الكسر او مفتح انوية المعالج AMD Phenom II X2 550 Black Edition يقلل من عمره ؟

[Sopeer]

السلام عليكم ورحمة الله وبركاته
بسم الله الرحمن الرحيم




اخوانى الكرام انا عندى المعالج دا
AMD Phenom II X2 550 Black Edition

باذن الله بفكر اكسر سرعته او افتح الانويه بمشتت احترافى
باذن الله ناوى اجيب كولر ماستر هايبر 212 المعروف بادائه

ولاكن لو عمرو البروسيسور هيقل او هيتاثر بالكسر او فتح الانويه يبقى طبعا بلاها خالص :D
حبيت اسال بس قبل ما اجيب المشتت دا لو فى تاثير من الجهتين ام لا

مع العلم انا جربت افتح الانويه من قبل والحمد لله اتفتح الاربع انويه لمدة 5 دقايق مع الضغط ومحولتش ازود عن كدا لان كان المشتت العادى
وبردو بكسر السرعه وصلت بيه ل 3.6 والحمد لله كان مستقر جدا

استخداماتى لتحويل الفيديو واحياننا للالعاب
مواصفات الجهاز
البورده
MSI 785GM-E51
hec 500w
4G ram kingstone 2*2 bass 1333


احبب اكرر السوال تانى
هل الكسر او فتح الانويه او كلاهما ممكن ياثر على عمرو البروسيسور ؟
لان لو هياثر على عمرو مش هطر فى الغالب انى اجيب مشتت احترافى واكتفى بالمشتت العادى .
ومع تجربة الكسر والفتح فرق معايا فى التحويل ولاكن ليس الفرق الكبير تقريبا كان 10 الى 15 فريم فى الثانيه فى الحدود دى .


شكرا مقدما وعذرا على الاطاله .

[a7med beek]

لا تخاف كليهما لا يؤثر طالما الفولت في الحدود المسموحة والحرارة مناسبة وهات مروحة اضافية عشان تركبها للكولر ماستر والاداء هيبقى رائع :ah7:

[MrEhabYoussrey]

لكن لو عمرو البروسيسور هيقل او هيتاثر بالكسر او فتح الانويه يبقى طبعا بلاها خالص :D

وليه بلاها خالص .. وتحرم نفسك من 4 أنوية وآداء ممتاز مع الكسر ..
حتى لو بيأثر على البروسيسور واللوحة .. حيفضل معاك سنين مع التبريد الجيد وبعديها إبقى إرمى الجهاز كله وإشترى جديد ..

[Sopeer]

وليه بلاها خالص .. وتحرم نفسك من 4 أنوية وآداء ممتاز مع الكسر ..
حتى لو بيأثر على البروسيسور واللوحة .. حيفضل معاك سنين مع التبريد الجيد وبعديها إبقى إرمى الجهاز كله وإشترى جديد ..

منا بحسبها ببلاها لان بال 200 جنيه مع بيع الثنائى النواه مع مبلغ صغير كمان ممكن اجيب ال 4 انويه بكل سهوله بدل ما اجيب مشتت واكسر وااثر على الاداء - دى وجهة نظرى .

الاربع انويه فيه اى مشكله على المدى البعيد ؟
الكسر بالظبع فيه لاننا بنضغط على البروسيسور علشان يطلع اداء اعلى من ادائو .

[MOHAMED ELIAS]

لا متخافش علىه و طالما الفولت فى الحد المسموح يبقى متخفش

[unexpected]

اخي الكريم طالما الفولت امن والحرارة جيدة مفيش خوف

[is master]

حضرتك المعالج الخاص بيك من فئه البلاك ايديشن ودة بيتميز انك ممكن تكسر السرعه بتاعتو عن طريق رفع معالج الضرب بسهوله وبدون اى مخاطر يعني بالمشتت الاحترافى رخيص زى هايبر تكس 3 او هايبر 212 تقدر توصل ل 3.8 بسهوله جداااااااااااااااااااا وبدون رفع اللفولت وبالنسبه لفتح الانويه هو موضوع بيعتمد على الحظ مش اكتر

وراجع الموضوع دة هيساعدك https://arabhardware.net/forum/showthread.php?t=157790