المشاركة الأصلية كتبت بواسطة sad_but_cool1
مرة واحد اجاني على المحل , بيقولي بده يطور جهازه , سألته شو مواصفات اللي عندك ؟ جاوبني : ما بعرف التفاصيل , بس هوه xp !!
حكيتله , جيب معك الجهاز المرة الجاية .
غاب الموضوع يومين او 3 وانا نسيت الموضوع
بعد يومين او 3 ,بيدخل المحل واحد معاه شاشة , سألته كيف أخدمك؟ شو مشكلة الشاشة ؟ جاوبني , يا رجل , قبل يومين جيتك مشان أطور الجهاز ,وكنت ما بعرف مواصفاته , وهيني جبته !!
ضحكت شوي , وقلت , يا رجل , هذا مو الجهاز , الرجك حك راسه وقال , ما في عندي غير هذا الجهاز "الشاشة" , والكبسات "الكيبورد" والفارة
ضحكت كمان مرة و قلت , في عندك بوكس اسود , مثل هذا وهذا " مثل الكيشات اللي عندي على الرف"
راح الرجل على البيت , رجع بعد ساعة تقريبا , وبيقول , والله العظيم ما عندي !!
فكرت شوي , وتذكرت انه ممكن يكون عندو كيس لون ثاني أو كيس "بطح"
قلت , ممكن يكون عندك الكيس لون ثاني , أو جاي بالعرض "بطح" , إرجع على البيت و تأكد من الموضوع
رجع الرجل ثاني يوم , بيقول : والله العظيم ما عندي إشي ,بس الطاولة والفارة والكبسات "الكيبورد" والجهاز اللي عندك "الشاشة"
ضحكت شوي . وقلت , لازم يكون عندك , الجهاز كان عندك شغال ؟ وإلا اشتريته قطع على الوضع الحالي ؟ جاوبني , اه شغال , وبسمع اغاني عليه و بلعب شدة !
قلت ممتاز جدا ,لازم يكون الكيس موجود ,واذا ما عرفت وين الجهاز , بترجع و بتوخذ الشاشة من عندي .
المهم , الرجل ما عجبه الكلام ,و أخذ الشاشة .
رجع بعد عدة أيام , وقال : هوه اللي بتحكي عنه "الكيس" كم ثمنه ؟؟ :eek:
سألته : بدك تشتري واحد جديد لأنك ما لقيت اللي عندك ؟ جاوبني , نعم
ضحكت, وقلت , يا رجل , حرام عليك , تأكد مزبوط , في عندك الفارة والكبسات والشاشة موصولات على "إشي" , وهذا لإشي موصول بالكهرباء , جيب هذا الإشي معك المرة الجاي
راح الزلمة ورجع آخر النهار , وجايبلي "وصله الكهرباء"
ضحكت ربع ساعة ,و ما صدقت الموضوع , اجا في بالي انه بدو يعمل معي فيلم أو كاميرا خفية !!
الرجل زعل , لأني بضحك انا و زميلي بالمحل
فقرر الرجل إنه يخلص من الإحراج و يشتري كيس جديد!!
المهم جمعت اله كيس مستعمل على حسب ميزانيته , وبعثت زميلي مع الرجل على البيت مشان يركب الجهاز .
طلع الزلمة عنده جهاز محترم , بس هوه مش مقتنع انه الألعاب والأغاني والبرامج موجود فيه !!
رجعنا الكيس المستعمل , و اقنعناه انه الجهاز اللي عنده ممتاز جدا , و ما في حاجة يطوره ,
الأخ معترض انه جهازه بطيئ , بده حوالي دقيقة مشان يحمى "يشتغل الويندوز" !!!!!!!
أقنعناه انه كل الأجهزة بدها دقيقة تقريبا مشان تشتغل
طبعا الزلمة شاري موبايل نوكيا عيه معالج سرعته 600 , وبيقوللي انه الخلوي سرعته 600 و بده 10 ثواني مشان يشتغل , ليش الجهاز اللي عندي سرعته 2600 وبده دقيقة !!
شو رأيكو بهيك تخلف !!
المفضلات