صفحة 1 من 2 1 2 الأخيرةالأخيرة
النتائج 1 إلى 15 من 22

الموضوع: لاب توب HP Pavilion dv6 - 6190ee

  1. #1
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    لاب توب HP Pavilion dv6 - 6190ee



    السلام عليكم

    الحمد الله اشتريت جهاز لاب توب جديد من يومين و كنت اتوقع وجود اسطوانة للتعريفات مع الجهاز و كمان اسطوانة نسخة اصلية هوم برميم ( اعذرونى انا عمرى ما استخدمت لاب توب قبل كدة و لولا ظروف السفر مكنتش هفكر اشترى واحد ) بس للاسف طلع مفيش اسطونة تعريفات ولا اسطوانة نسخة و لما اتصلت بالشركة قالولى ان الجهاز بييجى بدون اسطوانة تعريفات و بدون اسطوانة نسخة فقط الريكفرى الموجود على الجهاز فقط لا غير مع العلم انى استلمت الجهاز فى الكرتونة و كانت مقفولة طبعا و انا اللى فتحتها بأيدى و ختم اتش بى كان موجود طبعا

    بصراحة الشركة ناس محترمين جدا و معاملتهم فوق الممتازة و نزل مندوب من عندهم بالجهاز لحد عندى و سلمنى الجهاز و فضل معايا بالتليفون متابع لو فى اى حاجة اقولة و كان فى غلط فى الفاتورة و الضمان و تم تصحيحة و ارسال الصحيح بالايميل و مختوم و كله تمام و حتى لما حاولت اشوف السيريال على الكرتونة مطابق للسيريال على الجهاز و كنت بدور على الختم الخاص بميكروسوفت و طبعا دة ملوش اى علاقة بسيريال الجهاز و كلمتهم و كانوا متفاهمين جدا ( معلش بقى بعمل ناصح و للعلم فقط انا نصايح التأكد من ان الجهاز جاى جديد و الكرتونة متفتحش قبل كدة جبتها من الموقع هنا من احد الاعضاء و كمان عيوب الديد بكسل اتأكدت منها من برنامج لقيت عضو من الاعضاء رافعة هنا و الحمد لله الشاشة سليمة

    نيجى بقى للمشكلة الاولى و هى انى مش لاقى الجهاز بتاعى على موقع اتش يى و مش عارف ليه و حاولت بالسيريال نبر و البرودكت نبر و برضة مش عارف و بالتالى مش عارف ازاى لو حبيت اعمل نسخة جديدة هعرف كارت الشاشة و اليو اس بى و كارت الصوت و مضايق اوى بصراحة و مش عارف اعمل ايه فيا ريت لو فى اى حد يعرف حل للمشكلة دى يقولى و يا ريت لو ينفع التعريفات تكون من اتش بى علشان انا بحب الحاجة كدة تكون اصلية و تكون خاصة بالجهاز

    المشكلة التانية بقى ان الهارد 1000 جيجا عبارة عن 2 برتيشن و برضة مش عارف ليه البرتيشن الاول اسمة ريكفرى و دة بالظبط مساحتة 14 جيجا و البرتيشن التانى اسمة C و دة مساحتة 916 طبعا محدش يسألنى ازاى علشان انا معرف و مش عارف ازاى مثلا اخليه زى الهارد اللى عندى فى البيت و كمان عندى فى البيت مفيش البرتيشن اللى اسمة ريكفرى دة خالص و انا الهارد 2000 جيجامتقسم تلت برتيشنات واحد c دة للنسخة و الباقى متقسم على 2 برتيشن

    يا ريت اللى يقدر يساعدنى يقولى اعمل ايه

  2. #2
    عضو
    تاريخ التسجيل
    Mar 2011
    المشاركات
    228
    الدولة: Egypt
    معدل تقييم المستوى
    0

