نا خريج بكالوريوس نظم معلومات إدارية فهل يمكن ان اكون مهندس شبكات سيسكو او ميكروسوفت؟

[ahmed20105689]

السلام عليكم ورحمه الله
انا خريج بكالوريوس نظم معلومات اداريه بتقدبر جيد جدا

هل ممكن اكون مهندس شبكات
ولو دا ممكن هيبقي ازاي.
يعني اخد كورسات ايه او دبلومات في ايه ارجو الاهتمام والرد

وهل بكالوريوس (نظم معلومات اداريه) هيبقي ليه تاثير علي ايجاد وظيفه لو ربنا قدر لي ان اتخصصت في الشبكات

[Eng\M.said]

السلام عليكم ورحمة الله وبركاته

اخى الكريم حتى لو خريج اى كلية ملهاش علاقة بتكونولوجيا المعلومات ممكن تبقى مهندس شبكات ولكن هيحتاج الموضوع منك بذل مجهود كبير شويتين تلاتة كده علشان تقدر توصل وتكون مميز فى هذا المجال

عايز تعرف تبداء ازاى دور شوية فى المنتدى هتلاقى مواضيع كتيرة بتتكلم عن الموضوع ده والطريقة المثلى علشان تكون مهندس شبكات محترف انا بقولك دور لان لازم من دلوقتى تحصل على المعلومة لوحدك لان صدقنى الموضوع ده افيد

ميه مرة من ان حد يدلك خلى دايما اسئلتك فى الحاجات الملقتلهاش بحث على الانترنت وانا هنا والاخوة الكرام فى خدمتك دايما باذن الله

[ahmed20105689]

والله انا بحثت كتير بس حالات الناس مش زي حلتي اصل التخصص دا ملهوش اي علاقه خالص باللي انا بدرسه وكمان لزمن كل موضوع يطلعلي واحد يعقدني ويسود الدنيا في وشي :ah26:
انا كل اللي عيزة ازاي ابداء يعني اخد كرسات ايه الاول ولما اخلص اخد ايه تاني يعني زي اما تقول كدا خطه طريق اساسيه امشي عليها دا كل اللي انا عيزة