بسم الله الرحمن الرحيم
الــســلام عــلــيــكــم ورحــمــة الــلــه وبــركــاتــه
أبشر فإن فرج الله قريب
والله اني صبورٍ واصبر من الجمل=اظهر الضحك واخفي في ضميري جروح
لاتكالب زماني ارتكي للحمل=مثل ضلع طويل شامخ له سفوح
الهبايب تلوفه ما يكل ويمل=ثابت في مكانه والجبل ما يبوح
الرجال الظواري مثل هاك الجبل=عزوة اللي تعزوا من جروحه ينوح
طيبين السجايا ماضيين الفعل=بالصبر والعزيمة كم بنوا من صروح
ارفع الراس دايم لو حصل ماحصل=لا تزعزع كيانك خلي عنك طموح
اتبع اللي يعزك واترك اللي يذل=رافق اللي يودك وللمشورة نصوح
من حكالك حكابك مثل قول المثل=من ضحكلك ضحكبك لوتشوفه مزوح
المكر والخيانة من صفات الثعل=والحرارة الأصيلة للثريا تلوح
لو صفالك زمانك مايدوم العسل=الله اللي يدوم وغير وجهه يروح
يالله اغفر ذنوبي عن جميع الزلل=الخطايا كثيرة والله اللي سموح
بصوت عبد الله المهيدب
بسم الله
وصلي الله وسلم وبارك علي المصطفي وآله وصحبه وإخوانه وسلم
المفضلات