالشراء منه
    الأخ محمود اعلم عنه انه له وقت طويل فى هذا المجال ولا اعتقد انه هيضيع سمعته عشان شاشه

    وبرضو ومره اخرى اكرر مينفعش نتكلم فى عدم وجود الأخ محمود ليوضح الموضوع من ناحيته ويحل المشكله
    يعنى انا مستنى الرد وحل المشكله الأثنين فى رد واحد واى مماطله
    يبقى يعوضك ربنا يا اللى اشتريت الشاشه وحسبك الله ونعم الوكيل
    [CENTER][COLOR=#008000][FONT=comic sans ms][SIZE=4][B]عن أبي هريرة، عن النبي صلي الله علية وسلم قال:" ما من رجلٍ يحفظ علماً فيكتمه، إلا أُتي به يوم القيامة ملجماً بلجام من النار "[/B][/SIZE][/FONT]
    [/COLOR][B][COLOR=#800080]لا تؤجل لعب اليوم الى الغد[/COLOR][/B][/CENTER]

  9. #9
    عضو
    تاريخ التسجيل
    Aug 2011
    المشاركات
    174
    الدولة: Egypt
    معدل تقييم المستوى
    0

    رد: اتنصب عليه عشان ائتمنت ناس وفى الاخر انا الى لبست

    بانتظار رد الاخ محمود لكى يتضح الامر لينا
    اخ كريم ربنا يعوض عليك والواحد مابيتعلمش ببلاش

  10. #10
    عضو خبير بالمعاملات التجاريه
    Trusted Seller
    الصورة الرمزية محمد خليفه 1
    تاريخ التسجيل
    May 2011
    المشاركات
    3,886
    الدولة: Egypt
    معدل تقييم المستوى
    20

    رد: اتنصب عليه عشان ائتمنت ناس وفى الاخر انا الى لبست

    السلام عليكم ورحمه الله وبركاته الاخوه اعضاء المنتدى الكرام بما انى كنت شاهد ومتابع للاحداث وكنت حلقه الوصل بين جميع الاطراف اولا وبشده الاخ محمود راجح والاخ ايمن زغروف ناس محترمه للغايه ولا نزكى على الله احدا وليس هم بما اتهمهم الاخ كريم على الاطلاق من حراميه ونصابين اتقى الله يا كريم فى اللى بتقوله على الناس ولتعلموا ان الاخ كريم هو الذى طلب وساطتى فى الموضوع ولكنى لن ولم اجامل احد على ضميرى وذمتى واليكم الموضوع ببساطه سوف اسرده بكافه التفاصيل ولكنى اولا رديت الحق لاصحاب الحق لانهم ليسوا بلصوص او نصابين يتبع
    يا اخوانا عايز اقولكم على حاجه مفيده جدا ما تيجوا نتاجر مع الله اقولكم ازاى يعنى مثلا كل واحد فينا سواء كان بيتاجر فى الحاجه او بيستخدمها واشترى او باع من المنتدى لو باع يطلع جنيه صدقه لوجه الله من المبلغ اللى باع بيه واللى اشترى يطلع جنيه صدقه تخيلوا المبلغ الصغير ده هيعمل ايه ان شاء الله ربنا يبارك للمشترى فى الحاجه اللى اشتراها ويبارك للبايع فى فلوسه جنيه تخيل ممكن يعمل ايه فى ميزان حساناتك والله يضاعف لمن يشاء وياسلام بقه لو كمان استغفرت ربنا عشر مرات يا سيدى هتبقى العمليه فى التمام ان شاء الله

  11. #11
    عضو الصورة الرمزية Tayfoor
    تاريخ التسجيل
    May 2011
    المشاركات
    298
    الدولة: Egypt
    معدل تقييم المستوى
    7

    رد: اتنصب عليه عشان ائتمنت ناس وفى الاخر انا الى لبست

    اه ملحوظة صغيرة وهى اهم ملحوظة وصل ibs استلام الشاشة مكتوب تحت كالاتى
    اذا زاد التأخير فى الاستلام عن ثلاثة اشهر يعتبر ذلك استغناء من العميل عن الجهاز او القطعة المراد اصلاحها ويتم تكهينه بمعرفة الشركة .


