مشكلة فى ضبط الساعة ارجو المساعدة

[farhad karim]

بسم الله الرحمن الرحيم
تحية طيبة للجميع
اساتذة انا لديه مشكلة فى ديسك توب بتاعى حيث اننى اقوم بضبط التاريخ و الوقت و لكن عند اعادة تشغيل الجهاز تتغير الساعة و الوقت
فما هى الحل

[memoreturn]

بص من خبرتي البسيطة المشكلة دي ياما البطارية بتاعت البوردة بتودع خلاص ودي تقريبا تمنها من 5 جنيه لعشرة جنيه النظيفة

وعلشان تتاكد جرب واحدة من اي واحد زميلك او شيلها ونظفها وحطها تاني وشوف هيظبط معاك الوقت

الحاجة التانية دلوقتي مصر اصبح الوقت ثابت طول السنة اتلغي التوقيت الصيفي فلو الفرق في الساعة نفسها مثلا فرق ساعة يعني انت ظابطها علي 10 واترتستر رجعت ل 9 او بقت 11 يبقي كده من الويندوز في خاصية اسمها daylight saving time changes اتاكد انه متشال من عليها علامة الصح لانه دي هي اللي اكيد بتغير الوقت معاك اول مابترستر الجهاز

واتمني انه يكون الموضوع من حوار التوقيت الصيفي علشان متخسرش البطارية ويبقي الموضوع سهل وبسيط

ومنتظر ردك بحل المشكلة

[TaHeR.NaBiL]

تمام حبيبى كما ذكرت بس فيه حاجه احب ازودها بتحصل معانا فى الجهاز الى فى الشغل الاجهزه القديمه اول البنتيوم 4 ما طلع عمره اكثر من 6 سنوات بيحصل نفس المشكله بالرغم من تغير البطاريه باخرى جديده اعتقد ان الاجهزه لما يمر عليها فتره طويله بيحصل معاها بعض هذه المشاكل واعتقد انها محتاجه شحن بايوس .

[memoreturn]

شكرا ليك tahernabil بس سؤال هو شحن البيوس مختلف علي انك تنزل بيوس جديد من الويندوز ببرامج المدعمة من البوردة زي مثلا لجيجا بايت bois @ اللي تحدث البيوس بتاع البوردة من خلال الويندوز سواء عن طريق السيرفر الخاص بيهم او انك تنزل الملف وتحدثه عن طريق نفس البرنامج
ولا ده حاجة مختلفة تمام ولازم تروح للصيانة الخاصة باللوحة وهما يعملوا الشحن البيوس

[Ahmed.Elsayed]

وفيه سبب كمان أحياناً عندما يقوم فنى بتصليح المازربورد ويقوم بشحن البيوس يقوم بترجيع البيوس للأعدادات الأفتراضية عن طريق تغيير وضع ال Jumber الخاص ب Clear CMOS وينسى بعدها إرجاعه بعد ذلك للوضع الأفتراضى فمهما غيرت بعدها إعدادات البيوس أو أعدادات الوقت و التاريخ فلن يتم حفظها على البطارية بسبب هذا الجمبر فراجع الكتيب الخاص بالمازربورد و تأكد من وضع هذا الجمبر

[farhad karim]

بارك الله فيكم يا اساتذة ان شاء الله دائما موفقين