هل حرارة المعالج فعلاً مرتفعة ! ام المذربورد مخرف ؟؟

**vAMP** · 09-10-2005, 16:34

السلام عليكم ..

كيف حالكم شخباركم عساكم طيبين ؟؟

المهم اخواني انا جهازي مواصفاته بانتيوم 2400 ورامات 512 وهاردسك 80 جيجا

الجهاز يعتبر قديم نوعاً ما ..

خرب علي المذربورد قبل فترة وغيرته بنوع يسمى asus اعتقد

مروحة المعالج خربت علي مرتين بعد

وغيرتها قبل شهر ..

المهم انا من الناس اللي يخلي جهازه شغال على طول بالأيام يمكن أطفيه أبو خمس دقايق وأرجع أشغله ..

هالحين طلعت لي رسالة جديدة اول ما اشغل الجهاز يقول نظام المراقبة ينبه عن مشكلة اضغط DELETE وشوف وش ساير <<ترى مو مكتوب زي كذا بالضبط

المهم دخلت ولقيت شاشة المراقبة

لقيت اول شيء مقايسين لدرجة الحرارة .. واحد عالي مرة تقريباً واصل 60 او اكثر .. وهو حق المعالج ..

والثاني كان واطي اول الأيام يمكن حول ال30 أو اقل والحين ساير فوق الأربعين وحول الخمسين بعد وماعرفت حق ايش بس كأنه مكتوب MTB او عبارة مقاربة ..

المهم انه تحت فيه شيء يبين عدد دورات المروحة حقت المعالج .. لا سار أقل من ال 1500 يسير اللون أحمر وتزيد درجة المعالج ..

ولا زادت عن 1500 (أعتقد الطبيعي فوق ال 2500) تنخفض درجة الحرارة بشكل كبير وتوصل 30 درجة تقريباً !!

يعني النص !!

الطامة الكبرى إنه مرات سرعة المروحة تبين لي إنه صفر دورة !! يعني ماتتحرك ..

فتحت الجهاز لقيت المروحة تدور !!

اهز الكيس كله يمين ويسار اشوف السرعة تزيد عندي بالشاشة وتقل شوي شوي

واشوف اختلاف في درجة الحرارة ..

كم مرة قدرت اثبتها فوق ال 3000 مع كثر الهز وفعلاً انخفضت درجة الحرارة كثير ..

ويوم اشوف الدورات تثبت على 3000 وتبدأ تنقص اسمع صوت بالكيس يختلف كل شوي !

الظاهر صوت المروحة ..

صراحة مدري إذا المشكلة واضحة ولا لأ ..

يعني اول خربت وحدة من المراوح وسرت كل ما اشغل برنامج ثقيل ياخي 100% من ال CPU يطفي الكمبيوتر .. بس اعتقد إن هذا حماية من نفس المذربورد وانا الحين مغيره .. اضطريت اني افك الكيس وعرفت إن المروحة فيها خلل ماتشتغل عشان كذا سار يطفي !! من الأمان ..

هالحين انا خايف صراحة مغير المذربورد والحرارة عالية ودورات المروحة حسب مايقول صفر !

مع إني اشوف المروحة تتحرك وهو يقول صفر ! كأنه يتهيا لي بعد إن حركتها سريعة بس الصوت يختلف !

الظاهر لحست مخكم ولا عرفت اشرح

صراحة مستعجل شوي

بإنتظار ردودكم ..

**واحد مسكين** · 10-10-2005, 20:39

وعليكم السلام ورحمة الله وبركاته :
أما بعد :
أولاً : حيّاك الله في منتدى عرب هاردوير ( بيتك الثالث ، لأن بيتك الثاني منتدى السيارات

) .

والثاني كان واطي اول الأيام يمكن حول ال30 أو اقل والحين ساير فوق الأربعين وحول الخمسين بعد وماعرفت حق ايش بس كأنه مكتوب MTB او عبارة مقاربة ..

طبعاً المقياس الأول هو للمعالج كما ذكرت وأما الثاني فهو للجسر الشمالي ، وأرى أن الحرارة زايدة للجسر الشمالي يعني من المستحسن تكون 40 درجة وأقل .

وأما بسالفة مروحة المعالج فهذه غريبة

، يعني إذا هزّيت الكيس تزيد سرعة المروحة

؟!
ليش ما تغير مروحة المعالج بنوع أفضل .. يعني خذلك مثلاً مروحة زالمان بصراحة هادئة وممتازة واتركك من مرواح إنتل ووجع الراس .

وأنتظر رد الخبراء .

**قولدمان** · 11-10-2005, 01:08

اعتقد هذا غبار في المروحة مع الوقت تبتدي تبطي سرعتها بسبب تراكم الغبار
انصحك تجيب لك منفاخ هوا وتفنخ المراوح وتنضف الكيس وشوف وش يصير.
ولو تبدل المراوح افضل بعد.

**سامر 2002** · 28-10-2005, 02:50

أضم صوتي لصوتك وأظن ان المذربورد asus خايسه الحرارة نفس إلي عندي لكن المروحة ما توقف

**abu mazen** · 02-11-2005, 16:26

السلام عليكم
وكل عام والجميع بخير
شوف اخوي انت مغير المروحة مغيرها
لكن قبل ماتغيرها حاول تفكها وتنظفها من الغبار وفي الوسط قلب المروحة في زي الملصق حاول تفكه وزيت المروحة او حط فازلين ولا شحم " اذكر مرة سويتها على بينتيوم 2 " واذا في تحسن اهو خير وبركة وتعليم وفائدة والا روح واشتري مروحة زي ما قالوا زالمان اشوفهم يمدحونها

**الشاهين** · 03-11-2005, 19:16

الصراحة انا مع واحد مسكين راي تغير مروحة المعالج بنوع أفضل .. يعني خذلك مروحة زالمان بصراحة هادئة وممتازة واتركك من مرواح إنتل ووجع الراس انا امتلك واحدة فعلا ممتازة اسأل مجرب