  12. #12
    عضو خبير بالمعاملات التجاريه
    Trusted Seller
    الصورة الرمزية محدودالدخل
    تاريخ التسجيل
    Dec 2006
    المشاركات
    6,227
    الدولة: Egypt
    معدل تقييم المستوى
    32

    رد: اتنصب عليه عشان ائتمنت ناس وفى الاخر انا الى لبست

    السلام عليكم


    موجود ألاتى


    انا عرضت شاشة للبيع أو للبدل تخص الآخ العزيز ايمن

    الشاشه تم تبديلها مع الاخ كريم وتم البيع

    بعد ذلك استجد انه الشاشة باظط بعد فتره ودخلت التوكيل بتاريخ 1-10-2011 على انها أستبدال او خصم ثمنها

    الشاشة كانت تلفزيون وكان مكان الشراء شركه اجهزه منزليه

    من المعلوم لو حد صادف مشكله زى دى فى قطع الكمبيوتر بيكون التصرف كالتالى

    بتروح ترجع الحاجه للشركه اللى اشتريت منها فى المول وهيا بتوديها الضمان وتعرفك اه اللى حصل خلال فتره اقصاها 14 يوم سواء هايتم التبدل او التخصيم
    ليه بقى الشركه بتقوم بالمهمه دى عشان التوكيلات بيكون تعاملاتها مع الشركات عشان الاعتماد الاول على الفواتير اللى اشترت بيها الشركات من التوكيل وتاريخها

    طيب الخطا إللى وجد هنا اه ...الشاشة التلفزيون من محل اجهزه منزليه ونظامهم ممكن يكون متعب شويه بس مش بيضيع حقك
    هما بيستلموا الشاشة منك ويسلموها للتوكيل وبيعرفوك اه اللى حصل بس مشكلتهم المواعيد ...مش مظبوطه...وده مربط الفرس فى حاله الهياج اللى فيها كريم

    الراجل فعلا عطل كريم ما يقارب الشهر .....ما بين انه ياخد الشاشة ويتعطل فى التوكيل ويسمع اعذار منهم فى التوكيل ويعتذر لينا فى التأخير وخلافه والتوكيل بيعطله عشان يستبدلها بغيرها .
    والموضوع فيه تأخير أو عطله للآخ كريم ....سواء كنا سبب فيها او لآ .....الموضوع بالنسبه لكريم أنه أتأخر فى استلام ومعرفه وضع الشاشة بتاعته من صاحب المحل

    ولجا أخيرا انه مش واثق فى كلام الراجل صاحب المحل ....وعليه طلب أيصال تسليم الشاشة فى التوكيل IPS ....وتم تسليمه ألايصال بالفعل وراح للتوكيل
    وهناك بلغوه هات فاتوره التاجر عشان نخصملك أو نبدلك الشاشة ......مع العلم التاجر مش متابع موضوع الشاشة بقاله اسبوع من استلام كريم الايصال ....على أساس انه خلاص معاه وصل بكده وهو هيتعامل

    انه يصادف التوكيل واخد سياسه جديده زى اى توكيل فى مصر حاليا ....انه اى تخصيم او استبدال يكون بمعرفه الشركه اللى اشترت المنتج من التوكيل وليس العميل ....مترا وجاما والهندسيه وخلافه من التوكيلات نفس الوضع

    كريم اتصل يطلب فاتوره التاجر ....من المعلوم دى فواتير خاصه بيه ومينفعش يسلمها لاى فرد ...وعليه التاجر بلغ كريم تقدر تروح التوكيل تتصل بيا من هناك وبلغه بأنه فى شخص اسمه أ.هشام فى التوكيل IPS كلمنى وانتا معاه فى التوكيل وهايديله كل التفاصيل اللى انتا عايزها بخصوص الفاتوره
    أو لو مش عايز الموضوع يتم بالطريقه دى ...هات الايصال وانا أستلمك بيه الشاشة من التوكيل أو التخصيم .......كريم طبعا فى حاله ضيق من العطله مسبقا وأتعصب على الراجل وقاله هو انا هاستنى كمان شهر عقبال ما سعتك تروح التوكيل تانى
    وهنا...... أسرد كريم وابل من الشتائم على التاجر اللى من عنده الشاشة واتهمه بالنصب وألاحتيال ...مع العلم ده أول أتصال بينهم يدور ....وأنزل بيه وابل الشتائم دون ادنى معرفه بيه مسبقا

    وعليه التاجر ......معروف حالته والوضع اللى هو فيه ...غيظ شديد عشان واحد بيكلمه لآول مره وبيديله خيران ...إما تدينى الفاتوره بتاعتك عشان اخد حقى من التوكيل ....أو انك حرامى ...وكذا وكذا (شتائم)....وخلافه
    وأهمل أهم خيار وهو الخيار التالت انه يدى التاجر على الاقل يومان يجيبله الشاشة من التوكيل ما دام ان مشكلتها واقفه عليه أنه يروح يديهم الفاتوره بتاعته .

