مشكلة مع هارد wd 500 gb blu 16 mb

**عبدالله ضيف** · 25-10-2011, 20:13

بسم الله الرحمن الرحيم

انا امتلك جهاز بقاله سنة ونصف عندى
المهم الهارد نوعه زى ما فى العنوان فى مشكلة خلاص جننتنى وانا بتصفح الجهاز بتنقل بين ملفات الجهاز الفيديوهات والالعاب ساعات الجهاز يعلق ويقف مقدار ثانية كده او اقل وبسمع فى الوقت ده صوت خروشه فى الهارد سعات بسمعها صوتها عالى وساعات بتكون غير ملحوظة
بس هيه موجودة السوال هل الهارد فيه مشكلة وايه هيه غير كده هل اقدر اوديه الضمان بعد سنة ونصف ولا لا لما جبت الجهاز قالى ان الجهاز عليه ضمان لمدة ثلاث سنين هل من ضمنهم الهارد كمان ولا ايه
ولو حبيت ابدل الهارد تنصحونى باى نوع يريت يكون تيرا بيت ويكون الكاش عالى ويريت ذكر السعر فى مصر على الفكرة الهارد كده من ساعات مجبته بس مقدرتش اسمع الصوت بتاعه غير فى فترات قريبه الظاهر ان الصوت بيزيد مع الوقت باين كده

**master2014** · 25-10-2011, 22:32

ياريت صوره لتبويب ال health ببرنامج hdtune

وهل تاكدت انه غير مصاب ب bad sectors

**عبدالله ضيف** · 26-10-2011, 11:38

دى الصورة الى حضرتك طلبتها مع انى مش فاهم حاجة فيها بس فى ملحوظة كمان اعتقد ان مشكلة الصوت دى مش بتحصل غير بعد الريستارت او فتح الاجهاز من جديد يعنى بمعنى اوضح بعد الاقلاع لمدة كبيرة بعد كده الهارد بيشتغل عادى بدون اى صوت او تقطيع

**master2014** · 26-10-2011, 19:31

الهارد مفهوش اي مشكلة بس اتاكد انه غير مصاب بالــــ bad sectors اعمل فحص واخبرنا بالنتائج

واذا كان سليم ان شاء الله اعمل إلغاء تجزئه للملفات وشوف بعد كده الاداء هيكون ازاي

**عبدالله ضيف** · 26-10-2011, 23:18

حضرتك انا مش عارف ازاى اعمل فحص عن البادسيكتور وايه الغاء تجزئة الملفات ده

**master2014** · 27-10-2011, 00:49

بالنسبة لفحص ال bad sectors بنفس البرنامج hdtune تبويب error scan

والغاء التجزئة باستخدام الويندوز كليك يمين علي اي بارتيشن tools <------ properties -------> ثم defragment now

**عبدالله ضيف** · 03-11-2011, 07:12

عملت كل الى قولت عليه والهارد طلع مفيهوش اخطاء بس السوال ليه الصوت ده طالع كده وسعات بسببه الجهاز بيتقل

**tarekforall** · 04-11-2011, 10:08

من فضلك افحص القرص باستخدام برنامج WD Data Lifeguard Diagnostic واختار "Extended Test"

ولا تنسى حفظ بياناتك المهمة احتياطياً بشكل مستمر.

**عبدالله ضيف** · 05-11-2011, 10:52

اخى انا عملت التيست وفعلا التيست بيقول ان فى باد سيكتور فى الهارد طيب بس لما جيت اعمل ريبي مرضيش وجابلى خطا مفهمتش منه حاجة وللاسف مش معايا صورة للخطا ومش هينفع اجيب صورة ليه عشان الاختبار بياخد وقت طويل جدا قد يصل لساعتين بالفعل
فى سوال لو انا نقلت كل شى على الهارد لهارد تانى وفرمت الجهاز وقسمته من جديد ونقلت البيانات من الهارد التانى ورجعتهم تانى هل الباد سيكتور هيفضل موجود برده ولا ايه ويريت لو ترفض لى صورة لافضل اعدادات فورمات البارتيشن يعنى لما بتدوس كليك يمين على البارتيشن وتختار فورمات الاعدادات الى بيطلبها افضل شى تبقى ايه