السلام عليكم ورحمة الله وبركاته
أنا لسه مشترى جهاز c660-1me وإشتريت معاه مبرد مايكروسوفت
المهم وأنا بشغله ساعات كانت الشاشة تطفى وبعد كده تنور تانى وتطلعى الرسالة دى
display driver stopped responding and has recovered
display driver nvidia windows kernel mode driver version 268.57 stopped responding and has successfully recovered
روحت سألت واحد فى محل بيع معتمد لتوشيبا قالى إن ده ممكن يكون عيب من التعريف بس أنا كنت شيلت التعريف ونزل واحد جديد وبردو نفس النظام
قالى ممكن يكون المبرد بيسحب طاقة عاليه وده السبب وأنا من وقتها مش بشغل المبرد
بس أنا مش مقتنع بالكلام ده وعاوز تأكيد عشان لو كده هودية للوكيل أحسن
وكمان عندى شوية مشاكل بسيطه تانيه
فيه مخرج usb أبطئ فى بعض الأوقات عن التانى وكمان أوصل مره فلاشه فيه ما تشتغلش أوصلها بالفتحة التانيه تشتغل
الدوران مش شغال فى التاتش باد مع إنى مشغله من الخصائص بتاعته
وكمان مدخل الميمورى كارد مش بيشتغل ساعات
أنا مش هنكر إنى لما ما إستعملتش المبرد حكاية الشاشة ما إتكررتش بس الحكاية ما كانتش بتحصل دايما وده قالقنى إنها تحصل بعدين وكمان ملهاش علاقة بالتحميل
معلش أنا أسئلتى كتير بس أنا أول مره اشترى لاب
وكل سنة وإنتم طيبين وعيد سعيد علينا وعليكم بإذن الله