    وعليه موقفى كالتالى .....

    انا بيعت لآخ كريم حاجه ...طلع فيها مشكله بعد فتره
    طبعا الشاشة لا يعلم كريم المحل ألاصلى وعليه تعاونت وأخدتها سلمتهاله التوكيل عن طريق التاجر اللى اشترينا منه مسبقا
    والتاجر اتأخر فى التعامل مع التوكيل او التوكيل أتأخر عليه ...مش مهم الله اعلم مين الصادق فى التأخير

    كده انا أعمل أه تانى ....بيعت حاجه ظهر مشكله بعد فتره لصاحبها ..ساعدته ووديته التوكيل عشان يضمن حقه ومعاه أيصال بذلك من التوكيل

    ما التقصير اللى نتج منى ....؟؟؟؟؟؟ مع العلم انا بدى ضمان اسبوع عشان لو ظهر مع اى فرد مشكله انا مسؤل استلم منه القطع وأرجعهاله واتعامل مع التوكيل لو الحاجه فيها ضمان او لآ ...عشان حرام يكون مشترى حاجه وخلال فتره اسبوع يظهر فيها مشكله واتعبه وأخليه هو يلف ويتعب


    صدقنى يا كريم ...أنا كنت بحاول أساعدك وأوديلك الشاشة للتوكيل وبكلملك الراجل صاحب الشركه وخلافه ...عشان أنتا أخ عزيز
    مع ان معاك شاشة فى الضمان ومعاك رقم التوكيل ومكانه وتعرف توديها التوكيل عشان ضمانها ثلاث سنوات وتتعامل ...من غير ما اتعب نفسى أصلا

    بس إنتا العطله اللى وقعت فيها بتحملنى انا مسؤليتها مع انى مش طرف فيها أصلا ...

    ويكفينى انك صدر منك هذا الكلام فى حقى بعد فتره تعامل ليست بالقليله
    أنا من وقت ما وقعت المشكله جيتلى كام مره وأخدت منى قطع ولم تدفع مقابلها شىء يا كريم بألآيام والامور ما فيش فيها تخوين بينا ....واخرها من يومان أخدت الفينوم ال 560 ومشيت وأنهارده حاسبتنى عليه
    يعنى من ناحيتى الموضوع مش نصب لا قدر الله وإنما عطله وقعت إنتا فيها فيها وبتشيلى زنبها .....عموما ما يقال دائما عندما يكون فيه سوء ظن .... يقال اللهم اغفر لي وله .
    ضع رقم الموبيل 01110506020 فى محرك البحث جوجل ,,, هتوصل لطرق وأماكن التواصل الخاصه بيا

    قادرين على توفير أغلب الهاردوير والمكونات التى يتطلع أليها مستخدمين الحاسب الشخصى
    وبألاخص ألاشخاص الذين يأملون فى التحديث الجزئى أو الكامل لآجزاء الكمبيوتر لما هو مناسب وكافى لكل شخص حسب استخدامه ومتطلباته
    مع UpGradePc فرصه شراء الهاردوير وفرصه البيع وأيضا أهم خدمه وهيـــا التحديث والبدل
    UpGradePc
    معاّّ لتكون ألافضل ......إن شاء الله .

  13. #13
    عضو خبير بالمعاملات التجاريه
    Trusted Seller
    الصورة الرمزية محمد خليفه 1
    تاريخ التسجيل
    May 2011
    المشاركات
    3,886
    الدولة: Egypt
    معدل تقييم المستوى
    20

    رد: اتنصب عليه عشان ائتمنت ناس وفى الاخر انا الى لبست

    القصه ببساطه ان كريم اشترى من محمود الشاشه ال 24 يوصه ومحمود كان شاريها من ايمن زغروف ولان ايمن ومحمود اصدقاء فمحمود قال لايمن هالتى الشاشه فى المكان الفلانى وكريم كان معاه وحدث ما قاله كريم وايمن قاله انت معاك فاتوره المحل ملحوظه مهمه مش كل محلات الجديد بتبيع بفاتوره عليها سجل وبطاقه ضريبيه يعنى فاتوره معتمده المهم ايمن قال هو باقى فى ال 11 شهر خمس شهور اللى هو ضمان المحل لو حصل حاجه هات الشاشه وانا هوديها لانك من وسط البلد وتقريبا المحل المشترى منه فى عين شمس
    يا اخوانا عايز اقولكم على حاجه مفيده جدا ما تيجوا نتاجر مع الله اقولكم ازاى يعنى مثلا كل واحد فينا سواء كان بيتاجر فى الحاجه او بيستخدمها واشترى او باع من المنتدى لو باع يطلع جنيه صدقه لوجه الله من المبلغ اللى باع بيه واللى اشترى يطلع جنيه صدقه تخيلوا المبلغ الصغير ده هيعمل ايه ان شاء الله ربنا يبارك للمشترى فى الحاجه اللى اشتراها ويبارك للبايع فى فلوسه جنيه تخيل ممكن يعمل ايه فى ميزان حساناتك والله يضاعف لمن يشاء وياسلام بقه لو كمان استغفرت ربنا عشر مرات يا سيدى هتبقى العمليه فى التمام ان شاء الله

