لماذا يتم تجاهل الاجابة عن مثل هذا السؤال في المنتدى ؟؟؟؟؟

**sewar101** · 26-11-2011, 15:44

بسم الله الرحمن الرحيم

السلام عليكم و رحمة الله و بركاته

اولا: احب ان اوجه الشكر لكل من ساهم و يساهم في هذا المنتدى العظيم و جعله مرجعا لكل مستخدمي الحاسب الآلي و مشتملاته

ثانيا: اود ان اطرح عليكم مشكلة صغيرة جدا عندي .... و هي ليست بجديدة او غريبة من حيث طرحها في هذا المنتدى ...!!
المشكلة تتلخص في الآتي:

الوضع الحالي للشبكة:

وجود 20 جهاز حاسب تقريبا
وجود 1 سيرفر Proliant HP مع نسخة ويندوز سيرفر 2008
تم تثبيت و تحويل السيرفر الى دومين (اكتف دايركتوري)

المطلوب:

كيفية توصيل الاجهزة الــ 20 الى الانترنت من خلال الاكتف دايركتوري ، مع العلم اني اعلم انه لابد ان يكون هناك ايزا سيرفر .... و لكن الوضع الحالي لم يتم احضار الجهاز المناسب ليقوم بمهمة الايزا .... و اريد ان يتم ربط جميع الاجهزة حاليا بالدومين و من خلاله بالانترنت...!!

ثانيا:
عند تحضير جهاز الايزا و توصيلة بالشبكة .... اريد ان اعرف كيفية التوصيل ... و تظبيطة الايبهات على كل الشبكة .....!!!

ارجو منكم الاجابة الواضحة و السريعة
جزاكم الله خيراً

**sewar101** · 27-11-2011, 08:10

ده رسم كروكي للشبكة بالوضع الحالي ...!!!
المشكلة كيفية رفط الاجهزة بالانترنت عن طريق الدومين ؟؟؟؟
لما احب اوصل جهاز الايزا ...!!! هوصله ازاي .... و اهم حاجة تظبيطة الايبيهات بتاعة الشبكة !!

**ellassy** · 27-11-2011, 19:06

بص انا هشرح على الوضع الحالى يعنى مفيش ايزا ولما تيجى تشغلها نبقى نشوف هتعمل ايه
اولا الاجهزة هتتوصل ببعض عن طريق السيوتشات بما فيهم سيرفر الدومين
بعد كده هتوصل كابل من الراوتر اللى عندك على السيوتش
ومن الراوتر هتلغى ال DHCP وتخلى سيرفر الدومين هو اللى يشتغل DHCP علشان تتحكم مين يطلع انترنت ومين لآ
هفترض ان IP router هو 192.168.1.1 وده هو ال Gateway الخاص بالاجهزة علشان تطلع انترنت
هتخلى ال DHCP يوزعه مع IP & Subnet mask

---------------