    رد: لاب توب HP Pavilion dv6 - 6190ee

    اولا الف مبروك على الجهاز الجديد
    فعلا اخى الجهاز بيجى معاه نسخة ريكفرى فقط ومش بيجى معاه اى اسطوانة تعريفات او اسطوانة ويندوز فقط النسخة الريكفرى
    بالنسبة للتعريفات ممكن تنزلها من موقع اتش بى
    بالنسبة لتقسيم الهارد ديسك تقدر تقسمة زى مانت عايز وفى اكتر من طريقة لكن انا حبيت انصحك متقربش للبارتشن اللى اسمة ريكفرى لان دا اللى موجود عليه النسخة الريكفرى ودى مهمه جدا ولو ضاعت صعب تعوضها
    وان شاء الله باقى الاخوان يفيدوك ويدولك رابط التعريفات من موقع الاتش بى ويساعدوك انا بس حبيت انصحك انك متقربش للبارتش اللى اسمة ريكفرى

  3. #3
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    رد: لاب توب HP Pavilion dv6 - 6190ee

    متشكر جدا للنصيحة و ان شاء الله مش هقرب من الريكفرى خالص و بالنسبة للتعريفات انا حاولت كتير والله و مش عارف اوصل لاى نتيجة او حتى لتعريف واحد يخص الجهاز

    يا ريت يكون حد من الاعضاء او المشرفين يعرف طريقة اجيب بيها التعريفات من موقع اتش بى

  4. #4
    عضوية جديدة الصورة الرمزية NouR17
    تاريخ التسجيل
    Jun 2009
    المشاركات
    55
    معدل تقييم المستوى
    0

    رد: لاب توب HP Pavilion dv6 - 6190ee


  5. #5
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    رد: لاب توب HP Pavilion dv6 - 6190ee

    اقتباس المشاركة الأصلية كتبت بواسطة NouR17 مشاهدة المشاركة


    متشكر جدا على اهتمامك بس مكتوب ان التعريفات دى لجهاز HP Pavilion dv6-6100 مش لجهاز HP Pavilion dv6-6190ee

  6. #6
    عضو
    تاريخ التسجيل
    Jan 2010
    المشاركات
    280
    الدولة: Egypt
    معدل تقييم المستوى
    9

    رد: لاب توب HP Pavilion dv6 - 6190ee

    اولا مبروك على هذا الموديل الرائع - الحمدلله انا لسه شاريه من شهر تقريبا
    الصفحه الخاصه بالموديل ده من الموقع الرسمى لإتش بى هى
    http://h10025.www1.hp.com/ewfrf/wc/p...ea_middle_east
    يوجد بالصفحه دى رابط لتحميل البرامج والتعريفات الخاصه بالموديل 6199 ورابط الHow To لتعليمك عمل كل حاجه على اللاب بما فيها الريكفرى سي دي

    ثانيا قم بتسجيل اللاب بتاعك على الموقع الرسمى لإتش بى فى الرابط التالى بإستخدام سيريال اللاب الموجود على الإستيكر الاسود على كرتونة اللاب (الفايده إنك بتتأكد إن السيريال اللى معاك لم يسبق تسجيله قبل كده - للتأكد إن اللاب مش Refurbished )
    https://register.hp.com/americas/flo...&cc=US&lang=en

    ثالثا بخصوص التقسيم إقرأ كافة مشاركاتى بالموضوع اللى على الرابط التالى وبه طريقة تقسيم هارد اللاب مع الحفاظ على البارتشن الثمين HP recovery و HP tools
    http://arabhardware.net/forum/showthread.php?t=257152

    اخر حاجه حضرتك شارى اللاب منين وبكام ؟
    ال6190 فعلا مش لاقى له صفحه على الموقع الرسمى لإتش بى لكن هو نفس مكونات ال6199 اللى معايا بإستثناء سعة الهارد - اللى معاك 1تيرا بينما ال6199 يحمل 750جيجا فقط
    يا ريت طبعا تراسلنى لو فى حاجه مش واضحه

