محتارة جدا و اتمنى انكو تساعدوني :(
السلام عليكم ورحمة الله
انا كنت عايزة اشتري موبايل و محتارة جدا بين galaxy mini و galaxy fit و كنت عايزة اعرف :
1-هل الmini مش بيشتغل عليه العاب الHD زي الfit
2-هل فعلا الخامات الجهاز من البلاستك ؟
3-هل الشاشة مقاومة للخدش بالنسبة للmini و الfit
و اهم سؤال بالنسبالي :o هل لعبة fruit ninja من العاب الHD لان لو اللعبة دي مش بتشتغل يبقى مش هاجيب الموبيل لانى بحبها جداااااااااااااااا
اولا الموبيلين الشاشه بتعتهم مش داعمه لخصيه مقاومه الخدش
رغم ان ال fit فيه كاميرا اعلى و شاشه اكبر ولكن ال mini يتميز عنه بوجود شريحه جرافيك جيده جدا تؤهله لتشغيل العاب hd
و بشكل افضل من ال fit و بالنسبه ل fruit ninja والعاب كثيرة تعمل بشكل جيد جدا على Mini
ودا فيديو للعبه على mini
https://www.youtube.com/watch?v=xrrk...eature=related
أظن هناك خيارات افضل من هاتفي samsung المذكورين
1- Sony xperia mini سعره 1500 جنيه في ابلاينس ومعالجه 1 جيجا هرتز وبه كارت رسومي adreno 205 والكاميرا 5 بتصوير فيديو HD والشاشة مقاومة للخدش ( بس في ناس واجهتهم معاه مشاكل اثناء اجراء المكالمات بيعلق احيانا ) وهناك ناس اخري تذكر انه افضل هاتف رأوه
2- Motorola Fire Xt سعره 1690 جنيه ومعالجه 800 ميجا هرتز و aderno 200 ولكن الشاشة غير مقاومة للخدش
بالنسبة لهاتفي السامسونج فال fit افضل
الخيارين اللى قالهم الاستاذ midh91 جيدين و ممكن فعلا تختار واحد منهم
لكن فى الالعاب ال mini يتفوق على ال fit ولكن باقى الامكانيات عدا شريحه الجرافيك fit هو المتفوق
شكرا جدا ليكو بس انا عايزة اعرف بالنسبة للميني هل 256 الف لون يعتبر وحش و لا عادي
و هل الفيت ممكن يشغل لعبة fruit ninja ؟ و لا لأ ؟
و الف شكر ليكو على ردودكو
اولا مبيعتبرش وحش و كمان الشاشتين من نوع tft مش هتحسى بفرق بينهم
بالنسبه لتشغيل اللعبه على ال fit المشكله كل المواقع مش كاتبه شريحه جرافيك معينه للفيت
و كمان دورت على فيديوهات كتير توضح الالعاب على ال fit لم اجد بالعكس وجدت لل mini العاب كتيرو منها hd
المشاركة الأصلية كتبت بواسطة xvivax
اولا بشكرك جدا على اهتمامك و كنت عايزة اسأل هل ضعف شريحة الجرافيك ممكن تأثر على جودة البرامج التانية و لا هى بس بتفرق في الالعاب ؟؟ و هل الفيت شكلو و حجمو مناسبين لبنت و لا شكلو ولادي لاني حاسة انو كبير ؟؟
و بشكرك تاني على اهتمامك و اسفة عشان الاسئلة الكتير
شريحه الجرافيك او ال gpu تأثر على الالعاب بشكل كبير و لكن اغلب التطبيقات لا تعتمد على شريحه الجرافيك
وبالنسبه للحجم فبعد ال galaxy s2 حسيت ان الموبيلات كلها صغيرة ههههه
بس كحجم هى مناسب و مش ولادى ولا حاجة و على فكرة الشاشه الكبيرة ممكن علشان حضرتك متعودة على موبيلات مش اندرويد شيفاها كبيرة
انا شايف ان الشاشه الكبيرة مع الاندرويد متعة فى حد ذاتها
و لو فى اى استفسار اتفضلى
و بالنسبة للميني هل هو فعلا الخامات المستخدمة فيه من البلاستك و ايه الي يميز الفيت عن الميني غير الكاميرا لاني احتمال اكبر اجيب الميني فعايزة اعرف هو ايه الي بيميز الفيت عن الميني غير الكاميرا لان الكاميرا مش بتهمنى خالص ؟ و كنت سمعت ان الميني الوانه مش كتير فالشاشة بتكون باهتة هل دا صحيح ؟
انا اسفة على الاسئلة الكتير بس لاني فعلا محتارة اوى اوى و نفسي اجيب واحد يكون كويس و يعيش معايا
اولا حوار الخامات البلاستيك بلاش الظن ان البلاستيك المستخدم ردىء
وعلى فكرة انا معايا galaxy s2 هو كله مصنع من البلاستيك اكيد مفيش شركه هتضيع سمعتها علشان شويه بلاستيك :D
ثانيا : الحاجتين اللى متفوق فيها ال fit على ال mini هى الكاميرا و حجم الشاشه فقط ب 0.2 انش و المينى احسن فى الرام و شريحه الجرافيك
ثالثا : بالعكس الوان الشاشه فى المينى احسن من الفيت المينى فيه 256k و الفيت 65k
ملحوظه : حاولى تشوفى Motorola Fire Xt اللى اقترحه الاخ mido هاتف جيد و شاشته اكبرو معالج اسرع و رام اسرع و مساحه داخليه اكبر
ولكن شريحه جرافيك اقل من المينى بنسبه 5%
و لو فى استفسار تانى اتفضلى
يعني الفرق بينهم بسيط اوي و انا كدة بالنسبالي الميني احسن انا اكتر حاجة كانت مخاوفاني حكاية البلاستك دي كنت متخيلة انو ممكن يسيح في الشمس
و بالنسبة للموبايلات الي اقترحها الاخ mido هما حلوين و كل حاجة بس انا بموووووووووووت في حاجة اسهما سامسونج و مستحيل اجرب غيرو
و بجد بشكرك اوي و اسفة تعبتك معايا
ولا يهمك و ان شاء الله تجيبيه و يبقى زى الفل
و برده اتفرجى على اليوتيوب على ريفيوهات للموبيل
اكتبى samsung galaxy mini review
وعيشى :D
و اتفرجى على الالعاب و التطبيقات و كل حاجة
علشان ان شاء الله تكونى مقتنعه بيه 100% قبل ما تجيبيه
ضوابط المشاركة
المفضلات