افيدوناااااااااااااا
هل يمكن دمج سرعتان من 2 راوتر في سوتش واحد ؟
السلام عليكم ورحمة الله و بركاته
هل يمكن دمج سرعتان مختلفتين أو متشابهتين مثلا 2 ميجا + 2 ميجا دي من راوتر و دي من راوتر تاني و يدخلوا في نفس السويتش و يدوني سرعة 4 ميجا ؟
ولا ايه اللي هيحصل بالظبط لو عملت كده ؟!!!
يعني هو السويتش هيسحب من أنهي فيهم ولا هيبقى ايه النظام ؟
و هل فيه مشاكل أو أضرار من الموضوع ده ؟
فيه حد جرب الموضوع عملي قبل كده يا جماعه ؟ يا ريت تفيدوني أرجوكم
افيدوناااااااااااااا
حضرتك رديت على نفسك ها يسحب من انه فيهم ولو سحب ها يسحب من راوتر واحد يا اما الايبهات ها تخش على بعض
طيب ينفع أخليهم في سويتش واحد و اظبط نص الأجهزه تاخد من الراوتر رقم 1 و النص التاني ياخد من الراوتر رقم 2 ؟؟؟؟
و دي بقى تتظبط ازاي ؟!!! , يعني مثلا كل راوتر ليه Getway مختلفه و نص الأجهزه تاخد كده و الناص التاني كده ؟؟؟
أصل أنا الصراحه لسه شاري سويتش 24 بورت و صعبان عليا أجيب سويتش تاني علشان الراوتر التاني علشان كده حرام والله !
على حسب معلوماتي المتواضعه
الغي خاصية dhcp من احد الراوترين وخليه يشتغل مانول وخلي الايبهات فى نص الاجهزة مانول من الراوتر الثاني والنصف الاول اتوماتيك
طيب هل فيه موضوع في المنتدى بيشرح الموضوع ده ؟
يا ريت لو مفيش اللي عارف يتكرم بالشرح لو سمحتم و نستفاد كلنا
حضرتك ما ينفعش طلع السوتش الاربعة وعشرين بورت لا اى مكان عندك فى الشبكة فى سوتش 8 بورت مثلا وبدلهم واشترى واحد 5 بورت
وطلع من كل سوتش لروتر بس الافايد انك تعمل ميكروتك وتدمج السرعتين اعتقد الشبكة ها تكون افضل بكتير
يعني من الآخر يا جماعه أفضل حاجه في الحوار ده كله بعد كلام كتير هو الفانوس السحري مايكروتيك هههههههههههههههههههه
إذن نبدأ بقى نتجه للمايكروتيك في مواضيع جديدة إذا لم يكفنا ما في المنتدى
ههههههههههههه فعلا الميكروتك تحكم جامد جدا ومافيش نت كت والكلام ده وما فيش نت بطئالمشاركة الأصلية كتبت بواسطة hoba_hawas
تقدر تدمج عن طريق كيسة عليها ميكروتك او تشترى روتر بورد مايكروتك جاهزه
طيب حضرتك تفضل الراوتر بورد الجاهز ولا أركب المايكروتك على كيسه بيكون أفضل ؟
شكرًا ليكم جميعًا
عن تجربة شخصية ... يمكن ربط 2 روتر ببعض على سويتش واحد وتدمج السرعتين .
كل اللي هتعمله انك هتدي للروتر الأول IP 192.168.1.1 والتاني IP 192.168.1.2 او كما تحب بس لازم اول 3 خانات يبقوا زي بعض
بمعنى مينفعش تخلي واحد 192.168.1.1 والتاني 192.168.2.1 .. يا ريت تكون الفكرة وصلت
انا دمجت واحد ميجا مع 2 ميجا وكنت بحمل بسرعة 350 كيلو.
طيب لو عملنا اللي حضرتك بتقوله ده ازاي السرعه هتندمج و الأجهزه اللي هتاخد من السويتش ال default gateway بيكون خانه واحده يعني يا إما هيكون فيها 192.168.1.1 أو 192.168.1.2 يا إما الجهاو هياخد الأول أو ال 2 لان مينفعش جهاز يبقى ليه 2 default gateway على حسب علمي و لو ينفع يا ريت اللي عارف يشرحلنا إزاي و تبقى اتحلت المشكله ...... لكن بطريقة حضرتك أنا ممكن أظبط الآي بي بتاع الأجهزه مانيوال و اخلي نص الأجهزه على default gateway و النص التاني على ال default gateway التانيه بس بكده أنا أكني وفرت سويتش بس مش أكتر لكن مش هستفاد بالسرعتين مع بعض خصوصا لو نص الناس اللي على default gateway منهم قافلين كلهم و النت شغال ع الفاضي !!!! يبقى أنا أعمل سويتش و الآي بي أوتوماتيك أحسن و اريح دماغي بقى علشان كل لما واحد ينزل ويندوز لازم أظبطله الدنيا و شغلانه
Prince1987
شكرًا جزيلًا ليك و يا ريت توضحلنا أكتر التجربه بتاعت حضرتك و ازاي حصل ده بالظبط و هل الكلام اللي أنا قولته فيه حاجه غلط ؟!
متأسف جداً ... الفكره ان الأجهزة بتاخد اتوماتيك جيت واي من روتر لكن هتاخد DNS من روتر تاني وبكده يدمج الاتنين ...
بالنسبة للشبكة فهي تعمل 100% وكل الأجهزة تظهر على الشبكة ... لكن بالنسبة لدمج السرعتين .. مؤخراً لم تعد تعمل معي .. .لاا اعرف ما السبب ... لكن يبدوا انها لن تكون طريقة جيدة لك لدمج السرعتين
اسف انني لم استطع مساعدتك
لا داعي للأسف أخي الكريم ... مهو لو أخدت DNS تاني يبقى كده أنت مش هتستفاد من الرواتر التاني إلا لما الراوتر الأولاني يفصل أو النت يفصل فيه و كده لكن مش هتستفاد بدمج السرعه
من الواضح أن الطريقة المثلى هي سيرفر المايكروتيك ولا حل أمامنا غير ذلك بالإضافة إلى مميزاته الرائعه لذا أن أتجه إليه الآن
شكرًا جزيلًا على تفاعلك أخي
ضوابط المشاركة
المفضلات