    اللهُمَ صَلِى عَلى نَبِينَا مُحَمَدٍ صَلَاةً تُرْضِيكَ وَ تُرْضِيه وَ تَرْضَى بِهَا عَنا
    اللهُمَ صَلِى عَلى نَبِينَا مُحمدٍ و عَلى آلهِ وَ صَحْبِهِ و سَلِمْ تَسْلِيمًا كَثيرا

    http://uploadingit.com/file/dxokjqgz...l sig dark.jpg

  7. #7
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    رد: لاب توب HP Pavilion dv6 - 6190ee

    بجد انا مش عارف اقولك ايه يا استاذ بدر و متشكر جدا جدا جدا على مساعدة حضرتك دى لانها ساعدتنى كتير و عرفتنى حاجات مكنتش اعرفها اصلا و بالنسبة لموديل الجهاز هو 6190 مش 6199 و انا اشتريتة من شركة ايجيبت لاب توب و الصراحة المعاملة كوبسة جدا و الناس متأخرتش عنى فى اى حاجة او اى استفسار بعد الشراء و بالنسبة للهارد طبعا انا متأكد انه 1000 جيجا لان زى ما قولت فى اول الموضوع الهارد متقسم عبارة عن 2 برتيشن هما الريكفرى 15 جيجا و ال C بالظبط 916 جيجا و كمان عايز اقول لحضرتك ان فى فرق كمان و هو ان فى عندى مدخلين يو اس بى 3 و جهاز حضرتك بتهيألى فيه مدخل واحد فقط و الله اعلم

    و انا الحمد لله لقيت التعريف من الصفحة اللى حضرتك حطيتها فى ردك بس غيرت نوع الموديل مش اكتر و الحمد لله عملت ريجيستر للجهاز و مفيش اى مشاكل بالنسبة بقى للريكفرى دة مش عارف ليه مش قادر افهمه اوى و خايف بصراحة يضيع لان ناس كتير قالولى الريكفرى دة مهم جدااااااااا

  8. #8
    عضو
    تاريخ التسجيل
    Jan 2010
    المشاركات
    280
    الدولة: Egypt
    معدل تقييم المستوى
    9

    رد: لاب توب HP Pavilion dv6 - 6190ee

    اى خدمه صديقى العزيز - 6199 برضه يحمل اتنين usb3 والحمدلله

    بالنسبه للحفاظ على الريكفرى -
    تخلى بالك إنك إذا إستخدمت الريكفرى سى دى , هيرجع هارد اللاب والويندوز لحالة المصنع ويلغى كل التقسيم اللى هتعمله ويمسح كل الداتا اللى على الهارد ويرجعلك تقسيم الهارد الى 4 بارتشن (system , C , HP_recovery , HP_tools)

    بسم الله نبدأ (يُفضل عمل كباية شاى بالنعناع قبل البدأ فى العمل :D )
    الأول تعمل الريكفرى سى دى من برنامج HP management الموجود متسطب جاهز على اللاب بتاعك دلوقتى , هتجده داخل فولدر HP من قائمة start وتختار Create recovery CD
    وهتحتاج يكون معاك 4 DVD عادى أو الافضل 2 DVD-double layer (إمكانيه رااااائعه فى هذا الموديل) , الواحده ب7.5جنبه تقريبا

    بعد ماتنتهى من عمل السى دى تنفذ الخطوات التاليه بإستخدام البرنامج Mini tool partition wizard هتحتاج يكون عندك هارد خارجى وتفضى فيه مساحة 25 جيجا (unallocated) - لو مش عارف إزاى قوللى
    رابط لتنزيل نسخه مجانيه من البرنامج http://www.partitionwizard.com/free-partition-manager.html

    بإستخدام برنامج الMini tool wizard إعمل الخطوات التاليه بنفس الترتيب

    1 - إنسخ البارتشن HP revovery و HP tools الى المساحه الفاضيه من الهارد الخارجى

    2 - إعمل delete كل البارتشن الموجوده على هارد اللاب ما عدا الC و SYSTEM (متخافش)

    3 - كليك يمين على المساحه الفاضيه (unallocated ) من هارد اللاب وإعمل create بارتشن جديد , اللى هو هيبقى ال D , هتخليه طبعا Logical . خللى بالك تسيب مساحة 25جيجا فاضيين (unallocated )بعد الD على هارد اللاب