  14. #14
    عضو الصورة الرمزية Tayfoor
    تاريخ التسجيل
    May 2011
    المشاركات
    298
    الدولة: Egypt
    معدل تقييم المستوى
    7

    رد: اتنصب عليه عشان ائتمنت ناس وفى الاخر انا الى لبست

    اقتباس المشاركة الأصلية كتبت بواسطة محمد خليفه 1 مشاهدة المشاركة
    السلام عليكم ورحمه الله وبركاته الاخوه اعضاء المنتدى الكرام بما انى كنت شاهد ومتابع للاحداث وكنت حلقه الوصل بين جميع الاطراف اولا وبشده الاخ محمود راجح والاخ ايمن زغروف ناس محترمه للغايه ولا نزكى على الله احدا وليس هم بما اتهمهم الاخ كريم على الاطلاق من حراميه ونصابين اتقى الله يا كريم فى اللى بتقوله على الناس ولتعلموا ان الاخ كريم هو الذى طلب وساطتى فى الموضوع ولكنى لن ولم اجامل احد على ضميرى وذمتى واليكم الموضوع ببساطه سوف اسرده بكافه التفاصيل ولكنى اولا رديت الحق لاصحاب الحق لانهم ليسوا بلصوص او نصابين يتبع
    استاذ محمد انت عارف انى متقى ربى وبرضى بقليلى والحمد لله معملتش مع حد ابدا الى اتعمل معايا
    وسؤال وشوف انت جوابه فين لو انا بفترى فين الشاشة او فين الفلوس الى بقالهم شهر ونص
    ارجو الاجابة على السؤال ده بالذات

    استاذ محمد ان الساعة 10 اليوم من بعد ماقلت ان زغروف عمل محضر والموضوع كبر
    انت فاكر انت قلت بعدها ايه؟

  15. #15
    عضو خبير بالمعاملات التجاريه
    Trusted Seller
    الصورة الرمزية محمد خليفه 1
    تاريخ التسجيل
    May 2011
    المشاركات
    3,886
    الدولة: Egypt
    معدل تقييم المستوى
    20

    رد: اتنصب عليه عشان ائتمنت ناس وفى الاخر انا الى لبست



    مربط الفرس فى جمله واحده طالما يا كريم ارتضيت ان ايمن او محمود يودوا الشاشه الضمان دى تبقى موافقه ضمنيه منك على تحملالتأخير والاعطال الناتجه من الضمان ولازم تعتذر للناس اللى جبت سيرتها بسوء
    يا اخوانا عايز اقولكم على حاجه مفيده جدا ما تيجوا نتاجر مع الله اقولكم ازاى يعنى مثلا كل واحد فينا سواء كان بيتاجر فى الحاجه او بيستخدمها واشترى او باع من المنتدى لو باع يطلع جنيه صدقه لوجه الله من المبلغ اللى باع بيه واللى اشترى يطلع جنيه صدقه تخيلوا المبلغ الصغير ده هيعمل ايه ان شاء الله ربنا يبارك للمشترى فى الحاجه اللى اشتراها ويبارك للبايع فى فلوسه جنيه تخيل ممكن يعمل ايه فى ميزان حساناتك والله يضاعف لمن يشاء وياسلام بقه لو كمان استغفرت ربنا عشر مرات يا سيدى هتبقى العمليه فى التمام ان شاء الله

صفحة 1 من 4 1 2 3 4 الأخيرةالأخيرة

المواضيع المتشابهه

  1. مشاركات: 31
    آخر مشاركة: 04-11-2011, 14:11
  2. مشاركات: 19
    آخر مشاركة: 04-07-2011, 03:13
  3. مشاركات: 6
    آخر مشاركة: 17-09-2010, 00:13
  4. مشاركات: 2
    آخر مشاركة: 20-10-2009, 15:03
  5. من يريد الاجر انشا الله يرشدني والله لايحرمة الاجر
    بواسطة ابوبكر في المنتدى الأرشيف
    مشاركات: 1
    آخر مشاركة: 12-06-2004, 13:27

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •