تكوين مجموعة لمدارسة قرص mcitp enterprise للمهندس محمود سرحان

[سمرمون_2010]

ايه رأيكم في الموضوع الرئيسى هنا هنحدد الفيديوهات اللي هنذاكرها أنا كل أسبوع إن شاء الله هكتب الأسبوع ده الفيديوهات رقم كذا وكذا ماشي وهيكون فيه أخ منكم هو المسؤل عن إنشاء صفحات المناقشة يعني يوم الخميس مثلا الصبح يقوم بإنشاء صفحة ويسميها صفحة الأسبوع كذا أو صفحة الفيديو رقم كذا وكذا

[nubianzerocool]

بسم الله الرحمن الرحيم

نقطة نظام يا شباب

سمرمون_2010

ياريت في الموضوع الرئيسي ننظم الموضوع شوية
نكتب فيه كل الأعضاء اللي أشتركوا و اللي هيشتركوا
المصادر اللي هنشتغل عليها
النظام اللي هنمشي بيه
البرامج و نسخ الويندوز اللي هنشتغل عليها
و كل يمشي علي النظام ده


ياريت كمان نضيف أيميلات بعض
كل الايميلات اللي أتكتبت هنا أنا ضيفتها بعد أذن أصحابها
و أيميلي
nubianzerocool@yahoo.com

و صفحتي علي الفيس بوك

https://www.facebook.com/SUBZEROTOSHKA


و أنا أنشئت صفحة ع الفيس بوك عنوانها

https://www.facebook.com/groups/263486643701028/

ياريت الكل يشترك فيها و تتكتب في الموضوع الرئيسي
و كل المشتركين في المجموعه بتاعت الكورس هيكونوا أدمنز فيها

[سمرمون_2010]

المهم يا جماعة حددوا هنبدأ الأسبوع ده إن شاء الله ولا ايه

[سمرمون_2010]

معلش يا جماعة أنا هيكون شغلي التنظيم هنا إن شاء الله يعني تحديد الفيديوهات ووضع اللينكات اللي هنشتغل منها والبشمهندس صاحب الصفحة على الفيس بوك يكون قائدها على الفيس بوك وده اللينك بتاعه
https://www.facebook.com/groups/263486643701028/

وإن شاء الله هجمع اللينكات واإيميلات في المشاركة الأولى في الموضوع وهنكتب فيها الأعضاء كلهم

[Ahmed Juba]

المهم يا جماعة حددوا هنبدأ الأسبوع ده إن شاء الله ولا ايه

ان شاء الله السبت الجاي نكون جاهزين

[Ahmed Juba]

يا جماعة في شوية حاجات لازم نتفق عليها الاول واتمنى اني اسمع رايكم فيها
1- اخر ميعاد لللمشاركة الجمعة الجاية سواء هنا او على الفيس
2-كل واحد ليه مرتين في عدم التفاعل بعد كده متاسفين يخرج بره المحموعة الا لو اعتذر قبلها سواء هنا او على الجروب
3- كل الاعضاء والمشاركين يكتبوا اسمائهم على الجروب وايميلاتهم ده طبعا للشباب اما البنات فليهم حرية التصرف
4-لازم يكون في تفاعل من المشتركين

[سمرمون_2010]

خلاص يا جماعة إن شاء الله كلنا في خلا اليومين دول نجهز الفيديوهات والبرامج اللي هنشتغل عليها وكل اللي هنسمعه الأسبوع ده المقدمة بتاع القرص فقط هي حوالي ساعة وعبارة عن تقسيم القرص للبشمهندس محمود سرحان والترتيب اللي هيمشي به وأرقام الامتحانات يعني كبداية حقيقية في القرص إن شاء الله هتكون يوم السبت وكلنا ننضم لصفحة الفيس بوك

[m_gemi10]

السلام عليكم ورحمة الله وبركاته
بصوا يا جماعة أنا عضو من الأعضاء أي حد من حضارتكم يتبرع بمهمة القائد في المنتدى وحد تاني يعملنا الصفحة على الفيس بوك ماشي
لكن أنا معاكم كفرد في المجموعة

بصوا ده موقع بيختار الأسماء عشوائى ياريت حضرتك تحطى كل أسماء الأعضاء التسعة بما فيهم حضرتك وانا وكله يعنى التسعة كاملين والموقع هيرتب السماء ديه بطريقة عشوائية والشخص الأول اللى الموقع هيختاره ده اللى هيبقي مسئول عن التنظيم وتحديد المواعيد وكام يوم نذاكر فيه وكام فيديو وكده والأسم التانى هيبقي مسئول عن الصفحة الخاصة بالفيس يعنى ينشأءها ويكون هو الأدمن وأدى الموقع اهو https://www.random.org/lists/
وبعد ما حضرتك تحطى الاسماء التسعة في القائمة ديه أضغطى علي randomize وخديها print screen عشان الناس تبقي عارفة انى ده الأول وده التانى وأدينى سهلت الدنيا علي الأخر عشان محدش يقول انا اللى هبقي ليدر والتانى يقول لأ انا مش مسؤؤل عن كذا والحكايات ديه منتظر الرد ان شاء الله

[سمرمون_2010]

إن شاء الله الكل يكون جاهز على أول الأسبوع الجاي وإن شاء الله أراجع معاكم برده الccna لأنى نسيت منها كتير فبصراحة أبدأها معاكم تاني فياريت تعرفوني هتذاكروا فيديوهات ايه لمين يعني والكتاب وكده

[سمرمون_2010]

بصوا ده موقع بيختار الأسماء عشوائى ياريت حضرتك تحطى كل أسماء الأعضاء التسعة بما فيهم حضرتك وانا وكله يعنى التسعة كاملين والموقع هيرتب السماء ديه بطريقة عشوائية والشخص الأول اللى الموقع هيختاره ده اللى هيبقي مسئول عن التنظيم وتحديد المواعيد وكام يوم نذاكر فيه وكام فيديو وكده والأسم التانى هيبقي مسئول عن الصفحة الخاصة بالفيس يعنى ينشأءها ويكون هو الأدمن وأدى الموقع اهو https://www.random.org/lists/
وبعد ما حضرتك تحطى الاسماء التسعة في القائمة ديه أضغطى علي randomize وخديها print screen عشان الناس تبقي عارفة انى ده الأول وده التانى وأدينى سهلت الدنيا علي الأخر عشان محدش يقول انا اللى هبقي ليدر والتانى يقول لأ انا مش مسؤؤل عن كذا والحكايات ديه منتظر الرد ان شاء الله

بص يا بشمهندس البشمهندس nuibianzerocool هو اللي أنشأ الصفحة على الفيس بوك فإن شاء الله هيكون هو ال admin عليها وهنا في الموضوع ده أنا هكتب الفيديوهات كل سبت بإذن الله وهنعمل بإذن الله صفحة لكل أسبوع في موضوع جديد يكون عارفين إنها للفيديوهات كذا وكذا وتكون فيها الأسئلة والنقط اللي هناقشها والمسؤل عن كده البشمهندس ahmed juba ده بعد إذنك وفي الأخر أنا فرد في المجموعة

[nubianzerocool]

شباب بالنسبة لصفحة الفيس بوك
كل أعضاء الكورس هنا بمجرد أشتراكهم
بخليهم أدمنز
و ده اللي حصل مع
سمرمون_2010
Ahmed Juba

و هيحصل مع كل اللي يشترك

[m_gemi10]

بص يا بشمهندس البشمهندس nuibianzerocool هو اللي أنشأ الصفحة على الفيس بوك فإن شاء الله هيكون هو ال admin عليها وهنا في الموضوع ده أنا هكتب الفيديوهات كل سبت بإذن الله وهنعمل بإذن الله صفحة لكل أسبوع في موضوع جديد يكون عارفين إنها للفيديوهات كذا وكذا وتكون فيها الأسئلة والنقط اللي هناقشها والمسؤل عن كده البشمهندس ahmed juba ده بعد إذنك وفي الأخر أنا فرد في المجموعة

طبعا انا موافق علي كده وكنت شوفت الصفحة الخاصة بالفيس للأسف بعد ده كله والحمد لله انا شايف كده انى الناس متعاونة وانا كنت قايل الأقتراح ده عشان افتكرت انى لسة مش حددتوا مين الليدر ومين الأدمن لكن بسم الله ماشاء الله عليكوا بجد ربنا معانا كلنا ويوفقنا ان شاء الله اما بالنسبة للصفحة بتاعت كل اسبوع فمعلش انا مش فاهم النقطة ديه ازاى يعنى صفحة كل اسبوع ديه هتبقي بموضوع جديد يعنى في المنتدى ولا ايه؟؟

[nubianzerocool]

بسم الله الرحمن الرحيم

الباشمهندسm_gemi10

صفحة الأسبوع دي هتبقي موضوع مختلف
كل أسبوع مخصص لمناقشة اللي تم أنجازه
خلال الأسبوع من أسئلة و لو حد عايز يضيف حاجة
في اللي أتذاكر الأسبوع ده و كده

[m_gemi10]

بسم الله الرحمن الرحيم

الباشمهندسm_gemi10

صفحة الأسبوع دي هتبقي موضوع مختلف
كل أسبوع مخصص لمناقشة اللي تم أنجازه
خلال الأسبوع من أسئلة و لو حد عايز يضيف حاجة
في اللي أتذاكر الأسبوع ده و كده

انا فاهم حضرتك بس قصدى الصفحة ديه هتبقي فين؟؟ قصدك هنا في المنتدى صفحة بموضوع جديد خالص ولا هتبقي صفحة في الموضوع اللى الاخت سمر عاملاه

[nubianzerocool]

أه موضوع مختلف جديد مخصص للمناقشة