    4 - وصل الهارد الخارجى وإنسخ الإتنين بارتشن (HP recovery و HP tools ) من الهارد الخارجى الى المساحه الفاضيه (unallocated ) اللى سايبينها فى هارد اللاب

    5 - المفروض كده خلاص الدنيا تشتغل مضبوط و لو ضغطت F11 مع البوت هيدخل Recovery (خلى بالك الrecovery بيلغى كل التقسيم ويرجع هارد اللاب لحالة
    المصنع بارتشن واحد عليه فقط OS )

    لكن زياده فى الدلع ممكن تخلى بارتشن الHP recovery و الHP tools تحولهم إلى Hidden من داخل نفس البرنامج (كليك يمين على كل واحد وحوله ) علشان نحافظ على البارتشن من أى تغيير بالاضافه إن معاك معاك نسخه إحتياطيه من بارتشن الريكفرى على الهارد الخارجى

    و مبروك عليك اللاب , Good choice

    اللهُمَ صَلِى عَلى نَبِينَا مُحَمَدٍ صَلَاةً تُرْضِيكَ وَ تُرْضِيه وَ تَرْضَى بِهَا عَنا
    اللهُمَ صَلِى عَلى نَبِينَا مُحمدٍ و عَلى آلهِ وَ صَحْبِهِ و سَلِمْ تَسْلِيمًا كَثيرا

    http://uploadingit.com/file/dxokjqgz...l sig dark.jpg

  9. #9
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    رد: لاب توب HP Pavilion dv6 - 6190ee

    اولاً انا مكنتش اعرف ان موديل حضرتك فيه 2 يو اس بى 3 و كنت فاكر انه فيه 2 بس


    ثانباً متشكر اوى على مساعدة حضرتك بس فى حاجات كدة انا عايز اسأل عليها

    ايه هى اهمية الريكفرى ما دام بيرجع كل حاجة فى اللاب لضبط المصنع تانى و اللى اظن انها حاجة مش كويسة خالص و كدة اظن الفورمات العادى احسن و هستخدم الريكفرى فى ايه ؟

    و انا معنديش اى برتيشن اسمة system او برتيشن اسمة HP tools بس عندى recovery و برتيشن تانى C بس

    و اخر حاجة بقى انى مش بعرف افضى مساحة 25 جيجا فى هارد خارجى unallocated فيا ريت تفيدنى بالطريقة ربنا يكرمك

  10. #10
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    رد: لاب توب HP Pavilion dv6 - 6190ee

    للاسف فى مشكلة كمان

    انا لقيت موديل الجهاز بتاعى فى الصفحة دى من موقع اتش بى

    http://h20000.www2.hp.com/bizsupport/TechSupport/ProductList.jsp?lang=en&cc=us&taskId=135&prodTypeI d=321957&prodSeriesId=5082212

    بس مش عارف ليه لما بختار نوع الجهاز بتاعى علشان انزل التعريفات بتاعتة بيجيبلى نوع تانى خالص غير 6190ee و بيدخلنى على صفحة جهاز 6100 يا ريت لو حد يعرف ليه يفهمنى

  11. #11
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    رد: لاب توب HP Pavilion dv6 - 6190ee

    خلاص انا اتصلت بخدمة ما بعد الشراء فى الشرق الاوسط و قالولى انهم هيعملوا Edit للداتا بتاعة الموقع و هيحطوا تعريفات الجهاز ان شاء الله

  12. #12
    عضو
    تاريخ التسجيل
    Jan 2010
    المشاركات
    280
    الدولة: Egypt
    معدل تقييم المستوى
    9

    رد: لاب توب HP Pavilion dv6 - 6190ee

    لتفضية جزء على الهارد الخارجى وجعله غير مخصص unallocated عليك بالتالى
    1- من داخل برنامج mini tool partition wizard كليك يمين على اى بارتشن يكون فيه مساحه فاضيه (حوالى 25 جيجا فى حالتنا دى) واختار resize
    2- هيظهرلك مسطره تقدر تستخدم طرفها لتقليل المساحه المظلله فى البارتشن وتخليها زى كده (المساحه الرمادى الغامق هى ال25جيجا المطلوب تفضيتها وجعلها غير مخصصه unallocated فى نهاية البارتشن)
    resize.jpg

