سؤال :لماذا لا يتم أنتهاء تسطيب الويندوز من الفلاشة ؟

**sam_star54** · 25-11-2011, 18:02

انا موصفات جهازي في البيانات وحببيت اسطب ويندوز 7 x64 من الفلاشة لان dvd بيعلق عندي وكمان من الفلاشة أسرع ,,,,,,,,,
المهم استخدمت برنامج Windows7-USB-DVD-tool وتم النسخ بنجاح علي فلاشة كينج ستون 16g ,,,,,,,,,,,
عدلت البوت أوبشن من البوردة علي usb ووضعت الفلاشة وفعلاً بوتت ودخلت علي الويندوز سيت أب ولاحظت فرق السرعة الرهيبة ,,,,,,,,,,,,,
وبعد الانتهاء من المرحلة الاولي (اللي فيها coping files,expanding files ,,,,,,,,,,,,,,,,,,,,,) وعمل أول ريستارت أثناء التسطيب لقيته بيعيد الخطوات دي تاني من الاول ,,,,,,,,,
مش بكمل السيت أب دخلت تاني علي ................windows loading files ,format partition,coping
وهكذا عيدت التسطيب كامل بتاع 3 مرات وعملت ريستارت اكتر م 5 مرات بدون فايدة ,,,,,,,,,,
وفي الاخر يأست ووصلت dvd وقعدت بتاع ساعتين علشان اشغلة والمحد لله في النهاية سطبت الويندوز بالعافية ....

يا ريت حد يقولي لو عملت حاجة غلط او مفروض في أوبشن تاني مفروض أفعله في البايوس علشان بوت الفلاشة يستمر بدون الاعادة من الاول في دايرة مغلقة,,,,,,,,,,,
أســــــــــــــــــــــــــف علي التطويل وأرجو المساعدة والشرح إن أمكن
شكرا مقدما وسلام

**memoreturn** · 25-11-2011, 19:29

اعتقد انه الخطا انه انت بتغلط في انك بتدوس انك تبوت تاني من الفلاشة لما بيقولك اضغط علي اي زرار علشان تبوت فكده بيدخلك تاني كانك لسه بتسطب الويندوز من اول وجديد

انت اول رسترت شيل الفلاشة اول مايقولك انه خلاص نسخ الملفات تشيل الفلاشة لانه كده مش محتاجها خلاص او انك متضغطش علي اي زرار لما يطلب منك ويقولك علشان تبوت من الفلاشة سيبه هتلاقيه كمل ودخل علي باقي تكميل تسطيب الويندوز يعني ماتقربش من الكيبورد اوعي ايديك والكيبورد ههه :D:p

بس وان شاء الله تظبط معاك ياريس بس مش عارف انا محسيتش بفرق لما سطبت من الفلاشة او من الدفيدي

**sam_star54** · 26-11-2011, 01:46

اولا: ألف شكر علي الاهتمام والرد

ثانيا: أنا عملت فعلا اللي حضرتك قولتة بعد مرتيين وانا بعيد نفس الخطوات تاني قولت والجهاز بيرستر أشيل الفلاشة وشيلتها بس والجهاز بيحمل قالي bootmgr is missing press ctrl+alt+del to restart

ثالثا: أنا لما أخترت أن التبويت يكون من الفلاشة مسألنيش press any key to boot from usb drive مثلا دا دخل علي التحميل علي طول
مش زي الدي في دي

**xyza** · 26-11-2011, 05:16

قابلتني نفس المشكله والحل ابسط مما تتخيل شوف يا غالي
ركب فلاشتك وسطب عادي جدا ومع اول رستارت للجهاز اختار البوت من الهارد بدل الفلاشه يعني بعد الرستارت وهو داخل يكمل تسطيب دوس f8 او اي كان ما تستخدمه لاختيار البوت واختار الدخول من علي الهارد دسك بدل الفلاشه هيكمل تسطيب عادي جدا

والله الموفق

**sam_star54** · 26-11-2011, 07:48

الف الف شكر

**Amro.Mustafa** · 26-11-2011, 17:59

السلام عليكم ورحمة اللة وبركاته :-
اخواني الاعضاء الجدد في المنتدي ليسة مشكله في اعدادات البيوس نهائيا ....................... رقم 1
بخصوص تنزيل او بمعني أخر تنصيب النظام الخاص بويندوز 7 عن طريق الفلاش او اليو اس بي فلاش هنا نستخدم شيئين لا ثالث لهم :-
الأول :- برنامج Win In Flash وهذا خاص بتنزيل ملفات الأسطوانة الخاصة بالنظام من ويندوز 7 الي الفلاش او اليو اس بي فلاش .( ملحوظه :- لا يشترط وجود دي في دي روم ). ويمكن استخدام بديل وهو برنامج DAEMON Tools Lite .وسيتم رفع الشرح ان شاء الله الليلة .
الثاني:- هارد خارجي External Hard Disk Usb أو Usb Flash Disk 4.00 GB أو Usb Flash Disk 8.00 Gb .ويفضل ان تكون 8.00 -16.00 جيجا بايت (في حالة لقدر الله فشل عملية النسخ ) .
هذا من ناحية تنصيب النظام من ويندوز 7 عن طريق اليو اس بي فلاش ( ملحوظه هامه :- لا تقم بوضع الفلاشة في المخرج الأمامي للجهاز عند بدأ عملية النسخ ).
من حيث أعدادات البيوس او اعدادات الأقلاع ( البوت ) فيختلف نظام الاقلاع من لوحة الي اخري . علي سبيل المثال
لوحة من نوع Intel Mother Board Gl 41 فيكون الدخول الي اعدادت البيوت من عن طريق Del .
لوحة من نوع Asus Mother Board فيكون الدخول الي اعدادات البيوس من عن طريق F8 .
وان شاء الله تعالي سيتم عمل موضوع علي هذا الموضوع .