    3- فى نهاية القائمه الشمال كليك إختيار Apply , وانتظر قليلا حتى ينتهى البرنامج من عمل المساحه الغير مخصصه unallocated

    اللهُمَ صَلِى عَلى نَبِينَا مُحَمَدٍ صَلَاةً تُرْضِيكَ وَ تُرْضِيه وَ تَرْضَى بِهَا عَنا
    اللهُمَ صَلِى عَلى نَبِينَا مُحمدٍ و عَلى آلهِ وَ صَحْبِهِ و سَلِمْ تَسْلِيمًا كَثيرا

    http://uploadingit.com/file/dxokjqgz...l sig dark.jpg

  13. #13
    عضوية جديدة
    تاريخ التسجيل
    Dec 2009
    المشاركات
    19
    معدل تقييم المستوى
    0

    رد: لاب توب HP Pavilion dv6 - 6190ee

    متشكر اوى على المساعدة و جارى التطبيق

  14. #14
    عضو الصورة الرمزية MohamadRe
    تاريخ التسجيل
    Jun 2005
    المشاركات
    370
    الدولة: Egypt
    معدل تقييم المستوى
    13

    رد: لاب توب HP Pavilion dv6 - 6190ee

    لو سمحت انا كنت عاوز اشترى من شركة ايجيبت لاب توب
    كنت عاوز اسالك هما بييجبو معاهم هديه شنطه وهل الشنطه دى خاماتها كويسه ولا لا؟
    عشان لو مكنتش كويسه اشترى واحده من عندهم
    وهل فى هدايا اخرى؟
    ولو حضرتك اشتريت شنطه قولى على نوعها لو موجوده عندهم فى الموقع؟
    معلش طولت عليك فى الاسئله

  15. #15
    عضو الصورة الرمزية MohamadRe
    تاريخ التسجيل
    Jun 2005
    المشاركات
    370
    الدولة: Egypt
    معدل تقييم المستوى
    13

    رد: لاب توب HP Pavilion dv6 - 6190ee



    لو سمحت انا كنت عاوز اشترى من شركة ايجيبت لاب توب
    كنت عاوز اسالك هما بييجبو معاهم هديه شنطه وهل الشنطه دى خاماتها كويسه ولا لا؟
    عشان لو مكنتش كويسه اشترى واحده من عندهم
    وهل فى هدايا اخرى؟
    ولو حضرتك اشتريت شنطه قولى على نوعها لو موجوده عندهم فى الموقع؟
    معلش طولت عليك فى الاسئله

صفحة 1 من 2 1 2 الأخيرةالأخيرة

المواضيع المتشابهه

  1. HP Pavilion DV6-6170ee / HP Pavilion DV6-6b70ee ايه الفرق ؟؟
    بواسطة ~mike~ في المنتدى الأرشيف
    مشاركات: 1
    آخر مشاركة: 13-02-2012, 09:23
  2. طلب مراجعة ورأيكم في HP Pavilion Dv6-6050 و HP Pavilion Dv6-3300
    بواسطة المظفر بالله في المنتدى الأرشيف
    مشاركات: 7
    آخر مشاركة: 14-07-2011, 20:05
  3. HP Pavilion dv6985se VS HP Pavilion dv5-1116em
    بواسطة BATLI في المنتدى الأرشيف
    مشاركات: 5
    آخر مشاركة: 10-03-2009, 01:24
  4. آرآئكم حول hp pavilion dv6 و hp pavilion dv5
    بواسطة لجل عينك في المنتدى الأرشيف
    مشاركات: 5
    آخر مشاركة: 20-02-2009, 21:36
  5. مشاركات: 14
    آخر مشاركة: 30-07-2008, 19:41

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •